ავტორი: nuca galumashvili

IWSC 2025 Wine & Spirits Judging in Georgia 2024 წლის 27 ნოემბრიდან 1 დეკემბრამდე თბილისში, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით გაიმართება.

წელს კონკურსზე განსაკუთრებით შთამბეჭდავი საერთაშორისო ჟიური გვეწვევა.

ქართული ღვინის ინდუსტრიის განვითარების, არსებული გამოწვევებისა და სამომავლო პერსპექტივების შესახებ  IWSC-ის საერთაშორისო ჟიურის წევრს, Novel Wines-ის ღვინის შესყიდვების დირექტორს ვილ ჰილს ვესაუბრეთ.

თქვენ წელსაც იქნებით  IWSC-ის მსაჯი საქართველოში. როგორ შეაფასებდით გასული წლის ღვინოებს და რა სიახლეებს ელოდებით წელს?

კარგად მახსოვს, რომ გასულ წელს ყველანი ძალიან დიდი შთაბეჭდილებების ქვეშ ვიყავით. ზოგიერთ ქართულ ღვინოს, რომელიც კონკურსში იღებდა მონაწილეობას, კვლავ ჰქონდა ნაკლოვანებები და არ იყო მზად საერთაშორისო ბაზრისთვის, მაგრამ საერთო ჯამში შედეგები გაუმჯობესებული იყო. ძალიან სასიამოვნო იყო იმის დანახვა, თუ როგორ გაიზარდა და დაუახლოვდა სისუფთავის, ხარისხისა და ზოგადად მეღვინეობის დონე საერთაშორისო სტანდარტს საქართველოში. ვფიქრობ, უკეთესი იქნება, თუ საქართველოდან უფრო მეტი დაძველებული ღვინის ნიმუში ან ალტერნატიული სტილები, როგორიცაა ცქრიალა ღვინო ან ტკბილი ღვინოები გამოვა კონკურსზე.

არის თუ არა რაიმე ახალი ტენდენციები და ინოვაციები ქართულ მეღვინეობაში და რამდენად აქვს შანსი გავლენა მოახდინოს საერთაშორისო ბაზარზე?

ყველაზე დიდი ტენდენცია, ალბათ, ქარვისფერი ღვინოებია. ისინი კვლავაც აქტუალურია ქართულ ბაზარზე, ამ ნაწილში ტენდენცია რამდენად მზარდია, რთულია განვსაზღვროთ, მაგრამ ამჯერად ნამდვილად იზრდება. ის, რაც ქარვისფერ ღვინოებს განასხვავებს, მათი დამზადების წესია, შესაბამისად მეღვინეობის ნიუანსები ნამდვილად გამოიხატება. პოპულარობას იძენს პოპულარული, ისეთი ღვინოები, როგორიცაა ქინძმარაული, რომელსაც პატარა სიტკბო დაჰკრავს.

გაერთიანებულ სამეფოში ყველას ამბობს, რომ მშრალი ღვინო უყვარს, მაგრამ რეალურად, ყველას აქვს სურვილი ღვინოში მცირედ მოტკბო გემოები აღმოაჩინოს. ეს მხოლოდ ერთ რამეზე მეტყველებს – შესაძლოა ბრიტანეთის ბაზარმა წარმატებით მიიღოს მსგავსი ღვინოები.

მსოფლიოს სხვადასხვა რეგიონში ღვინოების შეფასების შემდეგ, არის თუ არა რაიმე ახალი ტენდენცია ან შესაძლებლობები, რომლებიც, თქვენი აზრით, უფრო მეტ აღიარებას იმსახურებს საერთაშორისო ასპარეზზე?

აქ უნდა გამოვყოთ ორი მთავარი რამ ნამდვილად: ალკოჰოლის დაბალი შემცველობა და მსუბუქი ბოთლები. გთხოვთ, ღვინოები ჩამოასხით მსუბუქ ბოთლებში! წელს რამდენიმე ქვეყანაში ვიყავი და ხალხი ამაყად არყევდა მაგიდას ამ ორკილოიანი მინის ბოთლებით. მდგრადობის პრინციპებისა და ღვინის საბოლოო ღირებულების გათვალისწინებით, არაა საჭირო მძიმე ბოთლების გამოყენება.

რაც შეეხება დაბალ ალკოჰოლურ ღვინოებს, დაბალი ალკოჰოლის შემცველობა დადებითად აისახება ღვინის ფასზე, ასევე ჯანმრთელობისთვისაც უკეთესია. თუ ალკოჰოლის დაბალი მაჩვენებელი არ გააუარესებს ღვინის ხარისხს, მაშინ, ვფიქრობ, ძალიან კარგი ტენდენციაა. ალკოჰოლის დონის დაბალანსებაში დიდ როლს თამაშობს კლიმატური ცვლილებები, მაგრამ ზოგადად, ვფიქრობ, კარგია იმის დანახვა, რომ ტენდენცია დაბალი ალკოჰოლისკენ მიდის, ვიდრე ტიპური 15.5%-დან 16%-მდე მაღალალკოჰოლური ღვინოებისკენ.

რა ნაბიჯები შეიძლება გადადგას ქართულმა ღვინის ინდუსტრიამ საერთაშორისო მომხმარებლის უფრო მეტად დასაინტერესებლად და ბაზრის გასაფართოებლად?

პირადად ვფიქრობ, რომ ისეთმა სააგენტოებმა, როგორიცაა Wines of Georgia UK და სხვა საერთაშორისო ორგანიზაციებმა, უფრო მეტი კონკურსი, დეგუსტაცია ან მასტერკლასი უნდა ჩაატარონ იმ ქვეყნებში, სადაც შესვლას ცდილობენ. ეს პროცესი არამხოლოდ ღვინოს, არამედ მთელ კულტურას აცნობს აუდიტორიას და ხალხს უფრო ჩართულს ხდის.

ნებისმიერ ღონისძიებაზე, ეს შეიძლება იყოს ფართო საზოგადოებისთვის ან სავაჭრო ღონისძიებებისთვის, თუნდაც საცალო გაყიდვების წერტილში, ხალხს უნდა შეეძლოს ღვინის ყიდვა და დაგემოვნება. ნებისმიერი ასეთი რამ, რაც არა მხოლოდ სახელს გაავრცელებს, არამედ რეპუტაციასაც ააშენებს უფრო ნაცნობ გარემოში, ნამდვილად დაეხმარება.

რა მოლოდინები გაქვთ ქართული ღვინის მომავლის მიმართ და როგორ ფიქრობთ, როგორ განაგრძობს ის განვითარებას სტილის, ხარისხისა და გლობალური აღიარების თვალსაზრისით?

ვფიქრობ, ყველა ეს ასპექტი ძალიან პოზიტიურად განვითარდება. მოლოდინი არის, რომ ხარისხი განაგრძობს ზრდას, ეს არ ნიშნავს მხოლოდ იმას, რომ ისედაც კარგი ხარისხის ღვინოები კიდევ უფრო გაუმჯობესდება, არამედ ნიშნავს იმას, რომ დაბალი დონის, პრობლემური ღვინოები გაუმჯობესდება და უფრო მაღალ სტანდარტზე ავა. ჩვეულებრივი, იაფი ქართული ღვინოც ყოველთვის კარგი ხარისხი უნდა იყოს, როგორც სახლის კარგი ღვინო.  ვფიქრობ, საქართველოში შეიძლება ნებისმიერი სტილის ღვინის დაყენება, იმედი მაქვს, რომ უფრო მრავალფეროვან ღვინოებს ვიხილავ მომავალში…

შეგახსენებთ, რომ “IWSC 2025 Wine & Spirits Judging in Georgia”-ში მონაწილეობის მისაღებად რეგისტრაცია 1 ნოემბრამდეა შესაძლებელი.მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

IWSC 2025 Wine & Spirits Judging in Georgia გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით 2024 წლის 27 ნოემბრიდან 1 დეკემბრამდე თბილისში გაიმართება.

ჟიურის შემადგენლობას უხელმძღვანელებს ქართული ღვინის ცნობილი ექსპერტი და პოპულარიზატორი, IWSC-ის ჟიურის კომიტეტის წევრი სარა ებოტი.

კონკურსამდე სარას გურჯაანის ღვინის ფესტივალზე ვესაუბრეთ, სადაც ბრიტანელი ღვინის მაგისტრი გასული წლის IWSC-ის ოქროს მედლის მფლობელი ღვინოების პრეზენტაციასა და დეგუსტაციას უძღვებოდა.

როგორც ქართული ღვინის ექსპერტი, მომსწრე ხართ ინდუსტრიის როგორც ძველ ტრადიციებს, ისე თანამედროვე განვითარებას. როგორ ხედავთ საქართველოს მეღვინეობის იდენტობის განვითარებას სწრაფად ცვალებად გლობალურ ბაზარზე, განსაკუთრებით მდგრადობასა და ინოვაციებზე მზარდი მოთხოვნის პირობებში?

საქართველო არის როგორც უძველესი, ასევე თანამედროვე ღვინის ქვეყანა. ბოლო ათწლეულში ის კვლავ დაუბრუნდა გლობალურ ღვინის კულტურას. ქვეყანა ამაყობს მეღვინეობის უწყვეტი ისტორიით, რაც მისი იდენტობის განუყოფელი ნაწილია, მაგრამ დღეს საქართველო გამოირჩევა, როგორც ერთ-ერთი ყველაზე დინამიური და შემოქმედებითი ღვინის მწარმოებელი ქვეყანა. შეიძლება ნათქვამი გაცვეთილად ჟღერდეს, მაგრამ საქართველო მართლაც აერთიანებს ტრადიციებსა და სიახლეებს. 

საქართველო ცდილობს დაიცვას ბალანსი ბუნებრივი ღვინის წარმოებასა და ინდუსტრიულ, პოსტსაბჭოთა მიდგომას შორის. ბოლო 20 წლის, განსაკუთრებით კი უკანასკნელი ათწლეულის განმავლობაში, საქართველოში მომხდარი ცვლილებები ერთ-ერთი ყველაზე სწრაფი და შთამბეჭდავია არა მხოლოდ ახალ, არამედ ტრადიციულ, უძველეს ღვინის რეგიონებს შორისაც.

დღეს საქართველო სულ უფრო მეტად პოზიციონირებს, როგორც მსოფლიო დონის მეღვინეობის ქვეყანა – არა მხოლოდ ღვინის ხარისხით, არამედ ბაზრის ტენდენციებისა და მომხმარებლის სურვილების კარგი ცოდნით.

რაც შეეხება მდგრადობას, საქართველო გამოირჩევა სიახლეებით, ნიჭიერი ახალგაზრდა მეღვინეებითა და თანამედროვე მარნებით. თუმცა, ამ მხრივ ჯერ კიდევ ბევრი რამაა გასაკეთებელი. რამდენიმე წამყვანი ღვინის ქარხანა უკვე აქტიურად მუშაობს ამ მიმართულებით, მაგრამ საჭიროა საბჭოთა პერიოდის პრაქტიკისა და აზროვნების გადალახვა.

მცირე მეურნეობების დონეზე, საკუთარი მოხმარებისთვის ვენახის მოვლისა და ღვინის დაყენების კულტურა თავისთავად მდგრადია – აქ ბუნებრივად ხდება რესურსების დაზოგვა. თუმცა, კომერციულ დონეზე გავრცელებულია ტრადიციული მიდგომები – მორწყვა, მაღალ მოსავალზე ორიენტაცია და მავნებლებთან ბრძოლის ჩვეული მეთოდები.

ეს მიდგომა ნელ-ნელა იცვლება და მჯერა, რომ ქართული მეღვინეობა მდგრადი განვითარების ახალ ეტაპზე გადადის. ხარისხის რევოლუციის შემდეგ, ახლა მდგრადობის რევოლუცია იწყება.

საქართველო ცნობილია ქვევრის ღვინის დაყენების უძველესი მეთოდებით, თუმცა აქტიურად იყენებს თანამედროვე ტექნოლოგიებსაც. როგორ ახერხებენ ქართველი მეღვინეები ამ ორი მიდგომის დაბალანსებას და რომელს აქვს უფრო მეტი პოტენციალი გლობალურ ბაზარზე?

საინტერესოა, რომ ქვევრის ღვინო მთლიანი წარმოების დაახლოებით 10%-ს შეადგენს. ეს შეფასებითი ციფრია, რადგან ოფიციალური სტატისტიკა არ არსებობს.

ქვევრის ღვინის დაყენება ნამდვილი ხელოვნებაა. ზოგს ჰგონია, რომ უბრალოდ ყრი ყურძენს ქვევრში და ელოდები, მაგრამ სინამდვილეში ეს მეღვინეობის ერთ-ერთი უძველესი და რთული ტექნოლოგიაა. აქ საჭიროა გამოცდილი მეღვინე, რომელიც გაუმკლავდება ტემპერატურის კონტროლს, დაწურვას, საფუვრის სწორ განვითარებას და დუღილის პროცესის მართვას.

ქვევრი შეიქმნა იმ დროს, როცა ხალხს მხოლოდ საკუთარი მიწა, ცოდნა და ცეცხლი ჰქონდა. სწორედ ამიტომ არის მისი დიზაინი ასეთი მარტივი და ამავდროულად გენიალური. დღეს მეღვინეები ქვევრს იმიტომ იყენებენ, რომ ეს არის კავშირი წინაპრების ტრადიციებთან. მართალია, უჟანგავ ფოლადში ან მუხის კასრში ღვინის დაყენება უფრო მარტივია, მაგრამ კარგი ქვევრის ღვინო კვლავ რჩება ქართული მეღვინეობის საგანძურად.

განსაკუთრებით გამორჩეულია ქართული ქარვისფერი ღვინოები, რომლებიც ღვინის მოყვარულებში საქართველოს სავიზიტო ბარათად იქცა.

ბოლო წლებში საქართველოში კლასიკური მეღვინეობაც სწრაფად ვითარდება. უკანასკნელი ხუთი წლის განმავლობაში დავაგემოვნე ისეთი სუფთა, ცოცხალი თეთრი და ხილის არომატის მქონე წითელი ღვინოები, რომლებიც თამამად შეიძლება შევადაროთ მსოფლიოს საუკეთესო ნიმუშებს. ეს წარმატება ათწლეულის მანძილზე გაწეული შრომის შედეგია.

მართალია, ქვევრის ღვინო წარმოების მცირე ნაწილია, მაგრამ ის საქართველოს მეღვინეობის სიმბოლოდ რჩება. უნდა ვახსენო ის შესანიშნავი წითელი ღვინოები, რომლებიც ქვევრის გარეშე მზადდება, ძირითადად საფერავისგან. იქნება ეს უჟანგავ ფოლადში დადუღებული და დავარგებული თუ განსაკუთრებულ მუხის კასრებში დაძველებული, ისინი თამამად უწევენ კონკურენციას ისეთ ცნობილ ღვინოებს, როგორიცაა საუკეთესო ტოსკანური ან ბორდოს წითელ ღვინოები.

როგორ შეუძლიათ ქართველ მწარმოებლებს ამ მრავალფეროვნების გამოყენება ისეთ კონკურენტულ ბაზრებზე, როგორიცაა ევროკავშირი, აშშ და აზია?

საქართველოში 500-ზე მეტი ვაზის ჯიშია, რომელთა უმეტესობა დღეს მხოლოდ საკვლევ ვენახებში გვხვდება. თუმცა, კომერციული თვალსაზრისით, ყურადღება დაახლოებით ათ ძირითად ჯიშზეა გამახვილებული, რომელიც კარგად არის მორგებული ადგილობრივ გარემო პირობებს და თანამედროვე მომხმარებლის გემოვნებას.

ამ ჯიშებს შორის განსაკუთრებით გამოირჩევა საფერავი. ეს უძველესი წითელი ჯიში ცნობილია თავისი მრავალფეროვნებითა და გამორჩეული გემოთი, რაც მას სულ უფრო პოპულარულს ხდის ბრიტანულ ბაზარზე. უკვე ვხედავთ საფერავს ისეთი ცნობილი მაღაზიების თაროებზე, როგორიცაა Marks & Spencer, Waitrose და Majestic. მჯერა, რომ საფერავს აქვს პოტენციალი გახდეს “კავკასიის მალბეკი”(Malbec) რადგან ეს ჯიში განსაკუთრებით კარგად ხარობს მაღალმთიან ადგილებში და გვაძლევს უნიკალურ გემოვნურ თვისებებს.

რაც შეეხება თეთრ ჯიშებს, ყველაზე გავრცელებულია რქაწითელი – საქართველოს “ტრებიანო” (Trebbiano). მიუხედავად იმისა, რომ ადრე მას ძირითადად მასიური წარმოებისთვის იყენებდნენ, ძველი ვაზის რქაწითელისგან შესანიშნავი ღვინოები გამოდის., განსაკუთრებით ქარვისფერი. ბოლო დროს იზრდება რქაწითელის ქარვისფერი ღვინოების პოპულარობა, ის კარგად ზავდება როგორც სხვა ქართულ ჯიშებთან, ისე შარდონესთან.

აღსანიშნავია ქისიც, რომელსაც ხშირად ქართულ სოვინიონ ბლანს უწოდებენ. ქისი არომატული და ცოცხალი ღვინოა, რომელიც კარგია როგორც ქარვისფერი ღვინისთვის, ისე კუპაჟისთვის. ასევე საინტერესოა მცირე, მაგრამ პერსპექტიული ჯიშები: შავკაპიტო, რომელიც ბოჟოლესა და პინო ნუარის ნაზავს მოგვაგონებს; ოჯალეში – მუქი, მაგრამ ნაზი წითელი; და ცოლიკოური – დასავლეთ საქართველოს მთავარი თეთრი ყურძენი.

ახალგაზრდა მეღვინეები ექსპერიმენტებს ატარებენ ადგილობრივი და საერთაშორისო ჯიშების შერევით. განსაკუთრებით წარმატებულია საფერავისა და კაბერნე სოვინიონის ნაზავი – კაბერნე საქართველოში უკვე საუკუნეზე მეტია მკვიდრდება.

საბოლოოდ, ყველაზე დიდი პოტენციალი საფერავს, ქისის, მცვივანს და შავკაპიტოს აქვთ. საფერავი უკვე წარმატებულია სხვადასხვა ბაზარზე, ხოლო მსუბუქი ჯიშები, როგორიცაა შავკაპიტო და ცოლიკოური, პოპულარული ხდება დასავლეთ ევროპაში. ცალკე აღნიშვნის ღირსია ქართული “პეტნატი” ბუნებრივად ცქრიალა ღვინო, რომელიც არომატული თეთრი ჯიშებისგან მზადდება და განსაკუთრებით მიმზიდველია თანამედროვე მომხმარებლისთვის.

თქვენი გამოცდილებით, როგორ შეიძლება ქართველმა მეღვინეებმა დააკმაყოფილონ საერთაშორისო სტანდარტები ისე, რომ არ დაკარგონ ის უნიკალურობა, რაც მათ ღვინოებს გამორჩეულს ხდის?

ქართველი მეღვინეები უკვე დგამენ მნიშვნელოვან ნაბიჯებს საერთაშორისო სტანდარტების მისაღწევად. მათი ღვინოები სულ უფრო ხარისხიანი და დახვეწილი ხდება. ბევრ მათგანს აქვს საზღვარგარეთ მუშაობის გამოცდილება, რაც აისახება კიდეც მათ პროდუქციაზე.

მაგალითად, შუხმანის ღვინოების მთავარმა მეღვინემ, ტამილიმ, იმუშავა მსოფლიოს სხვადასხვა კუთხეში, მათ შორის ახალ ზელანდიაში. სოვინიონ ბლანთან მუშაობის გამოცდილება მას ეხმარება ქართული მწვანეს საუკეთესო თვისებების – სიხალისისა და არომატის წარმოჩენაში.

ზოგს ჰგონია, რომ ქართული ღვინო მხოლოდ უხეში სტილისაა და მხოლოდ რამდენიმე სუფთა ღვინო გამოირჩევა. სინამდვილეში, ქართული ღვინოების უმეტესობას პროფესიონალი, საერთაშორისო გამოცდილების მქონე მეღვინეები აყენებენ. კარგი მაგალითია ლევანი Tiko Estate-დან, რომელმაც IWSC-ზე არაერთი ჯილდო მოიპოვა და რომელსაც ავსტრალიის წამყვან მარნებში აქვს ნამუშევარი.

ქართული ღვინის უნიკალურობა მის ძირძველ ვაზის ჯიშებსა და განსაკუთრებულ ტერუარშია. საქართველოს მთიანი რელიეფი, მაღალმთიანი ვენახები და ზომიერი კლიმატი – მზიანი დღეებითა და გრილი ღამეებით – ღვინოს განსაკუთრებულ არომატს ანიჭებს. ქვევრის ღვინოების ხარისხის მუდმივი გაუმჯობესებაც მნიშვნელოვნად უწყობს ხელს ტრადიციების შენარჩუნებას.მნიშვნელოვანია მდგრადი მეღვინეობის განვითარებაც. ზოგიერთი წამყვანი მწარმოებელი, 

როგორიცაა GWS-ი (100 ჰექტარზე მეტი ორგანული ვენახით) და შატო მუხრანი (სრულად ორგანული ვენახებით), უკვე მუშაობს ამ მიმართულებით. სხვებიც ცდილობენ დანერგონ მდგრადი მევენახეობის პრაქტიკა გლობალური სტანდარტების შესაბამისად.

მარკეტინგის კუთხით, ქართველები ბუნებრივად კარგი ამბის მთხრობელები არიან, მაგრამ ციფრულ კომუნიკაციაში ჯერ კიდევ ბევრი სამუშაოა. მარნების უმეტესობის ვებგვერდები ვერ ახერხებს საინტერესო ისტორიების მოყოლას. მართალია, ბევრი აქტიურადაა ჩართული სოციალურ მედიაში, განსაკუთრებით ინსტაგრამზე, მაგრამ საერთო ჯამში, ციფრული მარკეტინგი გასაძლიერებელია.

შეგახსენებთ, რომ “IWSC 2025 Wine & Spirits Judging in Georgia”-ში მონაწილეობის მისაღებად რეგისტრაცია 1 ნოემბრამდეა შესაძლებელი.მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

რეგისტრაციისთვის ეწვიეთ ბმულს: https://bit.ly/4eUvaCG

IWSC (International Wines and Spirits Competition) საქართველოში რიგით მესამე კონკურსს ჩაატარებს. კონკურსი 2024 წლის 27 ნოემბრიდან 1 დეკემბრამდე თბილისში, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით გაიმართება.

წელს კონკურსს განსაკუთრებით შთამბეჭდავი საერთაშორისო ჟიური ეყოლება. ერთ-ერთი მათგანია დიდ ბრიტანეთში ღვინის ინდუსტრიაში აღიარებული ექსპერტი და კონსულტანტი, ლონდონში პრესტიჟული ღვინის ბარების – Diogenes The Dog-ისა და Aspen & Meursault-ის მფლობელი სანი ჰოჯი.

სანი თავის სფეროში განსხვავებული მიდგომებითა და მენეჯმენტით არის ცნობილი. როგორც ბრიტანული ღვინის გამოცემა Club Oenologique წერს, ერთი მხრივ, ჰოჯი ცდილობს ღვინოზე საუბრის ენა ბევრად თავისუფალი და მარტივი გახადოს და ადამიანებს საშუალება მისცეს, გამოთქვან საკუთარი აზრები და ემოციები. მეორე მხრივ კი, ის ღვინის პროფესიონალებს მოუწოდებს ნაკლებად ტექნიკური და უფრო მარტივი ენით ისაუბრონ.

კონკურსის დაწყებამდე ერთი თვეა დარჩენილი, მანამდე კი სანის ლონდონში დავუკავშირდით და მისი მოლოდინების და გეგმების შესახებ ვესაუბრეთ. 

რა მოლოდინები გაქვთ IWSC 2025 Wine and Spirits Judging in Georgia-სგან და როგორ ხედავთ კონკურსის გავლენას ქართულ მეღვინეობაზე?

იმის გათვალისწინებით, რომ საქართველო ღვინის სამშობლოა, კონკურსზე ველოდები ბევრ ტრადიციული მეთოდით დამზადებულ ღვინოს – ველური საფუვრებით, საწნახელში დაწნეხილს და ქვევრში დაყენებულს. ეს არის ის ძველი ღვინის დაყენების მეთოდი, რომელთა დაუფლებაც დიდ ოსტატობას მოითხოვს, ამიტომ განსაკუთრებით დიდი ინტერესით ველი მათ დაგემოვნებას.

ყველას გვაქვს გარკვეული წარმოდგენა იმის შესახებ, თუ როგორი უნდა იყოს ქართული ღვინო, მაგრამ ცოტამ თუ იცის, რა მდგომარეობაა ქართული ღვინის ინდუსტრიაში დღეს. ჩემი აზრით, IWSC-ის ყოველწლიური კონკურსი, რომელიც უკვე მესამედ ტარდება ქვეყანაში, კიდევ ერთხელ წარუდგენს მსოფლიოს ქართული მეღვინეობის მრავალფეროვნებას, ხარისხსა და უნიკალურობას. 

მე განსაკუთრებით მაინტერესებს, სად იკვეთება ღვინის ტრადიციული დაყენების მეთოდსა და ამ ღვინის მომავალ განვითარებას შორის ზღვარი. მსურს ვნახო, როგორ პასუხობს ბუნებრივი ღვინის წარმოება თანამედროვე მოთხოვნებს. ძალიან საინტერესო იქნება ქართველი მწარმოებლების მოსაზრებების მოსმენა და ამ თემაზე საუბარი.

ღვინის განათლებისა და სტუმართმასპინძლობის სფეროში დიდი გამოცდილება გაქვთ. როგორ ფიქრობთ, როგორ აისახება ეს ცოდნა კონკურსში ღვინის შეფასებაზე?

ღვინის შეფასებისას უპირატესობას ანალიტიკურ მიდგომას ვანიჭებ. ვინაიდან უშუალოდ ვარ ჩართული ამ სფეროს ყველა ასპექტში და ყოველდღიურად მაქვს სტუმრებთან პირდაპირი შეხება, ღვინის დაგემოვნებისას ვფიქრობ მის კომერციულ პოტენციალზე – რამდენად წარმატებული იქნება ის ღვინის მაღაზიასა თუ ბარში. განსაკუთრებით მაინტერესებს, როგორ წარმოჩნდება ნაკლებად ცნობილი რეგიონის ღვინო მის უფრო პოპულარულ ანალოგთან მიმართებაში. ვცდილობ წარმოვიდგინო, რა რეაქცია ექნება მომხმარებელს, რომელიც ამ ღვინოს წვეულებაზე მიიტანს და რა ისტორიის მოყოლა შეიძლება მის შესახებ. სწორედ ეს კომპლექსური მიდგომა განსაზღვრავს ჩემს საბოლოო შეფასებებს.

ღვინის ინდუსტრიაში თქვენი მდიდარი გამოცდილებიდან გამომდინარე, რა გამორჩეული თვისებები აქვს ქართულ ღვინოებს, რითაც ის განსხვავდება სხვა, თქვენთვის ნაცნობი ღვინოებისგან?

ქართული ღვინო გამორჩეულია თავისი ტრადიციული დამზადების მეთოდებით და, რაც მთავარია, მრავალფეროვნებით. საინტერესოა, რომ სხვადასხვა ბაზრისთვის განსხვავებული სტილის ღვინოები იწარმოება: აღმოსავლეთ ევროპისა და რუსეთის ბაზრებისთვის – ადგილობრივი საფუვრებითა და დაბალი სულფიტებით დამზადებული ღვინოები; დასავლური ბაზრებისთვის – ცოცხალი, სუფთა სტილის ღვინოები; ხოლო ნიშური მომხმარებლისთვის – ბუნებრივი ღვინოები. განსაკუთრებით აღსანიშნავია, რომ სამივე ეს განსხვავებული მიმართულება ეფუძნება მეღვინეობის ერთსა და იმავე ტრადიციულ საფუძველს, რაც უნიკალურს ხდის საქართველოს – იშვიათია რეგიონი, რომელიც ასეთი მასშტაბით ახერხებს ამ მრავალფეროვნების შენარჩუნებას.

როგორც ექსპერტს ღვინის მეცნიერებასა და სტუმარმასპინძლობის სფეროში, როგორ წარმოგიდგენიათ ტექნოლოგიების როლი ქართული მეღვინეობის ტრადიციული მეთოდების შენარჩუნებასა და პოპულარიზაციაში?

ეს პროცესი უკვე მიმდინარეობს. საქართველოში ღვინის დაყენების ტრადიციული მეთოდი საკმაოდ რთული და შრომატევადია – ის მოითხოვს განსაკუთრებულ სისუფთავეს და დეტალებზე ზედმიწევნით ყურადღების გამახვილებას, რაც მნიშვნელოვან ხარჯებთანაა დაკავშირებული. ამ პროცესის ხანგრძლივობა ზოგჯერ აფერხებს გლობალური ბაზრისთვის დამახასიათებელი სტაბილურობის მიღწევას. სწორედ აქ იკვეთება ტექნოლოგიების მნიშვნელოვანი როლი. მაგალითად, არაკომერციული, მაგრამ სელექციური საფუარების გამოყენება უზრუნველყოფს უფრო თანმიმდევრულ და პროგნოზირებად შედეგებს.

უჟანგავი ფოლადის, ბეტონისა და ბეტონის კასრების გამოყენება წარმოადგენს ნაბიჯს უფრო სუფთა და ლაკონური ღვინის წარმოებისკენ.

საინტერესო მაგალითია მეღვინეობა “ფაფრის ველი”, რომელიც მეცნიერებისა და ტექნოლოგიების სინთეზს იყენებს. კეძოდ, გრავიტაციის მეთოდს – მათ სამდონიანი ტერასული სისტემა აქვთ, სადაც ყურძნის წვენი ბუნებრივად გადაედინება ერთი ჭურჭლიდან მეორეში. ეს მნიშვნელოვნად ამარტივებს როგორც შერევის, ისე დაწმენდის პროცესს. დარწმუნებული ვარ, რომ საქართველოში მეღვინეობებს შეუძლიათ წარმატებით დანერგონ თანამედროვე ტექნოლოგიები, რაც გლობალური ბაზრისთვის უფრო სტაბილური ხარისხის ღვინოების წარმოების საშუალებას მისცემთ.

შეგახსენებთ, რომ IWSC (International Wines and Spirits Competition) საქართველოში რიგით მესამე კონკურს ჩაატარებს. IWSC 2025 Wine & Spirits Judging in Georgia, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით, 2024 წლის 27 ნოემბრიდან 1 დეკემბრამდე თბილისში გაიმართება. ტრადიციისამებრ, IWSC-ი საქართველოში საერთაშორისო მსაჯთა ვარსკვლავურ გუნდით წარდგება, რომელთა გამოცდილებითა და ცოდნით, კონკურსი უმაღლესი სტანდარტების დაცვით ჩატარდება.

“IWSC 2025 Wine & Spirits Judging in Georgia”-ში მონაწილეობის მისაღებად რეგისტრაცია 1 ნოემბრამდეა შესაძლებელი.

მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

რეგისტრაციისთვის ეწვიეთ ბმულს: https://bit.ly/4eUvaCG

IWSC (International Wines and Spirits Competition) საქართველოში რიგით მესამე კონკურს ჩაატარებს. კონკურსი 2024 წლის 27 ნოემბრიდან 1 დეკემბრამდე თბილისში, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით გაიმართება. ტრადიციისამებრ, IWSC საქართველოში საერთაშორისო მსაჯთა ვარსკვლავურ გუნდს ჩამოიყვანს, რომელთა გამოცდილებითა და ცოდნით, კონკურსი  უმაღლესი სტანდარტების დაცვით ჩატარდება. საქართველოს უნიკალური ღვინოების გარდა, წელს პირველად IWSC-ს საერთაშორისო კონკურსს სპირტიანი სასმელების კატეგორია დაემატება. 

IWSC-ის კონკურსის მნიშვნელობაზე ღვინის ეროვნული სააგენტოს თავჯდომარე, ლევან მეხუზლა გვესაუბრება. მან წინა 2 წელი პოზიტიურად შეაფასა და აღნიშნა,  რომ კონკურსში მონაწილეობა მეღვინეებს  შესაძლებლობას აძლევს, პოპულარული და ცნობადი გახადოს საკუთარი პროდუქცია, გაიფართოვოს კონტაქტები და ასევე გაეცნოს ღვინის მსოფლიო ბაზარზე არსებულ ზოგად ტენდენციებს. ასევე მიაჩნია, რომ საერთაშორისო კონკურსებში მონაწილეობა უპრეცენდენტო შანსია ქართველი მწარმოებლებისთვის განავითარონ საკუთარი მეღვინეობა.

ბატონო ლევან, IWSC-ის საქართველოში ჩატარებიდან ერთი წლის შემდეგ, როგორ შეაფასებდით მის გავლენას ქართული ღვინის ინდუსტრიაზე? რა კონკრეტული შედეგები მოიტანა ამ კონკურსმა ღვინის კომპანიებისთვის, მარნებისთვის და ზოგადად, მთელი სექტორისთვის?

IWSC მსოფლიოს ერთ-ერთი უძველესი და ყველაზე პრესტიჟული ღვინისა და ალკოჰოლური სასმელების კონკურსია, რომელიც ცნობილია თავისი უმაღლესი შეფასების სტანდარტებითა და  ჟიურის პროფესიონალიზმით. IWSC-ის საერთაშორისო კონკურსის საქართველოში ჩატარებამ, ადგილობრივ მეწარმეებს მისცა შესაძლებლობა მიეღოთ საერთაშორისო აღიარება როგორც დიდ  ბრიტანეთში, ისე მსოფლიოს სხვადასხვა ქვეყანაში. ის ფაქტი, რომ IWSC  უკვე მესამედ ტარდება საქართველოში, მიუთითებს, რომ დიდია ინტერესი  ჩვენი ქვეყნის მიმართ IWSC-ის მხრიდან, ასევე ქართული ღვინის ინდუსტრიის მხრიდან კონკურსის მიმართ. კონკურსი 1969 წელს დაარსდა და მისი არსებობის ისტორიაში მეორედ, და ევროპაში პირველად, IWSC-ის დირექტორატის გადაწყვეტილებით, დაიშვა გამონაკლისი და ცალკეული ქვეყნის მასშტაბით (პირველი ჩატარდა სამხრეთ აფრიკაში) კონკურსი მხოლოდ ქართველი მეღვინეებისთვის ჩატარდა, რაც იყო დიდი აღიარება და შესაძლებლობა ქართველი მეღვინეებისთვის. კონკურსის მონაწილეებისა და წარდგენილი ღვინოების უპრეცდენტო ზრდა ყოველწლიურად, მიანიშნებს, რომ ქართველმა მეწარმეებმა რეალურად დაინახეს მსგავს კონკურსებში მონაწილეობის მნიშვნელობა და ორიენტირებულები არიან აწარმოონ უმაღლესი ხარისხის ღვინოპროდუქცია, რაზეც მიუთითებს ქართული ღვინის ექსპორტის ზრდის ტენდეციები ევროპის ბაზრის მიმართულებით.

წელს კონკურსზე ჭაჭის, ბრენდის და სხვა მაღალალკოჰოლური სასმელების წარდგენაც არის შესაძლებელი. რა მნიშვნელობა აქვს ამ გაფართოებას ქართული სასმელების ინდუსტრიისთვის და რა მოლოდინები გაქვთ ამ კატეგორიებში?

მივესალმები ამ სიახლეს, რადგან ჭაჭა, ბრენდი და სხვა მაღალალკოჰოლური პროდუქცია მნიშვნელოვან როლს თამაშობს ექსპორტში და ექსპორტიდან საკმაოდ დიდი შემოსავლები მოაქვს ღვინის ინდუსტრიისთვის და ქვეყნისთვის. კონკურსში მონაწილეობა სტიმულს მისცემს მეწარმეს, რომ იყოს ხარისხზე და საერთაშორისო ბაზრებზე ორიენტირებული. ჩვენ გვაქვს ამ მიმართულებით ბევრი საინტერესო პროდუქცია საერთაშორისო ბაზრებისთვის შესათავაზებელი. გამოცდილებამ გვიჩვენა, რომ საერთაშორისო გამოფენებზე, პროფესიონალების მხრიდან, ქართულ ღვინოსთან ერთად, მზარდია ინტერესი მაღალალკოჰოლიანი სასმელების მიმართ. წარმატებებს ვუსურვებ ყველა მეწარმეს, რომელიც წელს პირველად მიიღებს მონაწილეობას კონკურსის ამ მიმართულებაში.

 რატომ უნდა მიიღონ მონაწილეობა ქართველმა მეღვინეებმა ამ კონკურსში წელს?

მსგავს პრესტიჟულ კონკურსში მონაწილეობა ღვინის მწარმოებლისთვის საუკეთესო შესაძლებლობაა გაზარდოს საკუთარი ღვინის ცნობადობა საერთაშორისო ბაზრებზე და ამასთან ერთად, მეღვინეს აძლევს მოტივაციას, რომ აწარმოოს ხარისხიანი და გამორჩეული გემოვნური თვისებების მქონე ღვინო. მათთვის შესანიშნავი შესაძლებლობაა ისიც, რომ კონკურსის ჟიურის წევრი, ცნობილი ბრიტანელი ექსპერტები ქართველ მეღვინეებს  უზიარებენ გამოცდილებას ბრიტანეთის ბაზრის მოთხოვნებისა და ტენდენციების შესახებ. აღნიშნული კონკურსის მედალოსან ღვინოებს გაცილებით მეტი შანსი აქვთ რომ წარმატებით გაიყიდოს ბრიტანეთისა და მსოფლიოს სხვა ქვეყნების ღვინის ბაზრებზე, რადგან პროფესიონალი ღვინის შემსყიდველები მედალს დიდ მნიშვნელობას ანიჭებენ. შესაბამისად, საერთაშორისოდ აღიარებულ კონკურსში მონაწილეობის მიღება უპრეცენდენტო შანსია ქართველი მწარმოებლებისთვის გაზარდონ ექსპორტი და განავითარონ საკუთარი მეღვინეობა.

შეგახსენებთ, რომ “IWSC 2025 Wine & Spirits Judging in Georgia”-ში მონაწილეობის მისაღებად რეგისტრაცია 1 ნოემბრამდეა შესაძლებელი.

მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

რეგისტრაციისთვის ეწვიეთ ბმულს: https://bit.ly/4eUvaCG

IWSC (International Wine and Spirit Competition) საქართველოში რიგით მესამე კონკურსს ჩაატარებს. “IWSC 2025 Wine & Spirits Judging in Georgia” გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით 2024 წლის 27 ნოემბრიდან 1 დეკემბრამდე თბილისში გაიმართება.

ღვინის დეგუსტაციის გარდა, ჟიურის წევრები საქართველოს ღვინის სამ რეგიონს: შიდა ქართლს, ქვემო ქართლს (ბოლნისი) და გარე კახეთს (ხაშმი) მოინახულებენ. ისინი ეწვევიან როგორც მცირე, ისე საშუალო ზომის მარნებს, სადაც გაეცნობიან ყურძნის ადგილობრივ ჯიშებს, ღვინის დაყენების ტრადიციულ და თანამედროვე მეთოდებს.

ვიზიტის მიზანია ღვინის პროფესიონალებისა და მსხვილი ბაიერებისთვის საქართველოს მდიდარი და მრავალფეროვანი მევენახეობა-მეღვინეობის კულტურის გაცნობა. მოგზაურობა საშუალებას მისცემს მათ, საკუთარი თვალით იხილონ განსხვავებული მარნები და დააგემოვნონ განსაკუთრებული ღვინოები.

“IWSC 2025 Wine & Spirits Judging in Georgia”-ში მონაწილეობის მისაღებად რეგისტრაცია 1 ნოემბრამდეა შესაძლებელი.

მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

რეგისტრაციისთვის ეწვიეთ ბმულს: https://bit.ly/4eUvaCG

IWSC (International Wines and Spirits Competition) საქართველოში რიგით მესამე კონკურს ჩაატარებს. IWSC 2025 Wine & Spirits Judging in Georgia, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით, 2024 წლის 27 ნოემბრიდან 1 დეკემბრამდე თბილისში გაიმართება. ტრადიციისამებრ, IWSC-ი საქართველოში საერთაშორისო მსაჯთა ვარსკვლავურ გუნდით წარდგება, რომელთა გამოცდილებითა და ცოდნით, კონკურსი უმაღლესი სტანდარტების დაცვით ჩატარდება.

ჟიურის შემადგენლობას უხელმძღვანელებს ქართული ღვინის ცნობილი ექსპერტი და ქომაგი, ქართული ღვინის პოპულარიზატორი დიდ ბრიტანეთსა და ევროპაში, ღვინის მაგისტრი სარა ებოტი.

წლევანდელ კონკურსზე კიდევ ერთხელ შეიკრიბა გამორჩეულ პროფესიონალთა გუნდი. გაგაცნობთ ჟიურის წევრებს:

დეივიდ კერმოდი – ღვინის მწერალი და მედია პროფესიონალი. BBC-ის ყოფილი რედაქტორი, ამჟამად უძღვება პოპულარულ პოდკასტს ღვინისა და სპირტიანი სასმელების შესახებ.

გეორგიოს იორდანიდისი – Annabel’s London-ის ღვინის განყოფილების ხელმძღვანელი. სპეციალიზდება ღვინის პროგრამების შექმნასა და განვითარებაში.

ვილ ჰილი – Novel Wines-ის ღვინის შესყიდვების დირექტორი. ექსპერტი ნაკლებად ცნობილი ღვინის რეგიონების აღმოჩენაში, განსაკუთრებით აღმოსავლეთ ევროპაში.

რეიჩელ პოგმორი – Enotria-ს ღვინის ბაიერი. სპეციალიზდება და იკვლევს ახალი ღვინის რეგიონებს მსოფლიოს მასშტაბით.

სანი ჰოჯი – ღვინის კონსულტანტი და ავტორი. ცნობილია ინოვაციური მიდგომით ღვინის ბიზნესის მართვაში.

ჰერი ქრაუთერი – Good Pair Days-ის ბაიერი და კონსულტანტი. ექსპერტი ღვინის წარმოებიდან გაყიდვების სტრატეგიებამდე.

ერიკ ცვიბელი – The Samling Hotel-ის ღვინის დირექტორი და უფროსი სომელიე. მრავალგზის გამარჯვებული სომელიეების საერთაშორისო კონკურსებში.

სალვატორე კასტანო – ევროპის საუკეთესო სომელიე და Friarwood-ის ღვინის ბაიერი.

„საქართველოში ჩვენი წინა ვიზიტებისას, ჩვენმა საერთაშორისო მსაჯთა გუნდმა აღმოაჩინა არა მხოლოდ ქვეყნის მდიდარი ღვინის მემკვიდრეობა, არამედ – მისი დაყენების ავთენტური კულტურაც. ჭაჭიდან დაწყებული, ქართული კონიაკით დამთავრებული, ქართული ალკოჰოლური სასმელების მრავალფეროვნება ნამდვილად იმსახურებს საერთაშორისო ყურადღებას. ჩვენ აღფრთოვანებულები ვართ, რომ წელს ჩვენი გლობალური შეჯიბრი საქართველოში მოიცავს როგორც ღვინოს, ასევე სპირტიან სასმელებს და მოუთმენლად ველით ამ გამორჩეული ღონისძიების ჩატარებას თქვენს მშვენიერ ქვეყანაში,” – აცხადებს IWSC-ის აღმასრულებელი დირექტორი, კრისტელ გიბერი.

IWSC 2025 Wine & Spirits Judging in Georgia-ში მონაწილეობის მისაღებად, რეგისტრაცია 7 ოქტომბერს გაიხსნა და 1 ნოემბრამდეა შესაძლებელი. ქართველ მწარმოებლებს კიდევ ერთხელ მიეცემათშესაძლებლობა, წარმოაჩინონ თავიანთი უნიკალური პროდუქცია საერთაშორისო ასპარეზზე.

მეღვინეებს წელს დიდი სიახლე ელოდება: ღვინის პროდუქციის გარდა, შესაძლებელია, ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

რეგისტრაციისთვის გადადით ბმულზე: https://bit.ly/4eUvaCG

მსოფლიო ღვინის რეგიონების მხარდაჭერის მიზნით, IWSC აგრძელებს საერთაშორისო კონკურსის გამართვას, რაც მწარმოებლებს სთავაზობს უნიკალურ შესაძლებლობას წარმოაჩინონ თავიანთი ღვინოები ჟიურის წევრების, საერთაშორისოდ ცნობილი ინდუსტრიის ექსპერტების წინაშე. საქართველოში ჩატარებული IWSC-ის კონკურსი განსაკუთრებით მნიშვნელოვანია ქართული ღვინისა და სპირტიანი სასმელების ინდუსტრიისთვის.

ქვეყნის უნიკალური ისტორია და ტრადიციები ღვინის წარმოების სფეროში, ჯილდოს კიდევ უფრო მეტ ღირებულებას სძენს. ქართველი მწარმოებლებისთვის, IWSC-ის ჯილდო არის შესაძლებლობა, საერთაშორისო სცენაზე წარმოაჩინონ თავიანთი ნიჭი, ოსტატობა და პროდუქციის გამორჩეული თვისებები. IWSC-ის 2025 წლის ღვინისა და სპირტიანი სასმელების კონკურსი საქართველოში, ქართველ მწარმოებლებს სთავაზობს უნიკალურ პლატფორმას თავიანთი პროდუქციის წარმოსაჩენად მსოფლიო დონეზე. ჯილდოს მოპოვება იქნება მათი დამსახურებული აღიარება და სტიმული სამომავლო წარმატებებისთვის.

IWSC (International Wine and Spirit Competition) საქართველოში რიგით მესამე კონკურსს ჩაატარებს. “IWSC 2025 Wine & Spirits Judging in Georgia” გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით 2024 წლის 27 ნოემბრიდან 1 დეკემბრამდე თბილისში გაიმართება.

თუ ჯერ კიდევ ფიქრობთ, ღირს თუ არა კონკურსში მონაწილეობა, გაეცანით 5 მთავარ სარგებელს, რის გამოც IWSC 2025 Wine & Spirits Judging in Georgia თქვენი ბიზნესის განვითარებისთვის უმნიშვნელოვანესი შესაძლებლობაა:

• IWSC-ის საქართველოს კონკურსის ჟიურის ყველა წევრი უმაღლესი რანგის პროფესიონალია. კონკურსი გაძლევთ უნიკალურ შანსს დაამყაროთ პირდაპირი კონტაქტი ინდუსტრიის წამყვან პროფესიონალებთან – ღვინის მაგისტრებთან, სომელიეებთან, მსხვილ ბაიერებთან და ექსპერტებთან, რომლებიც მნიშვნელოვან როლს თამაშობენ საერთაშორისო ღვინის ბაზრის განვითარებაში.
• IWSC-ის მკაცრი შეფასების სისტემა დღეში მხოლოდ 65 ნიმუშის დეგუსტაციას გულისხმობს, რაც უზრუნველყოფს ყველა ღვინის სამართლიან შეფასებასა და დეტალურ უკუკავშირს. ჟიურის წევრები მზად არიან დაგეხმარონ პროდუქტის ხარისხის კიდევ უფრო გაუმჯობესებაში. ჟიურის პროფესიონალიზმი და კომპეტენცია განაპირობებს ზუსტ შეფასებას ღვინის ხარისხის საერთაშორისო კონკურსების სტანდარტების მიხედვით.
• IWSC-ის კონკურსს აქვს 50 წელზე მეტი გამოცდილება და დღეს მსოფლიოში საუკეთესო ღვინოებისა და ალკოჰოლური სასმელების შეფასება-აღიარების ერთ-ერთი ყველაზე ავტორიტეტული და უძველესი კონკურსია. ნახევარსაუკუნოვანი გამოცდილებისა და მჭიდრო პროფესიული კონტაქტების წყალობით, IWSC-ი დაგეხმარებათ თქვენი ბრენდის წარდგენაში სავაჭრო ქსელებსა და მომხმარებლებთან. ასევე დაგაკავშირებთ წამყვან მომწოდებლებთან, საცალო მოვაჭრეებთან და ჰორეკას სექტორის წარმომადგენლებთან.
• კონკურსში მონაწილეობით შეძლებთ დაამყაროთ მჭიდრო კავშირები სასმელების გლობალური ინდუსტრიის წარმომადგენლებთან. კონკურსი ქართული ღვინის პოპულარიზაციის უმნიშვნელოვანესი ინსტრუმენტია. IWSC-ის კონკურსში გამარჯვების შედეგად მიღებული მედლები შეიძლება დაიტანოთ ბოთლზე, რაც მომხმარებლისთვის თქვენი ღვინის ხარისხის პირდაპირი მტკიცებულებაა და ეფექტური არგუმენტია დისტრიბუტორებისა და ბიზნეს პარტნიორებისთვის. ისინი ხელს შეუწყობენ თქვენს გაყიდვებს და გახსნიან ახალ საექსპორტო ბაზრებს. კონკურსის წინა წლის გამოცდილება ცხადყოფს, რომ საერთაშორისო მედალი პირდაპირ გამოხატავს წარმატებასა და აღიარებას დარგში.
• გამარჯვებული ღვინის შესახებ ინფორმაციას IWSC-ი მთელი წლის განმავლობაში გაავრცელებს სოციალურ მედიაში, საკუთარ გამოცემებსა და ვებგვერდზე. ხოლო ჯილდოს შესახებ ინფორმაცია გამოიყენოთ ნებისმიერ საკომუნიკაციო და საპრომოციო საშუალებად, ყოველგვარი დამატებითი საფასურის გადახდის გარეშე.

მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

რეგისტრაციისთვის ეწვიეთ ბმულს: https://bit.ly/4eUvaCG