IWSC-ის 2024 წლის ოქროსა და ვერცხლის მედალოსანი ქართული ღვინოები London Wine Fair-ზე იქნება წარდგენილი

ღვინის ეროვნული სააგენტოს ეგიდით, IWSC 2024 Judging in Georgia-ზე ოქროსა და ვერცხლის მედალოსანი ქართული ღვინოები, ლონდონის ღვინის გამოფენაზე London Wine Fair 2024-ზე იქნება წარდგენილი.

ქართული ღვინის გამოფენა, ერთი დღის განმავლობაში გაიმართება და მასზე დასწრება, გამოფენის ყველა მსურველს შეეძლება.

ღონისძიების მასპინძლები არიან IWSC და ღვინის ეროვნული სააგენტო.

ღვინის მაგისტრი, სარა ებოტი London Wine Fair-ზე ქართულ ღვინოს წარადგენს

დიდი ბრიტანეთის უდიდეს სავაჭრო პლატფორმაზე, London Wine Fair 2024-ზე, pop-up სივრცეში, IWSC Wine Judging in Georgia-ს კონკურსის გამარჯვებული, ოქროსა და ვერცხლის მედალოსანი ღვინოების წარდგენისთვის სპეციალური სივრცე მოეწყობა.

ტესტირების პარალელურად, ღვინის მაგისტრი, სარა ებოტი გამოფენის სტუმრებს ქართულ ღვინოს, მეღვინეობებსა და ღვინის კულტურას გააცნობს.

სარა ებოტის საგანმანათლებლო და საინფორმაციო სესიები ჩატარდება 22 მაისს, 11:45-დან 12:45-მდე და 15:30-დან 17:00-მდე.

ღვინის დეგუსტაციაზე „საქართველო – მეღვინეობის აკვანი“ წარმოდგენილი იქნება საქართველოს 65 მეღვინეობის 100-ზე მეტი მედალოსანი ქართული ღვინო. მათ შორის, ქვევრისა და უნიკალური ვაზის ჯიშების ღვინოები.

ქართული ღვინის ტესტირებაზე დაპატიჟებული არიან ცნობილი ღვინის მწერლები, ჟურნალისტები და დაინტერესებული დისტრიბუტორები. IWSC შეაგროვებს დაინტერესებული მხარეების უკუკავშირს და მიაწვდის ქართველ მწარმოებლებს დეტალურ ინფორმაციას.


მეტი ინფორმაციისთვის ეწვიეთ ბმულს http://bit.ly/3xOM6KH

IWSC კონკურსზე რეგისტრაციისთვის Bottlebooks გამოიყენებს

IWSC კონკურსზე რეგისტრაციისთვის სიახლეს გთავაზობთ, რომელიც თქვენს დროს მნიშვნელოვნად დაზოგავს.

2024 წლის იანვრიდან, IWSC თანამშრომლობს მონაცემთა პლათფორმასთან – Bottlebooks და ღვინისა და ალკოჰოლური სასმელების კონკურსის მონაწილეებს რეგისტრაციის გამარტივებულ და დროის დამზოგველ პროცესს თავაზობს.

დაზოგეთ თქვენი დრო Bottlebooks-ის მეშვეობით!

კონკურსის გაფართოებასთან და სასმელების მრავალფეროვნების გაზრდასთან ერთად, არსებობდა საფრთხე, რომ კონკურსში რეგისტრაციის პროცესი თანდათან უფრო რთული და შრომატევადი გამხდარიყო.

IWSC-ის სიახლე ამარტივებს ამ პროცესს და შესაძლებელს ხდის ერთი დაწკაპუნებით კონკურსზე რეგისტრაციას. Bottlebooks შეიქმნა იმისათვის, რომ გამარტივდეს სასმელების შესახებ ინფორმაციის გაცვლა სტანდარტულ ფორმატში. იმის ნაცვლად, რომ ხდებოდეს ერთი და იგივე ინფორმაციის დუბლირება სხვადასხვა გარემოების დროს, ინფორმაცია იტვირთება Bottlebooks-ზე და ხელმისაწვდომი ხდება სტანდარტულ ფორმატში. ეს კი დარეგისტრირებულებს საშუალებს აძლევს, ინფორმაცია პირდაპირ მიაწოდოს ნებისმიერ საცალო მოვაჭრეს, იმპორტიორს, ღონისძიებებს ან კონკურსებს.

170,000-ზე მეტი ჯგუფი უკვე იყენებს Bottlebooks-ს, მათ შორის, საცალო ვაჭრობის უმსხვილესი ქსელები, საერთაშორისო გამოფენები და ფესტივალები, იმპორტიორები და ასოციაციები: M&S და Waitrose, Prowein და London Wine Fair, Berkmann Wine Cellars, ABS, MMD, New Zealand Winegrowers, California Wine და WOSA. თუ თქვენ უკვე აქტიურად იყენებთ Bottlebooks-ს, ან ადრე იყენებდით მას თქვენი ღვინის მონაცემების ექსპორტისთვის, ახლა შეძლებთ გამოიყენოთ პლატფორმა IWSC კონკურსზე დასარეგისტრირებლად და დაზოგოთ ძვირფასი დრო.

ქვევით მოცემული მოკლე კითხვა-პასუხით, გაიგებთ Bottlebooks-ის მეშვეობით რეგისტრაციის სიმარტივეს.

 

Q&A (კითხვა/პასუხი)

Q. როგორ დავრეგისტრირდე Bottlebooks-ზე თუ არ გამომიყენებია არასდროს?

A. გადადით Bottlebooks-ის ვებსაიტზე https://www.bottlebooks.me და დააწკაპუნეთ „login“. თუ თქვენს ბიზნესს უკვე აქვს აქტიური ანგარიში, თქვენ შეძლებთ ავტომატურად დაწყებას. თუ პირველად იყენებთ Bottlebooks-ს, თქვენ გადახვალთ რეგისტრაციის პროცესზე, რომელიც ითხოვს მხოლოდ რამდენიმე წუთს.

 

Q. მსურს დარეგისტრირებაა IWSC-ზე, მაგრამ არ ვიყენებ Bottlebooks-ს, შემიძლია მაინც მივიღო მონაწილეობა კონკურსზე?

A. დიახ, რა თქმა უნდა. გთხოვთ შეხვიდეთ პირდაპირ IWSC-ის ვებსაიტზე

 

Q. Bottlebooks-ის გამოყენებით ღვინოები უკვე გამიგზავნია ღონისძიებაზე/ ასოციაციაში/ დისტრიბუტორთან/ სააგენტოში. შემიძლია თუ არა, ახლა IWSC-ზე დავრეგისტრირდე მისი გამოყენებით?

A. აბსოლუტურად. თუ დააკლიკებთ IWSCის შესვლის ბმულზე, შეძლებთ ღვინოების დამატებას კოლექციაში.

 

Q. არის თუ არა რაიმე გადასახადი Bottlebooks-ის გამოყენებისთვის?

A. IWSC-ში Bottlebooks-ით რეგისტრაცია უფასოა. Bottlebooks-ს აქვს რამდენიმე ფასიანი გამოწერა, რომელიც ხელმისაწვდომია მწარმოებლებისთვის, იმპორტიორებისთვის და საცალო ვაჭრებისთვის. დამატებითი ინფორმაცია შეგიძლიათ იხილოთ აქ:

https://www.bottlebooks.me/portfolio

წყარო: IWSC

ქართული ღვინო გლობალური წარმატების გზაზე

საქართველო – ცნობილი, როგორც „მეღვინეობის აკვანი“, ღვინის წარმოების 8000 წლიანი იტორია აქვს. 500 ადგილობრივი ყურძნის ჯიშით და ქვევრში ღვინის დაყენების უნიკალური მეთოდით, ეს თვალწარმტაცი მთიანი ქვეყანა დიდ შთაბეჭდილებას ახდენს ყველაზე. ეს კიდევ ერთხელ დაადასტურა IWSC 2024-ის შეფასებებმა, სადაც მსაჯებმა კიდევ ერთხელ აღნიშნეს ქართული ყურძნის ჯიშისა და ტექნოლოგიის განსაკუთრებულობა. გურჯანის ღვინის ფესტივალისა და საქართველოს ღვინის ეროვნული სააგენტოს ორგანიზებული ღონისძიების დასასრულს ჩვენ ვთხოვეთ ჟიურის წევრებს: დეივიდ კერმოდს, ვილ ჰილს, კატ ლომაქსს და, რა თქმა უნდა, მთავარ მსაჯს, ალისტერ კუპერს, რომ გაეზიარებინათ მათი მოსაზრებები ქართულ ღვინოსა და მის გლობალურ მომავალზე.

გაოცებული ვარ. ეს ჩემი მეორე მოგზაურობაა საქართველოში, პირველად 4-5 წლის წინ ვესტუმრე. მას შემდეგ ღვინის ხარისხი საკმაოდ გაზრდილია. დიდად ვისიამოვნეთ უმაღლესი დონის ღვინოებით დეგუსტაციითა და შეფასებით, – ასე შეაფასა ღვინის მაგისტრმა ალისტერ კუპერმა წლევანდელი კონკურსი.

კონკურსის შედეგები ქართული ღვინოების მაღალი ხარისხის დასტურია – წელს კონკურსში მონაწილე 450-მდე ღვინოდან 60%-ზე მეტი მედლებით დაჯილდოვდა, მათ შორის გაიცა 18 ოქროს მედალიც. წლევანდელი შედეგები მსგავსია გასული წლისა. IWSC 2023-ზე მონაწილე ღვინოების დაახლოებით 57%-მა მიიღო მედალი, მათ შორის იყო 16 ოქრო.

ჩვენს მსაჯებზე შთაბეჭდილება მოახდინა არა მხოლოდ ხარისხმა, არამედ ქართული ღვინოების მრავალფეროვნებამ.

„ბევრი განსხვავებული სტილია ქართულ ბაზარზე! და არა მხოლოდ სტილი, არამედ ყუძნის ჯიშების მრავალფეროვნება. ჩვენ ვცდილობთ უფრო მეტი კავშირი დავინახოთ ყუძნის ჯიშებსა და ღვინის დაყენების ტექნოლოგიებს შორის, რომელიც ჭიქაში ჩამოსხმულ ღვინოში კარგად ჩანს“, – თქვა უილ ჰილმა.

ქეთ ლომაქსი განსაკუთრებით გამოარჩევს ქართული ღვინის ხასიათსა და თვისებებს: „ზოგიერთი უმაღლესი კლასის ღვინო, რომელიც ჩვენ ოქროს მედლით დავაჯილდოვეთ, მართლაც გამორჩეული და წარმოუდგენლად დასამახსოვრებელი იყო მისი არომატით. მათ აქვთ უნიკალური დამახასიათებელი ნიშანები, ინდივიდუალობა, რაც გამოარჩევს ამ ქვეყანას. ასე რომ, დიახ, უმაღლესი ხარისხის საუკეთესო ღვინოებია.

 

მსაჯებმა აღნიშნეს, რომ ზოგიერთ ქვევრის ღვინოს ჰქონდა გამორჩეული, მდიდარი ტექსტურა, ბზინვარება და დამახასიათებელი გემო, რომელსაც სწორედ ქვევრი აძლევს.

„ძალიან ხშირად გვხვდებოდა უმამის გემო ქვევრის ღვინოებში. ზოგჯერ იგრძნობოდა სოიოს მარცვლის, ზოგჯერ უფრო მეტად პარმეზანის მსგავსი გემო მოდიოდა, მაგრამ ეს იყო საოცრად დახვეწილი… მნიშვნელოვანია, რომ ტექსტურა, რომელიც მიიღება ღვინის ქვევრში დაყენების ტექნიკით, სხვა ჭურჭელში შეუძლებელია ასეთი შედეგის მიღება. ეს არის პიკანტურობისა და ტანინის  არაჩვეულებრივი ინტეგრაცია და ეს საოცარი სიმშრალე, რომელიც ბოლოს მოდის.“, ამბობს ვილ ჰილი.

 

მსაჯებმა ხაზგასმით აღნიშნეს, რომ როდესაც საქმე ეხება ქვევრში დაყენებულ ქარვისფერ  ღვინოს, საჭიროა სიფრთხილე, რათა თავიდან იყოს აცილებული ზედმეტი სიმშრალე. როდესაც ეს ღვინო სწორად მზადდება ნამდვილად გამორჩეულია და მათი დაძველება მართლაც გასაოცარია, აღნიშნეს მსაჯებმა. როდესაც ღვინო ბალანსის დაცვით მზადდება, ის გამორჩეული თვისებების მატარებელია და, შესაბამისად, მას დაძველების დიდი პოტენციალიც აქვს, ამბობდნენ მსაჯები.

„ვფიქრობ, ძალიან ხშირად ეს ღვინოებია, რომლებიც საკვებთან ერთად უნდა დააგემოვნო – სწორედ, მათში არსებული ტანინის გამო.“- ამბობს ღვინის მაგისტრი ალისტერ კუპერი.

სომელიეს ოცნება, ღვინის ბაიერის ღამის კოშმარია, რადგნა ასეთი ღვინოების გაყიდვა, ნამდვილად, რთულია.

კატ ლომაქსმა რამდენიმე რჩევა გაუზიარა მეწარმეებს:

„რესტორანში ღვინის გაყიდვა შედარებით მარტივია, რადგან სომელიეს გიყვება ისტორიას და გიხსნის, რატომ მიდის კონკრეტული ღვინო კონკრეტულ საჭმელზე. სუპერმარკეტში შესყიდვის პროცესი კი სრულიად განსხვავებულად მიმდინარეობს – არავინ გიხსნის, რატომ უნდა შეიძინო ღვინო. პოტენციური მყიდველი ხელმძღვანელობს ბოთლზე დატანილი ეტიკეტირებით. ასე რომ, რაც უფრო მეტი ინფორმაცია იქნება მითითებული ბოთლზე, მით მეტი შანსია თქვენი ღვინის როგორც გაყიდვის, ისე ლოიალურობის გაზრდის თვალსაზრისით, რადგან გეყოლებათ მომხმარებელი, რომელმაც იცის რომელი ღვინო დალიოს და როდის.“

ეტიკეტირებაზე მეტი აქცენტის გაკეთება და კონკრეტულ ღვინოსთან შესაბამისი საკვების მითითება მსაჯების საერთო რჩევა იყო.

გამორჩეულ ყურძნის ჯიშებზე საუბრისას, ჩვენმა ჟიურიმ ხაზი გაუსვა საფერავს, რომელსაც ხშირად „ქართული ყურძნის მეფეს“ უწოდებენ. მსაჯების აზრით, ეს დამსახურებული ტიტულია, რადგან „საფერავი“ მომხმარებელს მოსწონს… ის „მალბეკსაც“ კი შეადარეს.

ალისტერ კუპერი აღნიშნავს: „ვფიქრობ, რომ ეს არის შესანიშნავი ჯიში, რომელიც ბევრი ადამიანის მოწონებას იმსახურებს. ეს უკანასკნელი, ჩემი აზრით, ეს არის საოცარი თვისება, რომელიც მალბეკსაც აქვს. ის ზუსტად ისეთივე ხელმისაწვდომია მომხმარებლებისათვის, როგორც ღვინის ექსპერტებისთვის. ვფიქრობ, რომ საფერავს ბევრი რამის შემოთავაზება შეუძლია და დაძველების მაღალი პოტენციალი აქვს.“

მსაჯები აღფრთოვანებულები არიან საფერავის მდიდრული გემოთი და ხაზგასმით აღნიშნავენ, რომ ყურძნის ამ ჯიშთან ტანინების სწორად განსაზღვრა საოცარ სიფრთხილეს მოითხოვს.

„ვფიქრობ, რომ ყველაზე წარმატებულ ღვინოებს, რომელიც ჩვენ დავაგემოვნეთ , ტანინები მართლაც კარგად დაბალანსებული ქონდა. ცხადია, ამ მდიდარი ყურძნის ჯიშისგან დაყენებულ ღვინოს შეიძლება ბევრი ტანინი ჰქონდეს და ღვინოს ძალიან მშრალი იყოს. ასე რომ, როგორც აღვნიშნე, რაც უფრო დახვეწილია ღვინო, მით უფრო დაბალანსებულია ტანინი – მას აქვს სასიამოვნოდ სიმჟავე, მაგრამ ეს არ არის დომინანტური გემო,“- ქეთ ლომაქსი.

რაც შეეხება სხვა წარმოდგენილ ღვინოებს, რომლებმაც კარგი შედეგი აჩვენეს, ესენია: ქისი, ხიხვი, რქაწითელი და კახური მწვანე.

“მე ვფიქრობ, რომ ქისს საოცრად უხდება ქვევრში დაყენება. ეს არის ყვავილოვანი არომატებით გაჯერებული, მაგრამ არა ზედმეტად, მაგალითად როგორც არის Torrontes ან Gewurztraminer. ვფიქრობ, რომ ქისს სხვა ჯიშებისაგან განსხვავეებით აქვს უფრო თავშეკავებული გემო, რომელიც უფრო მეტად წააგავს Gruner Veltliner-ს, რომელიც ახლა ძალზედ პოპულარულია“, – ალისტერ კუპერი.

 მსაჯმა, ვილ ჰილმა აღნიშნა, რომ ღვინოების დაგემოვნებისას აღმოაჩინა რამდენიმე რქაწითელი საუცხოო დაძველებით. რაც შეეხება ქვევრის ღვინოებს, ვილის ჰილის ფავორიტი ღვინოა, ხიხვი, რომელშიც პიკანტური გემოები იგრძნობოდა. სასიამოვნოდ გასაკვირი იყო კიდევ ერთი ღვინის აღმოჩენა- კახური მწვანე –  ელეგანტურობა, რომელიც მსაჯებმა ღვინოში აღმოაჩინეს, ნამდვილად წარმოადგენს ქვევრის ღვინის საუკეთესო მაგალითს.

რომ შევაჯამოთ მსაჯების შეხედულებები და რჩევები, რომელიც მიზნად ისახავს ექსპორტის ზრდას, ქართული ღვინო უდავოდ მაღალი ხარისხისაა, ახლა კი დროა ფოკუსირება მოვახდინოთ ბრენდინგზე. მნიშვნელოვანია, ეტიკეტი ადვილად წასაკითხი და გასაგები იყოს მომხმარებლისათვის, ხოლო ბოთლის უკანა ეტიკეტი უნდა იყოს მარტივად აღსაქმელი – როგორი გემო აქვს ღვინოს, როგორ მივითვათ და რასთან ერთად. რაც შეეხება მეღვინეობის პრაქტიკას, აქ ოქროს გასაღები ღვინის დაყენების სიფრთხილეშია.

ქეთ ლომაქსმა აღნიშნა, რომ  როგორც წითელ, ისე ქვევრის ღვინოებს მისცემდა ერთ მნიშვნელოვან რჩევას, რომ ტანინები უფრო დაბალანსებული იყოს. „როგორც წითელზე აღვნიშნეთ, ასევე ქვევრის ღვინოზეც დიდხანს დაყენებამ შეიძლება გამოიჭვიოს ღვინოს  სიმშრალე. ყველაფერი კი არის პირის ღრუს რეცეპტორებზე დამოკიდებული – გემო წვნიანია თუ მშრალი? და თუ გემო უფრო გამოშრობისაკენ მიდის, ალბათ, ღვინოს დიდხანს დააყოვნეთ ქვევრში“.

 

ალისსტერ კუპერმა დაამატა, რომ ხილის ღვინოები, რომელიც საფერავზე მსუბუქი დასალევია, დაეხმარება მეღვინეებს საფასო პოლიტიკის დაწევასა და მომხმარებლის მოზიდვაში.

კიდევ ერთი რჩევა რომელიც მსაჯებისგან მივიღეთ არის მჭიდრო თანამრომლობა დამოუკიდებელ საცალო სექტორთან, რომლებიც შეიძლება გახდნენ ქართული ღვინის წარმომადგენლები. „დამოუკიდებელ სპეციალისტებს ყავთ ერთგული მომხმარებელი და მათი რიცხვი მზარდია. ბევრი ადამიანი ვიცი, რომელიც საერთოდ არ არის ღვინის ინდუსტრიაში ჩართული, ან ირიბად არის ჩართული, თუმცა უამრავი მომხმარებელი ენდობა მათ. ვფიქრობ, უნდა დავრწმუნდეთ, რომ ამ სექტორთან მჭიდროდ ვთანამშრობლობ, რომელსაც დიდი როლი შეუძლია შეასრულოს მომხმარებელთან ურთიერთობაში“, თქვა ალისტერ კუპერმა.

„საქართველო არის საუკეთესო ადგილი ღვინის მოყვარულებისთვის, აღმოაჩინონ, შეისწავლონ და დააგემოვნონ ავთენტური სახეობის ღვინოები“, განაცხადეს მსაჯებმა. ამავდროულად ქვეყანა წარმატებით ახდენს უძველესი ტრადიციებისა და თანამედროვე ტექნიკის სინთეზს, რომელიც ძალზედ სასიამოვნოა და კარგად აღსაქმელი მთელი მსოფლიოსათვის. საინტერესოა ქართული ღვინის ხარისხის ზრდა, რასაც მსაჯები მოუთმენლად ელიან მომავალი წლისათვის.

 

IWSC 2024 Wine Judging in Georgia: მსაჯების გადაწყვეტილებები 

ჩვენმა საერთაშორისო ექსპერტების გუნდმა საინტერესო კვირა გაატარა კახეთში, საქართველოს უდიდეს მეღვინეობის რეგიონში, გურჯაანის ღვინის ფესტივალთან და საქართველოს ღვინის ეროვნულ სააგენტოსთან პარტნიორობით ორგანიზებულ გლობალური ღვინის კონკურსის ფარგლებში.

კონკურსის მსაჯებმა მოინახულეს ღვინის მწარმოებლები კახეთში, როგორც დიდი მეღვინეობები, ასევე მცირე ზომის საოჯახო მარნები. ჟიურიმ 500-ზე მეტი რეგისტრირებული ღვინის ნიმუში დააგემოვნა. გარდა  საქართველოდან შემოსული ღვინოებისა, წელს ჩვენ გვქონდა პატივი, სომხეთიდან და აზერბაიჯანიდან მიგვეღო ღვინის ნიმუშები.

ჟიურის პანელს ზედამხედველობას უწევდა ღვინის მაგისტრი ალისტერ კუპერი. სადეგუსტაციო მაგიდასთან მაგისტრს საერთაშორისო ექსპერტების ვარსკვლავური გუნდი შეუერთდა: ქეთ ლომაქსი, ემა პენმანი, ვილ ჰილი, გეორგიოს იორდანიდისი, მელანია ბატისტონი, დეივიდ კერმოდი, ზარა სერობიანი და სალვატორ კასტანო. ჟიურის პანელს ასევე შეუერთდნენ ადგილობრივი ქართველი ღვინის მსაჯები, რომლებმაც თავიანთი ფასდაუდებელი ცოდნა და ხედვა შემოიტანეს რეგიონის შესახებ.

“აღფრთოვანებული ვარ. ეს ჩემი მეორე მოგზაურობაა საქართველოში, პირველად აქ 4-5 წლის წინ ვიყავი. მას შემდეგ ღვინის ხარისხში უზარმაზარი წინგადადგმული ნაბიჯია; კონკურსზე  აბსოლუტურად უმაღლესი ხარისხის ღვინოების დაგემოვნების სიამოვნება მოგვეცა.” – გვიზიარებს ღვინის მაგისტრი ალისტერ კუპერი.

ჟიურიმ გამორჩეილად დააფასა მუხის კასრის ფრთხილად გამოყენება, ისევე როგორც საკონკურსო ქართული ღვინოების  ინდივიდუალობა და შთამბეჭდავად გამორჩეული რეგიონალური ხასიათი. ეს უნიკალური მახასიათებლები მართლაც ბრწყინავდნენ ქართული ქვევრის ღვინოებში, მათ შესანიშნავი შედეგები აჩვენეს:

ტრადიციული მეთოდით დაყენებული ქარვისფერი ღვინო 9 ოქროსა და კიდევ მრავალი ვერცხლისა და ბრინჯაოს მედალით დაჯილდოვდა.

“საუკეთესოდ შეფასებული მრავალი ღვინო იყო ქარვისფერი – ჩვენ აღმოვაჩინეთ არაერთი შესანიშნავი ნიმუში, რომელთა დაგემოვნებაც ფრიად სასიამოვნო იყო. მათ შორის, საუკეთესოებმა მიიღეს ოქროს მედლები, ეს განაპირობა მათმა ცინცხალმა მჟავიანობამ, განსაკუთრებულმა სურნელებამ, დახვეწილმა გემომ და არა მშრალმა სხეულმა,” – განაცხადეს მსაჯებმა.

ჩვენი ექსპერტების თქმით, ქისი და რქაწითელი ყურძნის ის ჯიშებია, რომლებიც განსაკუთრებით კარგად ავლენენ თავს ქვევრში დაყენების შემთხვევაში. საქართველოში ჩატარებულ კონკურსზე ერთ-ერთი ყველაზე მაღალი ქულით შეფასებული ღვინო იყო კახური ქარვისფერი რქაწითელი (კარდანახი 1888, წარაფი). აღნიშნულმა ღვინომ მოიპოვა 97 ქულა და მყარი ოქროს მედალი, მსაჯებმა შეაქეს მისი მდიდარი სურნელი, რომელიც გაჯერებული იყო ტკბილი გამომშრალი გარგარის, ოქროსფერი ქიშმიშის და ახლად გამომცხვარი ნამცხვრის ტონებით. აღიარება მოიპოვა ასევე მისმა ხავერდოვანმა ტექსტურამ ხანგრძლივი დაბოლოებით.

კიდევ ერთი გამორჩეული სახეობა იყო საფერავი, საქართველოში ყველაზე ფართოდ გავრცელებული წითელი ყურძნის ჯიში. საფერავმა კარგ შედეგს მიაღწია როგორც ქვევრის, ასევე არა-ქვევრის დაყენების მეთოდის მიხედვით. ჟიურიმ აღნიშნა, რომ როდესაც საქმე ეხება საფერავს, მნიშვნელოვანია ფრთხილად დაწურვა, მზის მიდგომის მართვა და მუხის ფრთხილად გამოყენება. ვენახსა და  მეღვინეობაში სწორი მიდგომით დაყენებული საფერავი იძლევა წვნიან, სხეულიან, კარგად სტრუქტურირებულ ღვინოებს.

“საფერავი დიდებული ჯიშია. ის მალბეკს ჰგავს – ძალიან ხელმისაწვდომია, ბევრი გთავაზობს და ძალიან მეგობრულია მომხმარებლისადმი. საფერავს აქვს ძალიან კარგი დაძველების უნარი – დავაგემოვნეთ რამდენიმე 13 წლის ღვინო, მათ ძალიან კარგი შედეგი აჩვენეს,“- გვიზიარებენ კონკურსის მსაჯები.

საერთო ჯამში, ქართული ღვინოები წლევანდელ კონკურსზე განსაკუთრებულად წარმატებებით წარსდგნენ და ჯამში 280-ზე მეტი მედლით დაჯილდოვდნენ.

რაც შეეხება, კონკურსზე გასინჯულ სომხურ ღვინოებს, ღვინის მსაჯებმა ხაზი გაუსვეს, რომ ვაიოცძორის რეგიონის არენმა კარგად გამოავლინა თავი. არენის ღვინოებმა ცხრა ძლიერი მედალი მოიპოვეს.

”ყველაზე წარმატებულმა ღვინოებმა საშუალება მისცეს ყურძნის ხასიათის გამობრწყინებას (წითელი ალუბლის ნოტები). იყო მწიფე და დაბალანსებული მჟავიანობა. ჩვენ აღმოვაჩინეთ რამდენიმე ღვინო, სადაც მუხა ძალიან მძიმედ იგრძნობოდა, ამიტომ მწარმოებლებმა უნდა გაითვალისწინონ ეს ფაქტი, როდესაც მეღვინეობაში გადაწყვეტილებებს იღებენ,“ – განაცხადეს კონკურსის მსაჯებმა.

ჟიურის თქმით, სხვა გამორჩეული სომხური ჯიშები იყო ახტანაკი და ნრნენი. საერთო ჯამში, სომხურმა ღვინოებმა 20-ზე მეტი მედალი მიიღეს, ამ ქვეყნიდან შემოსული ნიმუშების თითქმის ნახევარი დაჯილდოვებულია. IWSC 2024 Wine Judging in Georgia-ს კონკურსის სრული შედეგები ორშაბათს, 4 დეკემბერს გახდება ცნობილი.

IWSC Wine Judging in Georgia: მედლის მფლობელების ვინაობა გამოვლენილია

IWSC Wine Judging 2024 წლის დაჯილდოება ოფიციალურად საქართველოში დაიწყო. 2023 წლის კონკურსის წარმატებულად ჩატარების შემდეგ, გასულ კვირას, ჩვენ უკვე მეორედ ჩავატარეთ ღვინის საერთაშორისო ღონისძიება.

წელს, „გურჯაანის ღვინის ფესტივალისა“ და „ღვინის ეროვნული სააგენტოს“ მხარდაჭერით, კონკურსი კახეთში, საქართველოს ღვინის წამყვან რეგიონში ჩატარდა.

გარდა ქართული ღვინოებისა, კონკურსზე წარმოდგენილი იყო სომხური და აზერბაიჯანული ღვინოები, შესაბამისად რეგისტრირებული 500 ღვინით წლევანდელი კონკურსი კიდევ უფრო მასშტაბური აღმოჩნდა.

წელს ჟიურის ხელძღვანელობდა ღვინის მაგისტრი ალისტერ კუპერი, მსაჯების დანარჩენი წევრები კი არიან საერთაშორისოდ ცნობილი ღვინის ექსპერტები და სომელიეები: ქეთ ლომაქსი, ემა პენმანი, ვილ ჰილი, გეორგიოს იორდანიდისი, მელანია ბეტისტონი, დეივიდ კერმოდი, ზარა სერობიანი და სალვატორე კასტანო. მსაჯების გუნდს, ასევე, ქართველი ჟიურიც შეურთდა.

ქართულმა ღვინოებმა საოცარი შედეგი დადეს. გაიცა 285 მედალი, აქედან 18 ოქროს, 70-ზე მეტი ვერცხლისა და 190 ბრინჯაოს მედალი.

მსაჯები განსაკუთრებით მოიხიბლნენ ქვევრის, ქარვისფერი ღვინის გემოთი, რომელიც, მათი აზრით, საუკეთესოდ გამოხატავს რეგიონის კომპლექსურ მახასიათებლებს. ქართულმა ქვევრის ღვინოებმა მიიღეს ოქროს 8 მედალი და ასევე მრავალი ვერცხლისა და ბრინჯაოს მედალი. კონკურსზე ყველაზე მაღალი შეფასება, 97 ქულა,  „კარდანახი 1888“-ს წარაფმა (2020) მიიღო, მას მსაჯებმა „სუპერ ვარკსკვლავიც“ კი უწოდეს და მას ასეთი შეფასება მისცეს: „golden raisins and freshly baked pastries on the nose, with warm apricots and sweet spice. A velvet palate with a complex yet silky structure of toasted nuttiness, finishing on candied oranges and balanced acidity”.

გვყავს კიდევ ორი ოქროსმედალოსანი, რომელმაც 96 ქულა მიიღო – „LTD კახეთის ქომფანის ბედობა 2021“ და „მილდიანის ხიხვი ბუკეტი 2018“ (,,საოცრად ექსპრესიულ და არომატულ სურნელში გამოხატულია კომშის ნამცხვრის რთული და მრავალფეროვანი ტონები. იგრძნობა ასევე თაფლი, გამომშრალი მანგო, ფორთოხლის ცედრა. მოტკბო სანელებლებისა და მანდარინის ტონების შთამბეჭდავი კონცენტრაცია სასიამოვნოდ არის დაბალანსებული მჟავიანობით, რასაც მოყვება ხანგრძლივი, ეფექტური, მარმელადისებური დასასრული.”)

ოქროს მედლები მიიღო საფერავის ღვინოებმაც. წითელი ღვინოებიდან ყველაზე მაღალი შეფასება ასევე მილდიანის საოჯახო მეღვინეობამ მიიღო. „მუკუზანი რეზერვი 2018“ ჟიურიმ 96 ქულით შეაფასა, ოქროს მედალი გადასცა და დაახასიათა, როგორც „უხვად ხილიანი და გემრიელად პიკანტური“. „მილდიანის საოჯახო მეღვინეობამ“ ჯამში 13 მედალი მიიღო, აქედან 4 კი – ოქრო.

წელს 50-მა სომხურმა ღვინომ მიიღო მონაწილეობა, აქედან კი დაახლოებით ნახევარს გადაეცა ერთი ვერცხლისა და 20-ზე მეტი ბრინჯაოს მედალი. ასეთი შედეგები სომხური ღვინის პროგრესსა და პოზიტიურ ცვლილებებზე მიუთითებს. მსაჯები განსაკუთრებით მოიხიბლნენ სომხური „არენისგან“ დამზადებული ღვინოებით.

სასიამოვნოდ გასაკვირი იყო აზებაიჯანული ღვინოების მონაწილეობა IWSC-ის კონკურსში. ქვეყნის ღვინის ინდუსტრიის მზარდი ტენდენციებიდან გამომდინარე, მსაჯებს ინტერესი ჰქონდათ გაესინჯათ აზებაიჯანული ღვინოები და მოუთმენლად ელიან მომავალში ამ ქვეყნის სულ უფრო მეტი ღვინის გამოჩენას მსოფლიო ბაზარზე.

მელანია ბატისტონი საქართველოში მოგზაურობის შესახებ პოსტს აქვეყნებს

IWSC Wine Judging in Georgia-ს ჟიურის წევრი, მელანია ბატისტონი საქართველოში მოგზაურობის შესახებ პოსტს აქვეყნებს.
ტექსტი შეიცავს თითოეული ფოტოს აღწერას.

1. მთლიანი კვირის შეჯამება 🥰

2. ჭაჭა, რაღაცნაირად ქართველების საყვარელი სიტყვაა 😂 ეს არის ტრადიციული ყურძნის არაყი.

3. ტარხუნის ლიმონათი და წითელი ღვინისგან გაშავებული კბილები 🤣. ტარხუნა ქართველების საყვარელი მცენარეა. ტარხუნის ლიმონათი უცნაური ვიზუალის, არომატული მსუბუქი სასმელია.

4. ქართული სამზარეულო უმეტესად ხორცეულისგან შედგება! ქათამი, ღორის, საქონლის და ხბოს ხორცი. ჩემთვის ყველაზე გემრიელი მწვადი იყო 🍖

5. ხინკალი 🥟 და როდესაც ფიქრობ, რომ სადილი დასრულდა…სწორედ მაშინ შემოდის სუფრაზე ხინკალი. ეს კერძი ფორმით ჰგავს მზეს (ერთ-ერთი მნიშვნელოვანი სიმბოლო ქართულ მითოლოგიაში). ყველაზე მნიშვნელოვანია მისი წვენის თბილ მდგომარეობაში მირთმევა.

6. საუკეთესო ღორის ლოყები, რომელიც დამიგემოვნებია.

7. ყველა ქართულ სუფრაზე გვხვდება ფხალი. ეს არის ცივი კერძი, რომელიც განსაკუთრებულად კარგია ქართულ პურთან ერთად. ფხალის მომზადება ყველანაირი ბოსტნეულისგან არის შესაძლებელი. 🥦

8. ქართული ყანწი, სასმელი ჭურჭელი, რომელიც ჩვეულებრივ კეთდება ცხვრის ან თხის რქისგან და სუფრაზე მისი გამოყენება, ქართული ტრადიციის ნაწილია. სადღიგრძელოს დასრულების შემდეგ აუცილებელია მთლიანი სასმისის დაცლა.

9. დეივიდ კერმოდი და მისი საყვარელი ხ ა ჭ ა პ უ რ ი 💓 გემრიელი ქართული კერძი, რომელიც ყველისგან და ცომისგან მზადდება. ხაჭაპურის 50-ზე მეტი სახეობა არის იდენტიფიცირებული მაგრამ როგორც მივხვდი ყველანაირ ხაჭაპურს ბევრი ყველი აქვს 🧀

10. ქართული სადღეგრძელო/ პერფორმანსი? წარმოიდგინეთ სტუმრებით სავსე მაგიდა, რომელთანაც ასევე ზის თამადა და სადაც დევს უამრავი ღვინო. თამადა ასახელებს სპიკერს, რომელიც ყვება ამბავს ან ისტორიას რომელიც მის გულთან ახლოსაა. ქართული სუფრა შეიძლება საათობით გაგრძელდეს და ის არის ძლიერი ემოციური კავშირების გაზიარების ადგილი.

♥️საქართველო მხიარულების და სიცილის ადგილია. და რაც მთავარია,(🏊🌊🏓🎳) ეს არის ადგილი, სადაც არის გულითადად შ ე უ დ ა რ ე ბ ე ლ ი სტუმარმასპინძლობა.

„საქართველო უნიკალური ადგილია მსოფლიო ღვინის ინდუსტრიაში, სადაც ძალიან განსხვავებული ღვინოებია“ -კრისტელ გიბერი

„ჩვენი თქვენთან მუშაობა ჯერ არ დასრულებულა, ჩვენი დიდი სურვილია საქართველო კარგად იყოს წარმოდგენილი მსოფლიო ღვინის რუკაზე“ -დაჯილდოების ცერემონიალზე ქართული ღვინის უნიკალურობაზე ისაუბრა  IWSC აღმასრულებელმა დირექტორმა, კრისტელ გიბერიმ.

18 ოქრო, 72 ვერცხლი და 220 ბრინჯაო! – ასეთი შედეგებით დასრულდა ღვინის საერთაშორისო კონკურსი IWSC, რომელშიც წელს უპრეცედენტოდ მაღალი რაოდენობის 170-ზე მეტი კომპანიის 520 ღვინო იყო წარმოდგენილი. კონკურსის გამარჯვებულები ცნობილია – კომპეტენტური ჟიურიმ გამოავლინა ოქროს, ვერცხლისა და ბრინჯაოს მფლობელი ღვინოები, თითოეულს შესაბამისი შეფასება და რეკომენდაცია მისცა.

კონკურსზე დარეგისტრირებული 520 ღვინიდან მედალი 310 მათგანს გადაეცა. აღსანიშნავია, რომ ყველა ოქრო ქართველმა მწარმოებლებმა მიიღეს. ხოლო 72 ვერცხლიდან 1 მედალი სომხეთის კომპანიას ერგო, ხოლო 220 ბრინჯაოს მედლები ასე გადანაწილდა: 196 ქართულმა მეღვინეობამ, 22 სომხეთისა და 2 აზერბაიჯანულმა კომპანიებმა მიიღეს.

შეგახსენებთ, რომ საქართველო ღვინის საერთაშორისო კონკურსს, IWSC Wine Judging in Georgia-ს უკვე მეორედ უმასპინძლა და მასში მონაწილეობა კომპანიებისთვის ერთგვარ პრესტიჟად და ტრადიციად ჩამოყალიბდა. კონკურსში გამარჯვებულებმა ჯილდოს გარდა ჟიურისგან მიიღეს ის, რაც თანამედროვე ღვინის ინდუსტრიაში ყველაზე მეტად ფასობს – ახალი უნარები, ცოდნა და გამოცდილება.

„საქართველო ნამდვილად უნიკალური ადგილია მსოფლიო ღვინის ინდუსტრიაში. აქვს განსაკუთრებული და მდიდარი ღვინის ისტორია. აქ ძალიან განსხვავებული ღვინოებია. მოხარული ვარ, რომ ეს კონკურსი კიდევ ერთხელ საქართველოში ჩატარდა. ჩვენი სურვილია საქართველოს ცნობადობა ავამაღლოთ, ჩვენი თქვენთან მუშაობა არ დასრულებულა, ჩვენი დიდი სურვილია საქართველო კარგად იყოს წარმოდგენილი მსოფლიო ღვინის რუკაზე, ასევე დაიმკვიდროს ადგილი, როგორც ღვინის სამშობლომ მსოფლიო ბაზარზე“ – ქართული ღვინის უნიკალურობაზე საუბრობს IWSC აღმასრულებელი დირექტორი, კრისტელ გიბერი.

მნიშვნელოვანია, რომ წელს, გურჯაანის ღვინის ფესტივალთან და საქართველოს ღვინის ეროვნულ სააგენტოსთან პარტნიორობით, კონკურსი რეგიონულ ღონისძიებად გადაიქცა, რაც ნიშნავს იმას, რომ კომპეტენტური ჟიური საქართველოში წარმოებულ ღვინოებთან ერთად კონკურსზე სომხეთისა და აზერბაიჯანის ღვინოებსაც აფასებდნენ.

კონკურსი მეღვინეებს უნიკალურ შესაძლებლობას აძლევს, წარმოაჩინონ თავიანთი ღვინოები ჟიურის წევრების, ინდუსტრიის საერთაშორისოდ აღიარებული, ავტორიტეტული ექსპერტების წინაშე. ჟიურის წევრები კიდევ ერთხელ დაარწმუნა იმაში, რომ საქართველო ღვინის წარმოებით მდიდარი ქვეყანაა და 8000 წლიანი ისტორიით საპატიო ადგილს იმსახურებს მსოფლიო ღვინის რუკაზე.

შეგახსენებთ, რომ ღვინის საერთაშორისო კონკურსის მსაჯების გუნდს, რომელიც საქართველოს ესტუმრა,  ჟიურის თავმჯდომარე, ღვინის აღიარებული მაგისტრი Cata d’Or-ის პრეზიდენტი და United Cellars-ის გლობალური კონსულტანტი ალისტერ კუპერი ხელმძღვანელობს. ალისტერს შეუერთდnen საერთაშორისო მსაჯები – ღვინის ბაიერები, უფროსი სომელიეები და ღვინის კონსულტანტები. ჟიურის წევრები არიან: სალვატორე კასტანო – 2021 წლის ევროპის საუკეთესო სომელიე და სავაჭრო მრჩეველი „Fiarwood”-დან, მელანია ბეტისტონი, რომელმაც 2022 წელს ევროპის საუკეთესო ახალგაზრდა სომელიეს ტიტული მოიპოვა და „ჰარბორის“ ტოპ 25 სომელიეთა შორისაა, ქეთ ლომაქსი – “The Drinks Business”-ის მიერ დაჯილოებული წლის საუკეთესო საცალო ბაიერი, დევიდ კერმოდი – ღვინის მწერალი, BBC Breakfast-ის და Channel 5 News-ის ჟურნალისტი, ზარა სერობიანი – ღვინის ექსპერტი, Ginvino-სა და Wine Origins-ის დამფუძნებელი და აღმასრულებელი დირექტორი, გეორგიოს იორდანიდისი – ღვინის ექსპერტი ლონდონში მუშაობის 10 წლიანი გამოცდილებით, ვილ ჰილი – ღვინის ბაიერი და ემა პენმანი, უმსხვილესი ბრიტანული სუპერმაკეტების ქსელის Waitrose & Partners-ის ღვინის ბაიერი.

IWSC-ის ღვინის საერთაშორისო კონკურსის ჟიურის ადგილობრივი მსაჯები ღვინის სფეროს პროფესიონალები არიან: ღვინის ეროვნული სააგენტოს თავმჯდომარე ლევან მეხუზლა, ღვინის ეროვნული სააგენტოს სადეგუსტაციო კომისიის თავმჯდომარე ანა გოდაბრელიძე, საქართველოს 2020-2021 წლების ჩემპიონი სომელიე ჯაბა ძიმისტარიშვილი, პროფესორი, ენოლოგი მარიამ ხომასურიძე და  ღვინის ექსპერტი მაგდა სურგულაძე.
საქართველოში ღვინის საერთაშორისო კონკურსის IWSC 2024 Wine Judging in Georgia-ს ორგანიზატორია გურჯაანის ღვინის ფესტივალი. ღონისძიების მხარდამჭერები არიან: ღვინის ეროვნული სააგენტო, ტურიზმის ეროვნული ადმინისტრაცია, ჯეპრა და გურჯაანის მუნიციპალიტეტის მერია.  ხოლო სპონსორები „თელიანი ველი“ და „საქართველოს ბანკი“.

IWSC 2024 Wine Judging in Georgia შედეგები ცნობილია

18 ოქრო, 72 ვერცხლი და 220 ბრინჯაო! – ასეთი შედეგებით დასრულა ღვინის საერთაშორისო კონკურსი IWSC, რომელშიც წელს უპრეცედენტოდ მაღალი რაოდენობის 170-ზე მეტი კომპანიის 520 ღვინო იყო წარმოდგენილი. კონკურსის გამარჯვებულები ცნობილია – კომპეტენტური ჟიურიმ გამოავლინა ოქროს, ვერცხლისა და ბრინჯაოს მფლობელი ღვინოები და თითოეულს შესაბამისი შეფასება და რეკომენდაცია მისცა.

კონკურსზე დარეგისტრირებული 520 ღვინიდან მედალი 310 მათგანს გადაეცა. აღსანიშნავია, რომ ყველა ოქრო ქართველმა მწარმოებლებმა მიიღეს, ხოლო 72 ვერცხლიდან 1 მედალი სომხეთის კომპანიას ერგო, ხოლო 220 ბრინჯაოს მედლები ასე გადანაწილდა: 196 ქართულმა მეღვინეობამ, 22 სომხეთისა და 2 აზერბაიჯანულმა კომპანიებმა მიიღეს.

შეგახსენებთ, რომ საქართველო ღვინის საერთაშორისო კონკურსს, IWSC Wine Judging in Georgia-ს უკვე მეორედ უმასპინძლა და მასში მონაწილეობა კომპანიებისთვის ერთგვარ პრესტიჟად და ტრადიციად ჩამოყალიბდა. კონკურსში გამარჯვებულებმა ჯილდოს გარდა ჟიურისგან მიიღეს ის, რაც თანამედროვე ღვინის ინდუსტრიაში ყველაზე მეტად ფასობს – ახალი უნარები, ცოდნა და გამოცდილება.

„საქართველო ნამდვილად უნიკალური ადგილია მსოფლიო ღვინის ინდუსტრიაში. აქვს განსაკუთრებული და მდიდარი ღვინის ისტორია. აქ ძალიან განსხვავებული ღვინოებია. მოხარული ვარ, რომ ეს კონკურსი კიდევ ერთხელ საქართველოში ჩატარდა. ჩვენი სურვილია საქართველოს ცნობადობა ავამაღლოთ და განვათავსოთ მსოფლიო ღვინის რუკაზე,“ – ქართული ღვინის უნიკალურობაზე საუბრობს IWSC აღმასრულებელი დირექტორი, კრისტელ გიბერი.

„საქართველო არის ქვეყანა, რომელსაც დიდ და განსაკუთრებულ პატივს ვცემ, აქ მსაჯობა ჩემთვის ძალიან კარგი გამოცდილება იყო, ის განვითარება მე რაც 5 წლის განმავლობაში ვნახე ნამდვილად შოკის მომგვრელია, მთავარი გზავნილი იქნება ჩემგან: განაგრძეთ წინსვლა!“ – აღნიშნავს ჟიურის თავმჯდომარე, ღვინის აღიარებული მაგისტრი CATA D’OR-ის პრეზიდენტი და UNITED CELLARS-ის გლობალური კონსულტანტი, ალისტერ კუპერი.

მნიშვნელოვანია, რომ წელს, გურჯაანის ღვინის ფესტივალთან და საქართველოს ღვინის ეროვნულ სააგენტოსთან პარტნიორობით, კონკურსი რეგიონულ ღონისძიებად გადაიქცა, რაც ნიშნავს იმას, რომ კომპეტენტური ჟიური საქართველოში წარმოებულ ღვინოებთან ერთად კონკურსზე სომხეთისა და აზერბაიჯანის ღვინოებსაც აფასებდნენ.

კონკურსი მეღვინეებს უნიკალურ შესაძლებლობას აძლევს, წარმოაჩინონ თავიანთი ღვინოები ჟიურის წევრების, ინდუსტრიის საერთაშორისოდ აღიარებული, ავტორიტეტული ექსპერტების წინაშე. ჟიურის წევრები კიდევ ერთხელ დაარწმუნა იმაში, რომ საქართველო ღვინის წარმოებით მდიდარი ქვეყანაა და 8000 წლიანი ისტორიით საპატიო ადგილს იმსახურებს მსოფლიო ღვინის რუკაზე.

„საკმაოდ მნიშვნელოვანი კონკურსი ჩატარდა საქართველოში. ვფიქრობ, შარშანდელმა წარმატებამ განაპირობა ის რომ, წელს უკვე მეორედ ტარდება ეს კონკურსი. IWSC-ს ჯილდო შედის მსოფლიო ჯილდოების ტოპ სამეულში. შესაბამისად, იმ კომპანიებისთვის, რომელიც ეს დაიმსახურეს, საკმაოდ დიდი წარმატებაა და კიდევ ერთი წინ გადადგმული ნაბიჯი უცხოეთის ბაზრებზე გასასვლელად. ის განსაკუთრებით პრესტიჟულია აშშ-ის, დიდი ბრიტანეთისა და ევროპის ბაზრებზე“, – მიაჩნია ღვინის ეროვნული სააგენტოს თავმჯდომარეს ლევან მეხუზლას.

„წელს კონკურსმა რეგიონული სახე მიიღო, ინტერესი გამოიჩინეს და მონაწილეობა მიიღეს, როგორც სომხურმა, ასევე, აზერბაიჯანულმა ღვინის მწარმოებელმა კომპანიებმა. მომავალ წელს იგეგმება კონკურსის გაფართოება რეგიონის ჭრილში, შესაბამისად, კონკურსი კიდევ უფრო მეტ ქვეყანას მოიცავს. ეს ცხადყოფს კიდევ ერთხელ იმას, რომ საქართველო არის ღვინის სამშობლო, შესაბამისად, აქ უნდა მოხდეს ამ რეგიონში არსებული ღვინოების კონცენტრირება“, – განმარტავს დარგობრივი ეკონომიკისა და ეკონომიკური პოლიტიკის თავმჯდომარე, დავით სონღულაშვილი.

„ვიყავი წარმოდგენილი 4 პოზიციით. ავიღეთ 1 ოქრო, 1 ვერცხლი და 2 ბრინჯაო. ჩვენი კომპანიისთვის ეს ძალიან დიდი წარმატებაა. 2 წელია, რაც დავიწყეთ ფუნქციონირება, სასიხარულოა, რომ ამ მოკლე დროში და ასეთი მნიშვნელოვანი კონკურსის პირობებში შევძელით 4 მედლის მოპოვება. ბუნებრივია, ეს ძალიან დიდი სტიმულია და უფრო მეტი გაათმაგებული ენერგიით გავაგრძელებთ ჩვენს საქმიანობას“, – აღნიშნავს ერთ-ერთი გამარჯვებული, მეღვინეობა „ბრიცას“ დამფუძნებელი გიორგი ჩივიაშვილი.

„4 ოქრო, 4 ვერცხლი, 4 ბრინჯაო – საკმაოდ დიდი წარმატებაა ჩვენთვის. წელს პირველად ვმონაწილეობდით კონკურსში და ასეთი წარმატება საკმაოდ მნიშვნელოვანია. განსაკუთრებით მაშინ, როცა შენს პროდუქტს ასეთი გამოცდილი ექსპერტები აფასებენ. ფერი, არომატი, ტექნოლოგია და ხარისხი – ეს ის ძირითადი კრიტერიუმები იყო, რასაც დეგუსტაციის დროს ყველაზე დიდი ყურადღება ექცევა,“ – გვითხრა „მილდიანის“ დამფუძნებელმა ელდარ მილდიანმა.

შეგახსენებთ, რომ ღვინის საერთაშორისო კონკურსის მსაჯების გუნდს, რომელიც საქართველოს ესტუმრა, ჟიურის თავმჯდომარე, ღვინის აღიარებული მაგისტრი Cata d’Or-ის პრეზიდენტი და United Cellars-ის გლობალური კონსულტანტი ალისტერ კუპერი ხელმძღვანელობს. ალისტერს შეუერთდnen საერთაშორისო მსაჯები – ღვინის ბაიერები, უფროსი სომელიეები და ღვინის კონსულტანტები. ჟიურის წევრები არიან: სალვატორე კასტანო – 2021 წლის ევროპის საუკეთესო სომელიე და სავაჭრო მრჩეველი „Fiarwood”-დან, მელანია ბეტისტონი, რომელმაც 2022 წელს ევროპის საუკეთესო ახალგაზრდა სომელიეს ტიტული მოიპოვა და „ჰარბორის“ ტოპ 25 სომელიეთა შორისაა, ქეთ ლომაქსი – “The Drinks Business”-ის მიერ დაჯილოებული წლის საუკეთესო საცალო ბაიერი, დევიდ კერმოდი – ღვინის მწერალი, BBC Breakfast-ის და Channel 5 News-ის ჟურნალისტი, ზარა სერობიანი – ღვინის ექსპერტი, Ginvino-სა და Wine Origins-ის დამფუძნებელი და აღმასრულებელი დირექტორი, გეორგიოს იორდანიდისი – ღვინის ექსპერტი ლონდონში მუშაობის 10 წლიანი გამოცდილებით, ვილ ჰილი – ღვინის ბაიერი და ემა პენმანი, უმსხვილესი ბრიტანული სუპერმაკეტების ქსელის Waitrose & Partners-ის ღვინის ბაიერი.

IWSC-ის ღვინის საერთაშორისო კონკურსის ჟიურის ადგილობრივი მსაჯები ღვინის სფეროს პროფესიონალები არიან: ღვინის ეროვნული სააგენტოს თავმჯდომარე ლევან მეხუზლა, ღვინის ეროვნული სააგენტოს სადეგუსტაციო კომისიის თავმჯდომარე ანა გოდაბრელიძე, საქართველოს 2020-2021 წლების ჩემპიონი სომელიე ჯაბა ძიმისტარიშვილი, პროფესორი, ენოლოგი მარიამ ხომასურიძე და ღვინის ექსპერტი მაგდა სურგულაძე.

საქართველოში ღვინის საერთაშორისო კონკურსის IWSC 2024 Wine Judging in Georgia-ს ორგანიზატორია გურჯაანის ღვინის ფესტივალი. ღონისძიების მხარდამჭერები არიან: ღვინის ეროვნული სააგენტო, ტურიზმის ეროვნული ადმინისტრაცია, ჯეპრა და გურჯაანის მუნიციპალიტეტის მერია. ხოლო სპონსორები „თელიანი ველი“ და „საქართველოს ბანკი“.

IWSC-ის ჟიური კონკურსის შესახებ

IWSC 2024 Wine Judging in Georgia-ს ჟიურის წევრები კონკურსის შესახებ საუბრობენ:

სალვატორე კასტანო: გასაოცარია თუ რამხელა პოტენციალი შეიძლება ჰქოდეს ასეთ პატარა ქვეყანას

წარმოშობით სიცილიელი სალვატორე კასტანოს ყოველთვის ჰქონდა ღრმა ინტერესი ღვინისა და ალკოჰოლური სასმელების მიმართ. ცოდნის გასაღრმავებლად მან გაიარა კურსები, მიიღო ღვინის მაგისტრის წოდება, ამჟამად კი არის Fiarwood-ის ღვინის „ბაიერი“ და სავაჭრო მრჩეველი.

სალვატორე კასტანო 2021 წელს გახდა ევროპისა და აფრიკის საუკეთესო სომელიე, 2019 წელს ინგლისის მეორე ახალგაზრდა სომელიე და 2018 იტალიის მესამე საუკეთესო სომელიე. ის წელსაც IWSC Wine Judging in Georgia-ს ჟიურის უცვლელი წევრია, რომელიც 2023 წლის 28-30 ნოემბერს კახეთში გაიმართება, საზეიმო დაჯილდოებას კი საქართველო 1 დეკემბერს უმასპინძლებს.

სალვატორე, სიცილიის ღვინის  მდიდარ მემკვიდრეობაში გაზრდა და  ღვინის გლობალურ ინდუსტრიაში საკუთარი თავის დამკვიდრება არ არის პატარა მიღწევა. როგორ იმოქმედა თქვენმა სიცილიურმა წარმომავლობამ თქვენს პროფესიულ მიღწევებზე?

მოგეხსენებათ, სიციალიაზე საერთაშორისო ღვინოების პოვნა ძალიან რთულია, ამიტომ ჩემი ცოდნა ყოველთვის მხოლოდ იტალიური წარმოების ღვინოებით შემოიფარგლებოდა, თუმცა როგორც კი ლონდონში ჩავედი, აღმოვაჩინე ახალი სამყარო, სავსე მრავალფეროვანი ღვინით მსოფლიოს ნებისმიერი კუთხიდან. სწორედ, აქედან დაიწყო ჩემი თავგადასავალი ღვინის „უძირო“ინდუსტრიაში.

თქვენ წელსაც ხართ IWSC Wine Judging საქართველოში კონკურსის ჟიურის წევრი. როგორ შეაფასებდით გასულ წელს წარდგენილ ღვინოებს და რა იახლეებს ელით?

გასულ წელს აღმოვაჩინე ქართული ღვინის ხარისხი და მრავალფეროვნება. გასაოცარია, თუ რამხელა პოტენციალი შეიძლება ჰქონდეს ასეთ პატარა ქვეყანას. რა თქმა უნდა, იყვნენ ისეთი მწარმოებლებიც, რომლებმაც მედალი ვერ მიიღეს, თუმცა მე მჯერა, რომ გაითვალისწინებენ ყველა იმ რეკომენდაციას, რომელიც IWSC-ს ჟიურიმ მივეცით და წელს ბევრად უფრო გაუმჯობესებული გემოებით წარდგებიან.

ალენ დიუკასის ერთ-ერთ რესტორანში, “Dorchester”-ში მუშაობა გარდამტეხი გამოცდილება აღმოჩნდა თქვენთვის, განსაკუთრებით კი ღვინისა და უმაღლესი კლასის კერძების ერთმანეთთან შეხამების მხრივ. რა როლი ითამაშა ამ გამოცდილებამ თქვენს კარიერულ ზრდაში?

ახალგაზრდა სომელიესთვის, მიშელინის ვარსკვლავის მქონე რესტორანში მუშაობა, ალბათ, ყველაზე დიდი მიღწევაა. ჩემი ცოდნა ფრანგულ ღვინოებში ერთი ორად გაიზარდა. რაც შეეხება ღვინის შერჩევას კერძებისთვის, ეს ნაწილი ყოველთვის სომელიეების დანიშნულების ყველაზე სახალისო ნაწილია. ყოველდღე, სახლშიც კი, ვცდილობ ექსპერიმენტები ჩავატარო, რადგან ჩემთვის ღვინის/სასმელის საკვებთან შეხამებას მკაცრი წესები არ აქვს.

როგორც სავაჭრო მრჩეველი და ღვინის „ბაიერი“ Friarwood Fine Wines-ში, რა კრიტერიუმებს ანიჭებთ პრიორიტეტს კლიენტისთვის ღვინის შერჩევისას?

 კრიტერიუმები, რომლებსაც პრიორიტეტად ვანიჭებ, ასეთია:

  • პროდუქტის ხარისხი;
  • ღვინის ფასი;
  • რამდენად მარტივია ამ კონკრეტული ღვინის გაყიდვა?
  • იცის თუ არა მყიდველმა კონკრეტული ყურძნის ჯიში?
  • ბაზრის მოთხოვნა;
  • წელიწადის დრო.

საქართველო ცნობილია მეღვინეობის უძველესი ტექნიკით, განსაკუთრებით ქვევრის ღვინის დაყენებით. როგორ შეესაბამება ამ ტრადიციულ ღვინო ღვინის წარმოების თანამედროვე ტენდენციები?

დღესდღეობით ღვინის დაწურვის უძველესი ტექნიკები უფრო და უფრო პოპულარული ხდება. ხალხს უყვარს ღვინო მინიმალური ჩარევებით, დაბალი სულფიტებით, ნატურალური ყურძნით და ეს ყველაფერი სწორედაც რომ ქართულ ღვინოშია თავმოყრილი. მე მჯერა, რომ საქართველოს ექნება დიდებული მომავალი ღვინის ინდუსტრიაში, არა მხოლოდ ისტორიის გამო, არამედ წარმოებული ღვინოების ხარისხის გამო. უკეთესი ქვევრის ღვინო საქართველოს გარეთ არასდროს გამისინჯავს!

როგორც ღვინის მსაჯი მსოფლიოს მრავალ სხვადასხვა რეგიონში, შეგიმჩნევიათ თუ არა რაიმე განვითარებადი ტენდენციები ან შესაძლებლობები, რომელიც საერთაშორისო ბაზარზე მეტ ყურადღებას იმსახურებს?

ამ ბოლო დროს მოლდავეთის ტკბილი ღვინოები გავსინჯე და ხარისხით გაოცებული დავრჩი, კიდევ უფრო გავოცდი მისი ფასით. ყოველდღე ვიგებთ ახალ-ახალი ღვინის შესახებ, ბევრი ქვეყანა ახლა იწყებს ხარისხიანი ღვინის წარმოებას.

შარშანდელ შთამბეჭდავ კონკურსზე საქართველომ მიიღო მრავალი მედალი, მათ შორის ოქრო, ვერცხლი და ბრინჯაო. როგორ ფიქრობთ, ზრდის თუ არა შარშანდელი შედეგები წლევანდელი კონკურსის სტანდარტებს. იქნება თუ არა ჟიური უფრო მკაცრი?

დარწმუნებული ვარ, წელს ხარისხი და დონე უფრო მაღალი იქნება, რაც, როგორც იტყვიან, „გაგვიადვილებს ცხოვრებას“. ასევე მჯერა, რომ წელს ქართველი მეღვინეები საოცარ ღვინოებს წარადგენენ, მოუთმენლად ველი გავიცნო ქართული მემკვიდრეობის კიდევ რამდენიმე ძეგლი.

მელანია ბეტისტონი: მინდა სუფთა ფურცლიდან დავიწყო და მოვუსმინო, ვისწავლო ქართველი მეღვინეებისგან და ამით ჩემს ცოდნას რაიმე ახალი შევმატო

ალბათ, ერთხელ მაინც ყველასთვის უთქვამთ – „მიჰყევი საკუთარ ინსტიქტებს“. იტალიაში დაბადებულ მელანია ბეტისტონს დედისგან მუდმივად ესმოდა ეს სიტყვები. სწორედ, ამიტომ ენდო თავის ინსტიქტებს და მარკეტინგის შესწავლის შემდეგ შეიცვალა პროფესია WSET-ის (Wine & Spirit Education Trust) მიმართულებით და სომელიეს სამაგისტრო პროგრამაზე გადავიდა.

ახლა ის უკვე უფროსი სომელიეაა, უფრო მეტიც მან 2022 წელს გაიმარჯვა ახალგაზრდა სომელიეების კონკურსში და დიდ ბრიტანეთში „ჰარპერის“ ტოპ 25 სომელიიათა რიგში ადგილი დაიკავა.

მელანია წელს IWSC Wine Judging in Georgia 2024 – ღვინის საერთაშორისო კონკურსში ჟიურის წევრია, რომელიც 2023 წლის 28-30 ნოემბერს კახეთში გაიმართება, საზეიმო დაჯილდოებას კი საქართველო 1 დეკემბერს უმასპინძლებს.

მელანია, თქვენი უნიკალური გამოცდილების ნაწილია ტრადიციული და თანამედროვე ელემენტებით დამზადებული ღვინოების დეგუსტაცია. განსაკუთრებით რის აღმოჩენას ელით განსაკუთრებით IWSC Wine Judging in Georgia კონკურსზე წარდგენილ ღვინოებში?

მსურს ვიპოვო საქართველოს განსაკუთრებული გემო, მოუთმენლად ველი მის აღმოჩენას. ღვინის ინდუსტრიის ბუნებრივმა განვითარებამ და მისმა ისტორიამ ქართულ ღვინოს გარკვეული სტატუსი მიანიჭა, თუმცა, მაინტერესებს, დარჩება თუ არა ის ავთენტურობისა და ძირძველი მემკვიდრეობის ჩარჩოებში, თუ უარს იტყვის თავის უნიკალურ მახასიათებლებზე კომერციული მოთხოვნების დასაკმაყოფილებლად.

თქვენი კარიერული თავგადასავალი, ცხოვრებისეული გატაცებისკენ სწრაფვა და მარკეტინგიდან ღვინის ინდუსტრიაში გადასვლა, ნამდვილად შთამაგონებელია. როგორ აისახება თქვენი გამოცდილება მარკეტინგის სფეროში თქვენს ამჟამინდელ პროფესიაზე, როგორც მთავარი სომელიე, ღვინის ბაიერი და ახლა, როგორც IWSC Wine Judging-ის მსაჯი?

ვცდილობ ჩემი ძველი პროფესია გამოვიყენო მეღვინეობის სფეროში. გაგიკვირდებათ, მაგრამ ამ ინდუსტრიაში მარკეტინგი ხელახლა აღმოვაჩინე. კომუნიკაციას აქვს და ყოველთვის ექნება ყველაზე დიდი გავლენა, როდესაც საქმე ბრენდს ან, ზოგადად, რეგიონს ეხება.

სიტყვებს „საქართველო ღვინის სამშობლოა“ რაღაც განსხვავებული, ღრმა გაგება და ეფექტი აქვს. მაგრამ, ვფიქრობ, რომ საქართველოს ასეთი პოზიციონირება ნელ-ნელა მოძველდა, სწორედ ამიტომ ჩამოვდივარ საქართველოში, რათა გადავფურცლო ამ ძირძველი ისტორიის „ახალი ფურცლები“.

2022 წელი თქვენთვის საკმაოდ მნიშვნელოვანი წელი იყო. რადგან ახალგაზრდა სომელიეების კონკურსში გაიმარჯვეთ და გაერთიანებული სამეფოში ჰარპერის 25 საუკეთესო სომელიათა რიგში მოხვდით. რა რჩევებს მისცემდით ახალგაზრდა სომელიეებს, რომლებიც ისწრაფვიან ასეთივე მომავლისკენ?

მე მჯერა, რომ ჯილდო სულაც არ განსაზღვრავს პროფესიონალიზმს, განსაკუთრებით როცა საქმე ღვინოს ეხება. კონკურსები მხოლოდ აისბერგის მწვერვალია, რასაც ფართო საზოგადოება ხედავს. მთავარი სამუშაო გამოცდილება ბევრად ღრმად  ფესვებში ჩადის.

იმისთვის, რომ გახდეთ გამოცდილი ღვინის მსაჯი, რა თქმა უნდა, უნდა იცოდეთ ყურძნის ჯიშების გარჩევა და წარმოშობა, რაც ნიშნავს, რომ უნდა იშრომოთ, დასვათ კითხვები, იმსჯელოთ თანატოლებთან ერთად.

თუმცა, თქვენ ასევე უნდა იყოთ კარგი კომუნიკატორი და შეგეძლოთ მწერლობაც. აუცლებლად, გაითვალისწინეთ ექსპერტების რჩევები, თვენდავე სასარგებლოდ გამოგადგებათ მომავალში მსაჯობისას. თქვენ უნდა იყოთ გულწრფელები და კრიტიკულები, როცა საჭიროა არ შეგეშინდეთ თქვენი აზრის დაცვა ან სხვისი აზრის წინააღმდეგ წასვლა. უპირველეს ყოვლისა, იყავით ობიექტურები.

როგორია თქვენი მოლოდინი კავკასიის რეგიონის ღვინოებზე? და როგორ წარმოგიდგენიათ IWSC Wine Judging in Georgia-ს გავლენა ქართული ღვინის ინდუსტრიაზე?

საქართველოში კლიმატი ძალიან მრავალფეროვანია. მშრალი აღმოსავლეთი ერწყმის გრილ და ნოტიო დასავლეთს, რასაც ემატება კავკასიის მთების ჰავა და ათასობით მდინარე, ეს ყველაფერი ღვინის გასაოცარ გემოებს ქმნის. მე დარწმუნებული ქართული ღვინოს არ ექნება კლასიკური დასავლურ ევროპული გემო, ამიტომ ველოდები მარტივ თუმცა ავთენტურ გემოებს. ვფირობ ღვინოებს ექნებათ ალკოჰოლის მაღალი დონე და მკვეთრი სურნელი.

მელანია, თუ გავითვალისწინებთ საქართველოს ღვინის წარმოების მდიდარ 8000-წლიან ისტორიას, რას ელით ყველაზე მეტად საქართველოსგან?

საოცრად მხიბლავს კავშირი ღვინოსა და ისტორიას შორის. როგორც იტალიელი, ვაზის ბევრი ჯიში ვიცი, თუმცა მოუთმენლად ველი გავიცნო და დავაგემოვნო  500 ქართული ადგილობრივი ყურძნის ჯიშისგან წარმოებული ღვინოები, ასევე, ზოგადად,  გემოები კავკასიის რეგიონიდან.ასევე მე სიამოვნებით გავიცნობ ტრადიციულ ქვევრის ღვინოს.

საქართველო ამაყობს თავისი ღვინის მემკვიდრეობით, ადგილობრივი ექსპერტები და მოყვარულები აფასებენ თავიანთ ღვინოს. როგორ ემზადებით ქართველ მეღვინეებთან შესახვედრად და მათ ღვინოებში „ჩაძირვას“

მინდა სუფთა ფურცლიდან დავიწყო და მოვუსმინო, ვისწავლო ქართველი მეღვინეებისგან და ამით ჩემს ცოდნას რაიმე ახალი შევმატო. ჩემი სურვილია ვკითხო მათ, როგორ გამოიყურება ქართული ღვინის მომავალი, თუ სად ხედავენ თავიანთ თავებს. დიდი სიამოვნებით მოვისმენ ისტორიებს, თუ როგორ იტოვებენ ქართველი მეღვინეები ტრადიციული ქვევრის ტექნიკას უკან და ეძებენ ახალ მიმართულებებს, რათა დააკმაყოფილონ  საერთაშორისო საბაზრო მოთხოვნილებები.

ღვინის ინდუსტრიაში თქვენი დიდი ცოდნისა და გამოცდილების გათვალისწინებით, როგორ ფიქრობთ, რითი შეიძლებ ქართული ღვინო გამოირჩეოდეს სხვა ღვინოებისგან, რომელიც გაგისინჯავთ.

ქართული ღვინოები აღარ დგას ჩრდილქვეშ, როგორც ეს ადრე იყო, თუმცა, ჯერ კიდევ არ არის ისეთი პოპულარული, რომ მკაფიო წარმოდგენა გვქონდეს რეგიონის მიერ შემოთავაზებულ ზოგად მახასიათებლებზე. მე ვიცი, რომ მცირე ზომის საოჯახო მარნები შთამბეჭდავ ღვინოებს აწარმოებენ, ისინი ცდილობენ ტექნიკის მოდერნიზებას. შესაძლოა, სწორედ ამ მცირე მეწარმეებმა, რომლებსაც ჯერ არ ვიცნობთ, ყველაზე მეტად დაიმსახურონ მსაჯების  მოწონება.

დეივიდ კერმოდი: საქართველო ღვინის მწარმოებელი ერთ-ერთი პირველი ქვეყანაა, მისი ტექნიკა კი უნიკალურია. თქვენს ქვეყანას აქვს ადგილობრივი ყურძნის ჯიშები, რომლებიც აბსოლუტურად ერგება თანამედროვე ტენდენციებს, რაც ჩემთვის ძალიან სასიხარულოა.

ინტერვიუ  ღვინის მწერალთან და BBC Breakfast-ის და Channel 5 News-ის რედაქტორთან დეივიდ კერმოდთან, რომელიც IWSC Wine Judging in Georgia-ს ჟიურის წევრი იქნება.

დეივიდ, როგორ იმოქმედა თქვენმა გამოცდილებამ მედია სფეროში, მას შემდეგ, რაც პროფესია შეიცვალეთ და ჟურნალისტიკიდან ღვინის მწერლობაზე გადახვედით?

სანამ WSET დიპლომს ავიღებდი და კარიერას ღვინის ინდუსტრიას დავუკავშირებდი, ჩემი ცხოვრების ორი ათწლეული ნიუსრუმში დატვირთული გრაფიკით გავატარე. ასეთი გამოცდილება, ვგულისხმობ ტელევიზიასა და რადიოში ყოველდღე სიახლეების წამყვანად მუშაობას, მნიშვნელოვნად მეხმარება სწრაფად ავითვისო სიახლეები და მოვძებნო საინტერესო კავშირები ღვინოსთან. გეთანხმებით, რომ ღვინო ძალიან საინტერო თემაა და ბევრ პროფესიონალთან შემიძლია გაუთავებლად საუბარი, მაგრამ უპირველეს ყოვლისა უნდა გვახსოვდეს მომხმარებელი. ჩვენ უნდა დავანახოთ მათ ღვინის მშვენიერება, ისე, რომ მათთვის მარტივად აღსაქმელი და საინტერესო გახდეს. მაგალითად, თუ დარწმუნებული ხართ, რომ აუცილებლად საჭიროა ახსენოთ ტერმინი „მალოლაქტიკური დუღილი“, ახსენეთ, მაგრამ ისიც ახსენით, თუ რას ნიშნავს ან რატომაა მნიშვნელოვანი კონკრეტულ სიტუაციაში. მომხმარებელი ყოველთვის პირველ ადგილზე დგას!

როგორც IWSC-ს მსაჯი საქართველოში, რა უნიკალურ მახასიათებლებს ელით ქართული ღვინოებისგან და სად ხედავთ მათ პოზიციონირებას ღვინის მსოფლიო ინდუსტრიაში?

ყველას უყვარს ისტორია, საქართველო კი, როგორც ღვინის ცივილიზაციის აკვანი, მდიდარია ამ ისტორიით. საქართველო მდიდარი და მომხიბვლელი ტრადიციების მატარებელია, თუმცა მისი ღვინო ინოვაციური და განსხვავებულია. ტრადიციებისა და ინოვაციების ტანდემი კი თანამედროვე მომხმარებლისთვის მნიშვნელოვან როლს თამაშობს გადაწყვეტილების მიღების პროცესში. ქართული ღვინო ასევე კარგად ერწყმის კვების კულტურას, რომელზე მოთხოვნაც მსოფლიოში კიდევ უფრო იზრდება.

აღმოგიჩენიათ თუ არა განსაკუთრებული ტექნიკა ან ინოვაცია ღვინის წარმოებაში, რომელმაც მიიპყრო ყურადღება ან ფიქრობთ, რომ გარდამტეხი შეიძლება გახდეს ინდუსტრიისთვის?

ღვინის სამყარო გასაოცარია და მუდმივად ინოვაციებს გვთავაზობს. პროვანსში წარმოებული როზე რევოლუციის კარგი მაგალითია. ეს ბუნებრივიცაა, რადგან დიდი ყურადღებაა გამახვილებული მოსავლის პირობებზე, ტემპერატურის კონტროლზე, ტექნიკის სტაბილიზაციაზე და სხვა ფაქტორებზე. ასე რომ, დახვეწილი ტექნოლოგია ბრწყინვალედ შეიძლება შეერწყას  ტრადიციული მემკვიდრეობის მეთოდებსა და ტექნიკებს, რაც, რეალურად, ჩემი მოლოდინია საქართველოში.

საქართველო ამაყობს ღვინის წარმოების მდიდარი, 8000-წლიანი ისტორიით. თქვენ, როგორც პროფესიონალი, რომელიც ინტენსიურად შეისწავლის ღვინოსა და ალკოჰოლურ სასმელებს, როგორ აღიქვამთ ქართული ღვინოების მნიშვნელობას ღვინის გლობალურ ბაზარზე?

საქართველო ღვინის მწარმოებელი ერთ-ერთი პირველი ქვეყანაა, მისი ტექნიკა კი უნიკალურია. თქვენს ქვეყანას აქვს ადგილობრივი ყურძნის ჯიშები, რომლებიც აბსოლუტურად ერგება თანამედროვე ტენდენციებს, რაც ჩემთვის ძალიან სასიხარულოა.

თქვენ გაქვთ პრივილეგია, გაიცნოთ და დააგემოვნოთ ღვინოები მთელი მსოფლიოდან. თქვენი აზრით, რით განსხვავდება ქართული ღვინოები, თავისი ტრადიციული „ქვევრის“ მეღვინეობის მეთოდებით, თანამედროვე ღვინის წარმოების ტექნიკისგან?

ქვევრის ღვინო ძალიან გამორჩეულია, მაგრამ ხშირად მომხმარებლისთვის ნარინჯისფერ ღვინოსთან ასოცირდება. თვლიან, რომ გარკვეულწილად ის რთულად აღსაქმელია  და ზედმეტ ტანინს (ბუნებრივად შექმნილი ქიმიური ნივთიერება, რომელიც ღვინოს სიმძიმეს მატებს და პირის ღრუში სიმშრალის შეგრძნებას აჩენს) შეიცავს. რეალურად კი ქვევრის ღვინოს შეუძლია მომხმარებელს შესთავაზოს განსხვავებული, სრულიად თანამედროვე სტილის გემო, რომელიც ერწყმის ტრადიციებს.

როგორც ღვინის კონსულტანტი, ხედავთ თუ არა პოტენციურ თანამშრომლობას ქართველ მეღვინეებსა და ღვინის სხვა რეგიონებს შორის?

დიახ, რა თქმა უნდა. მიუხედავად იმისა, რომ დიდ ბრიტანეთში ღვინის ბაზარი საკმაოდ დატვირთულია, თანამედროვე მომხმარებლისთვის  ქართული ღვინო მაინც წარმოადგენს ინტერესის სფეროს.

გლობალურ მარკეტზე პოზიციების გასამყარებლად საჭიროა მსუყე პორტფელის შექმნა, სადაც გადამწყვეტი მნიშვნელობა ენიჭება ჯილდოებსა და კონკურსებს, რომელშიც მონაწილეობა მიუღიათ.

და ბოლოს, როგორც IWSC-ის კონკურსის მსაჯი საქართველოში, რა რჩევებს მისცემდით ქართველ მეღვინეებს, რომლებსაც სურთ თავიანთი კვალი დატოვონ საერთაშორისო ასპარეზზე?

პირველ რიგში, ქართველმა მეღვინეებმა უნდა ისწავლონ რა მოსწონს საერთაშორისო მომხმარებელს, ასევე ვურჩევდი, რომ იამაყონ თავიანთი კულტურით და იფიქრონ იმაზე, თუ როგორ განავითარონ ქართული საკვებისა და ღვინის კულტურის ისტორია. და ყოველთვის, ყოველთვის იმუშაონ ერთად, რადგან გუნდურობა წარმატების გარანტიაა.

ქეთ ლომაქსი: იმედი მაქვს, რომ საფერავში უფრო მეტად ვიპოვი რეგიონის გამოხატულებას და მოუთმენლად ველი, რომ აღმოვაჩინო უფრო მეტი ჯიში, რომელიც გამოირჩევა მიმზიდველი არომატით, სისუფთავითა და დაყენების ტექნიკით.

ქეთ, თქვენ მნიშვნელოვანი როლი გაქვს გაერთიანებული სამეფოს  პრემიუმ ღვინის საცალო ვაჭრობაში. როგორ ჩამოაყალიბა ამ გამოცდილებამ თქვენი პერსპექტივა ღვინის ინდუსტრიის შესახებ და რას ფიქრობთ IWSC Wine Judging-ზე?

მიუხედავად იმისა, რომ უამრავ კომპანიაში მიმუშავია სხვადასხვა მიზნით, მიდგომებით თუ მომხმარებლებლების ბაზით, წარმატების გასაღები მაინც ერთია: ყოველთვის ვივიწყებ პირად აზრებს და თავს წამოვიდგენ, როგორც მომხმარებელი, რომელიც დაინტერესებულია კონკრეტული ღვინის შეძენით. მომხმარებლის მოლოდინების გამართლება და მათი სურვილების დაკმაყოფილება ნდობისა და ლოიალურობის გარანტიაა. ამიტომ, ჩემი პერსპექტივა ღვინის ინდუსტრიაზე ყოველთვის იყო და არის „მომხმარებელზე ორიენტირებული“. ეს იმას ნიშნავს, რომ როდესაც IWSC-ზე წარდგენილ ღვინოებს დავაგემოვნებ, ჩემთვის შეფასების პრიორიტეტი არის გაამართლებს თუ არა ჭიქაში არსებული ღვინო მომხმარებელთა მოლოდინს.

კონკურსზე ღვინოს სამი გზით ვაფასებ: პირველი – არის თუ არა ღვინო სუფთა, კარგად დამზადებული და ტექნიკურად გამართული. მეორე – ასახავს თუ არა ღვინო ყურძნის ძირითადი ჯიშის, წარმოშობის, ქვეყნის ან რეგიონის ხასიათს; და ბოლო – ღვინის შედარება IWSC-ის ქულების მატრიცასთან  (აკმაყოფილებს თუ არა ღვინო ბრინჯაოს, ვერცხლის ან ოქროს მედლის ღვინოების სტანდარტებს). საბოლოო ჯამში, ჩემი მიზანია დავრწმუნდე, რომ როდესაც მომხმარებელი ყიდულობს IWSC მედლის მფლობელ ღვინოს, ის არის სუფთა და გემრიელი ღვინო, რომელიც გამოხატავს ყურძნის წარმოშობის თავისებურებებს და IWSC-ის მაღალ სტანდარტებს შეესაბამება.

ქვენ წელსაც ხართ IWSC Wine Judging in Georgia-ს ჟიურის წევრი. რას გამოარჩევდით გასულ წელს დაგემოვნებულ ღვინოებში და რა მოლოდინები გაქვთ წელს?

შარშან, ჩემზე დიდი შთაბეჭდილება მოახდინა ყურძნის ჯიშების მრავალფეროვნებამ. კონკურსის ჩატარებამდე,  ძირითადად საფერავი და სპეციფიკური ქარვისფერი ღვინოები მქონდა დაგემოვნებული, სწორედ ამიტომ იყო ასე გასაოცარი ყურძნის ჯიშების სრულიად ახალი სამყაროს აღმოჩენა (მრავალწლიანი გამოცდილების შემდეგ, ეს ნამდვილად იშვიათია), ასევე შარშანდელ IWSC Wine Judging-ზე პირველად შემეცვალა შეხედულება ე.წ. „ნარინჯისფერ“ ღვინოებზე, რადგან ქართული ქვევრის ღვინის გემო, სრულიად განსხვავდება იმ ღვინოებისგან, რომელიც დიდ ბრიტანეთის რესტორნებსა და ბარებში გვხვდება.

„ქარვის“ ღვინოები, რომლებიც გასულ წელს გავსინჯე, წარმოუდგენლად სუფთა იყო და არაფერი იგრძნობოდა ქვევრში დაძველებული ყურძნის ჯიშის არომატის გარდა. ასეთი ხარისხიანი ღვინის გასინჯვის შემდეგ ჩემს ლექსიკონში „ნარინჯისფერი“ და „ქარვის“ ღვინოები ერთმანეთისგან გაიმიჯნა.

რაც შეეხება წლევანდელ კონკურსს, იმედი მაქვს, რომ საფერავში უფრო მეტად ვიპოვი  რეგიონის გამოხატულებას და მოუთმენლად ველი, რომ აღმოვაჩინო უფრო მეტი ჯიში, რომელიც გამოირჩევა  მიმზიდველი არომატით, სისუფთავითა და დაყენების ტექნიკით. 

როგორც დიდი ბრიტანეთის ღვინის ბაერი, გვითხარით ამჟამად რა ტენდენციებია ბაზარზე და ერგება თუ არა ქართული ღვინოები დიდი ბრიტანეთის ღვინის ბაზარს.

დიდი ბრიტანეთის ღვინის ბაზარზე მთელი რიგი ტენდენციები არსებობს, რომლებიც მნიშვნელოვანია ქართული ღვინისთვის, თუმცა გამოვყოფ ორ მთავარ ასპექტს, რომლებიც, ჩემი აზრით, ყველაზე დიდი შესაძლებლობა შეიძლება გახდეს. პირველი ესაა არგენტინული მალბეკი, რომელიც საკმაოდ პოპულარულია დიდი ბრიტანეთის ბაზარზე. მალბეკისა და ქართულ საფერავს მსგავსი არომატები აქვთ. არომატის გარდა მათ აქვთ ერთნაირად „სავსე“ ყურძენი, ფერი, ტანინის რაოდენობა… ამ მსგავსების გათვალისწინებით, საფერავს ბრიტანულ ბაზარზე ნამდვილად აქვს მომავალი.

მეორე მნიშვნელოვანი ასპექტია ის, რომ იზრდება ადგილობრივი ვაზის ჯიშებისა და მაღალრეგიონული ღვინოების მიმართ ინტერესი. აი, მაგალითად ავიღოთ იტალიური ღვინოები, რომელიც დღეს თითქმის ყველა მაღაზიაში იყიდება.

რამდენიმე წლის წინ, მსხვილმა საცალო მოვაჭრეებმა მაღაზიებში თაროები აავსეს სიცილიური საერთაშორისოდ აღიარებული ჯიშის (მერლოტი, შარდონე, შირაზი) ღვინოებით. თუმცა რა ხდება დღეს? ეს ჩამონათვალი მთლიანად ჩაანაცვლა ადგილობრივი ვაზის ჯიშებმა, როგორიცაა Pecorino, Primitivo, Negroamaro და Nero d’Avola და მაღალრეგიონულმა ღვინოებმა, როგორიცაა Lugana, Greco di Tufo და Etna Rosso. ეს არაჩვეულებრივი სიახლეა საქართველოსთვის, ვინაიდან ბრიტანელი მომხმარებელი დაინტერესებულია ისეთი ღვინით, რომელიც სრულიად განხვავდება კლასიკურისგან. ღვინო, რომლის გემო ჯერ ბრიტანეთს არ აღმოუჩენია.

თქვენი გამოცდილების მთავარი ფოკუსი მომხმარებელზე ორიენტირებული პროდუქტის გაყიდვა და ბრენდის განვითარებაა, მომხმარებლის პრეფერენციები კი მუდმივად ცვალებადია. როგორ ერგებით ამას?

არსებობს რამდენიმე გზა, რომლითაც ვაკვირდები მომხმარებელთა მოთხოვნილებების ცვლილებას: რეგულარულად ვსტუმრობ დიდი ბრიტანეთის ღვინის ბაზრის დიდ მაღაზიებს, რათა თვალყური ვადევნო ახალ პროდუქტებს, ეტიკეტების ტენდენციებს, ფასების სტრატეგიასა და სარეკლამო აქტივობებს; ვკითხულობ სტატიებს ღვინის ბიზნესის ყველა ასპექტზე; ყოველწლიურად ვარ ჟიურის წევრი ღვინის საერთაშორისო კონკურსებზე; ვესწრები დეგუსტაციებსა და ღვინის ბაზრობებს. ასევე ყოველთვის მაქვს დიალოგი ღვინის მწარმოებლებთან და კონტრაქტორებთან, რომლებმაც ყველაზე მეტი იციან მომხმარებელთა ქცევის შესახებ. მომხმარებლის მოლოდინებს ძალიან ფრთხილად ვეპყრობი, შედეგად, ვხვდები რისი შეძენა სურთ მათ. როგორც უკვე ვახსენე, მომხმარებელთა მოლოდინები ჩემთვის პრიორიტეტია, შესაბამისად, მომხმარებლის ცვალებადი მოთხოვნილებები ზუსტად აისახება IWSC-ზე ღვინოების შეფასებაზე.

საქართველო გამოირჩევა თავისი მრავალფეროვანი ვაზის ჯიშებით. თქვენი გამოცდილებიდან გამომდინარე, არის თუ არა რაიმე კონკრეტული სახეობა, რომელსაც, თქვენი აზრით, დიდი პოტენციალი აქვს დიდი ბრიტანეთის ბაზარზე?

როგორც უკვე აღვნიშნე, ვფიქრობ, რომ საფერავს აქვს ძლიერი კომერციული პოტენციალი დიდი ბრიტანეთის ბაზარზე. ვაზის ეს ჯიში ძალიან ჰგავს არგენტინულ მალბეკის, რომელიც უკვე მრავალი წელია წარმატებით იყიდება ბაზარზე, ამიტომ, დარწმუნებული ვარ, რომ დიდ ბრიტანეთში მომხმარებლებს მოეწონებათ ქართული ჯიშები. ვფიქრობ, რქაწითელსაც აქვს პოტენციალი. თუმცა, მარკეტინგული თვალსაზრისით ბევრია სამუშაო, რათა ეს ჯიშები ხელმისაწვდომი და დასამახსოვრებელი გახდეს (გასათვალისწინებელია, ისიც, რომ გაერთიანებული სამეფოს მომხმარებლებს არ უყვართ რთულად წარმოსათქმელი სახელები და რქაწითელი აუცილებლად მოხვდება ამ ჯგუფში). ასევე დეგუსტაციის დროს  აღმოვაჩინე ქისი და მწვანეს ზოგიერთი სახეობა, რომლებსაც, ჩემი აზრით, აქვთ კომერციალიზაციის საშუალება. მთავარი გამოწვევა მაინც ისაა, რომ წარმოება მცირეა, რაც ფართომასშტაბიან ექსპორტს შეუძლებელს ხდის.

ლუკ ჰარბორი: ქართული და კავკასიური ღვინოები, თავისი მდიდარი კულტურული მემკვიდრეობითა და გემოს მრავალფეროვნებით შეუძლია ღირსეული ადგილი დაიკავოს მსოფლიო ღვინოებს შორის, რასაც ასევე ხელს უწყობს წარმოშობის ადგილი და მეღვინეობის ისტორია.

ლუკ, თქვენი თავგადასავალი ღვინის ინდუსტრიაში ათი წლის წინ რესტორნის სამზარეულოში დაიწყო. რა გავლენა იქონია კულინარიის სფეროში გამოცდილებამ თქვენს შეხედულებებსა და სევე ღვინისა და საკვების სინერგიაზე?

რა თქმა უნდა, კულინარიულმა გამოცდილებამ დიდი როლი ითამაშა ჩემს შეხედულებებზე. ვისწავლე მეტი ღვინოების განსხვავებულ გემოებზე, ჯიშებსა და, ზოგადად, რას ნიშნავს საკვები და სასმელი ადამიანებისთვის. საკვები და ღვინო, ჩემთვის, წარმოადგენს ცხოვრების ნაწილს – მის პირველყოფილ და გასტრონომიულ ასპექტებს. ღვინოს ყოველთვის განვიხილავ კულტურულ და გეოგრაფიულ კონტექსტებში.

 როგორც ღვინის მაგისტრატურის ამჟამინდელი სტუდენტი, რა არის ყველაზე საინტერესო ცხოვრების ამ გზაზე და რა როლი გაქვთ, როგორც IWSC-ის ჟიურის წევრს?

ღვინის სამაგისტრო პროგრამის სტუდენტობა საოცარი გამოწვევაა ჩემთვის. პროგრამის პირველი ეტაპის დახურვის შემდეგ დროებით შევაჩერე სწავლა. ჩემი მიზანი გავხდე ღვინის მაგისტრი უცვლელად რჩება, ეს დროებითი პაუზა კი საშუალებას მაძლევს დავფიქრდე უკვე მიღებულ გამოცდილებაზე.

თქვენი გამოცდილებისა და განათლების გათვალისწინებით ღვინის სფეროში, რა უნიკალური თვისებების ან მახასიათებლების აღმოჩენას ელოდებით ქართული ღვინოებიდან IWSC Wine Judging-ზე?

მოუთმენლად ველი ქართული ღვინის უნიკალური თვისებებისა და მახასიათებლების აღმოჩენას IWSC Wine Judging-ზე. ყველაზე მეტად ეტიკეტებს მიღმა არსებული ისტორიების მოსმენა, ადგილობრივ ქართულ ვაზის ჯიშებზე დაკვირვება და ქვევრის ტექნიკით ღვინის დაყენების შესწავლა მსურს. მოუთმენლად ველი, დავინახო თანამედროვე ქართული მეღვინეობის ზოგადი სურათი.

უფროსი სომელიეს პოზიციაზე ყოფნა, გულისხმობს ღვინის ფართო არჩევნის კურირებას. როგორ უზრუნველყობთ მაღალი ხარისხის დაცვასა და მომხმარებლის მოთხოვნილებების ერთდოულად დაკმაყოფილებას?

როდესაც საქმე ღვინის არჩევას ეხება, რამდენიმე მიმართულებით ვფოკუსირდებით, ესენია: ოჯახური და მცირე მეწარმეების მხარდაჭერა, ღვინის ისტორია, მდგრადობის სერთიფიკატები და ღირებულება ფასის მიხედვით. ჩვენ აქცენტს ვაკეთებთ ურთიეთობების ჩამოყალიბებაზე, დამფუძნებელთა ნდობასა და საერთო ღირებულებებზე. თითოეული ღვინო PIG სასტუმროდან აღიარებულია სომელიეების მხრიდან.

როგორ ხედავთ ქართული და კავკასიურ ღვინოების პოზიციონირება მუდმივად განვითარებად ღვინის გლობალურ ბაზარზე?

 მიუხედავად იმისა, რომ მუდმივად განვითარებად ღვინის ინდუსტრიაში ახალი ტენდენციების პროგნოზირება რთულია, მე მაინც ჩვენი ღირებულებების ერთგულად დარჩენა მირჩევნია, ვიდრე ტენდენციების ბრმად მიყოლა. ღვინო, რომლის გემოში იგრძნობა მისი უნიკალური ადგილმდებარეობა, ღრმად გააზრებული დაყენების ტექნიკა და მდგრადობისადმი ერთგულება, მომავალში უფრო პოპულარული გახდება.

ქართული და კავკასიური ღვინოები, თავისი მდიდარი კულტურული მემკვიდრეობითა და გემოს მრავალფეროვნებით შეუძლია  ღირსეული ადგილი დაიკავოს მსოფლიო ღვინოებს შორის, რასაც ასევე ხელს უწყობს წარმოშობის ადგილი და მეღვინეობის ისტორია. მიუხედავად იმისა, რომ ქართული ღვინო მალე ვერ ვერ მოიპოვებს ისეთ პოპულარობას, როგორიც ახალ ზელანდიური სოვინიონ ბლანს აქვს, ქართული ღვინოები ნამდვილად იმსახურებენ მნიშვნელოვან ადგილს საერთაშორისო ბაზარზე.