ავტორი: nuca galumashvili

28 ოქრო, 113 ვერცხლი და 177 ბრინჯაო – ასეთი რეკორდული შედეგით დასრულდა ღვინის საერთაშორისო კონკურსი IWSC Wine and Spirits Judging in Geogia, რომელშიც 150 კომპანიის 420 ღვინო და სპირტიანი სასმელი იყო წარმოდგენილი. მნიშვნელოვანია, რომ წელს მწარმოებლებს ღვინის პროდუქციის გარდა, ჭაჭის, ბრენდისა და სხვა მაღალალკოჰოლური სასმელების კონკურსზე წარდგენის შესაძლებლობაც მიეცათ.

საქართველოში წარმოებულ ღვინოებთან ერთად კონკურსზე სომხეთის 24 კომპანიის 52 ღვინო და სპირტიანი სასმელიც იყო წარმოდგენილი.

ქართულ საკონკურსო ნიმუშებს რეკორდული რაოდენობის 24 ოქროს მედალი გადაეცათ, მათ შორის, 22 ღვინოს და 2 ბრენდის, ხოლო ვერცხლის მედალი 109 ღვინოსა და 4 სპირტიან სასმელს ერგო. როგორც კონკურსის ორგანიზატორები განმარტავენ, შარშანდელთან შედარებით როგორც ოქროს, ასევე ვერცხლის მედლების რაოდენობა 36-36%-ით არის გაზრდილი, ხოლო 2022 წელთან მიმართებაში ვერცხლის მედლის მფლობელთა მაჩვენებელი, ფაქტობრივად, გაორმაგებულია.

საერთაშორიოს კონკურსის მსაჯების გუნდს ქართული ღვინის ცნობილი ექსპერტი და პოპულარიზატორი დიდ ბრიტანეთსა და ევროპაში, ღვინის მაგისტრი სარა ებოტი ხელმძღვანელობდა.

IWSC 2025 Wine & Spirits Judging in Georgia-ს გენერალური სპონსორია საქართველოს ბანკი ბიზნესი, ოფიციალური სპონსორი მეღვინეობა თელიანი ველი. კონკურსის მხარდამჭერები: ღვინის ეროვნული სააგენტო, ტურიზმის ეროვნული ადმინისტრაცია, გურჯაანის მუნიციპალიტეტის მერია და ჯეპრა.

კონკურსის მედია პარტნიორები: ბიზნესპარტნიორი, ბიზნესი რუსთავი 2, ბიზნესპოსტი, Ipress.ge, newsday.ge, bp.ge, cbw.ge, entrepreneur.com, კომერსანტი, რადიო უცნობი, Businesinsider.ge

IWSC-ის წარმომადგენელებმა, ადგილობრივ გუნდთან ერთად კონკურსის მოსამზადებელი სამუშაოები დაიწყო!

კონკურსი თბილისში ისტორიულ შენობაში, “ღვინის ქარხანა N1”-ში ჩატარდება. IWSC 2025 Wine & Spirits Judging in Georgia კონკურსის დაწყებამდე 1 დღე დარჩა! შეგახსენებთ, რომ IWSC (International Wines and Spirits Competition) საქართველოში რიგით მესამე კონკურს ჩაატარებს.

IWSC 2025 Wine & Spirits Judging in Georgia, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით, 2024 წლის 27 ნოემბრიდან 1 დეკემბრამდე თბილისში გაიმართება. ტრადიციისამებრ, IWSC-ი საქართველოში საერთაშორისო მსაჯთა ვარსკვლავურ გუნდით წარდგება, რომელთა გამოცდილებითა და ცოდნით, კონკურსი უმაღლესი სტანდარტების დაცვით ჩატარდება.

IWSC 2025 Wine & Spirits Judging in Georgia გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით 2024 წლის 27 ნოემბრიდან 1 დეკემბრამდე თბილისში გაიმართება.

კონკურსის ფარგლებში ინგლისელი ღვინის ბაიერი ჰარი ქროუსერი პირველად ესტუმრება საქართველოს, მანამდე კი გვიზიარებ თავის მოლოდინებს.

– როგორც ღვინის ბაიერი, სპეციალიზებული პერსონალიზებული ღვინის შერჩევაში, როგორ ფიქრობთ, რა გავლენა ექნება თქვენს გამოცდილებას IWSC-ის კონკურსში ჟიურიდ ყოფნაზე? 

კარგი კითხვაა. ჩემი სამუშაოს ინდივიდუალური ხასიათი მდგომარეობს იმაში, რომ შევარჩიო სწორი ღვინოები სწორი მომხმარებლისთვის. ასე რომ, როდესაც ვაგემოვნებ და ვაფასებ ღვინოებს საქართველოდან, მე ყოველთვის ვფიქრობ ჩემი მომხმარებლების გემოვნებაზე. ვფიქრობ კონკრეტული ღვინო შესაფერისია თუ არა ჩემი მომხმარებლებისთვის და, შესაბამისად, ბრიტანეთის ბაზრისთვის.

– თქვენ სხვადასხვა დროს მუშაობდით ისეთ ქვეყნებში, სადაც მეღვინეობა მაღალ დონეზეა განვითარებული, ახალ ზელანდიაში, პორტუგალიასა და დოუროს ველზე… როგორ იმოქმედებს ამ მრავალფეროვანი პრაქტიკული გამოცდილების ქონა ქართული ღვინოების შეფასებაზე?

ვფიქრობ, ამ გამოცდილებამ მომცა შესაძლებლობა შევხედო მეღვინეობებს სხვადასხვა პერსპექტივიდან. სანამ საუბარს დავიწყებ არომატებსა და გემოზე, ჩემთვის ნომერ პირველი შეფასების კრიტერიუმი არის სისუფთავე, არის თუ არა ამ მხრივ ნაკლოვანებები და ა.შ. ვიცი, რომ ქართული ღვინო საკმაოდ ბუნებრივი სტილით გამოირჩევა, ამიტომ ჩემი ეს ცოდნა ღვინის სისუფთავის შესახებ, კარგად დამეხმარება.

– მშვენიერი…. თქვენ მუშაობდით ისეთ პრესტიჟულ ადგილებში, როგორიცაა Hedonism და M რესტორნების ქსელი. რა გავლენა იქონია ამ გამოცდილებამ ღვინის ხარისხსა და მომხმარებლის მოთხოვნილებების გაგებაში?

დიახ, ეს კარგი კითხვაა. ამ გამოცდილებამ საშუალება მომცა დავინახო ორი ძალიან განსხვავებული გარემო. Hedonism გვთავაზობს უმაღლესი ხარისხის იშვიათ ღვინოებს, თუმცა აქ წარმოდგენილი ღვინოები არ ასახავს რეალურ ბრიტანულ ბაზარს. მეორე მხრივ, M რესტორნების ქსელი უფრო მეტად ასახავს რეალურ ბაზარს. 

– როგორც საკონსულტაციო კომპანიის დამფუძნებელი, რომელიც ფოკუსირებულია ღვინის მომგებიანობაზე სავაჭრო სექტორში, ღვინის რომელ ასპექტებს მიიჩნევთ წარმატებისთვის გადამწყვეტად? როგორ შეიძლება მოერგოს ქართული ღვინოები, თავიანთი უნიკალური მახასიათებლებითა და უძველესი ტრადიციებით დღევანდელ ბაზარს?

საინტერესო კითხვაა. პირველ რიგში, ქართული ღვინის უძველესი მემკვიდრეობა ნიშნავს, რომ, როგორც ყველაფერში, აქაც ბევრი ისტორიაა შემორჩენილი და მოსაყოლი…

რა ასპექტებს მივიჩნევ გადამწყვეტად ღვინის წარმატებისთვის? ვფიქრობ, შეფუთვა უკიდურესად მნიშვნელოვანია. იმის მიხედვით, რაც მე მინახავს, ვფიქრობ შეფუთვისა და მარკეტინგის მიმართულებით ქართული ღვინის ინდუსტრიას სამუშაო აქვს. საბედნიეროდ, არსებობენ ადამიანები, მათ შორის ზოგიერთი ძალიან გავლენიანი ღვინის მაგისტრიც, რომლებიც ფოკუსირებულნი არიან საქართველოს ღვინოების მარკეტინგის განვითარებაზე. შეფუთვა გადამწყვეტია, განსაკუთრებით ელექტრონული კომერციის გარემოში, რომელშიც მე ვმუშაობ დღესდღეობით. 

– როგორც IWSC-ის ჟიურის ახალი წევრი საქართველოში, რა იქნება თქვენი წილი კონკურში ღვინის შეფასების პროცესში?

სიმართლე გითხრათ, არ ვიცი. ვფიქრობ, ჩემს წინა პასუხს თუ დავუბრუნდებით მეღვინეობის შესახებ, წარმოების პერსპექტივიდან მე მაქვს კონკრეტული გამოცდილება, რომელიც შეიძლება უფრო ფართო იყოს, ვიდრე სხვა მსაჯების. ასვევე, როგორც ახალი მსაჯი, შემიძლია ზოგად სურათს სრულიად ახალი თვალით შევხედო.

– დიახ, ჩვენ ძალიან გვიხარია, რომ თქვენ ამ საქმის ნაწილი ხართ. თქვენ გაქვთ, როგორც ტრადიციულ, ისე ახალ ღვინოებთან მუშაობის გამოცდილება. როგორ უდგებით ისეთი ქვეყნის ღვინოების შეფასებას, რომელსაც აქვს უძველესი მეღვინეობის ტრადიცია, როგორიცაა საქართველო?

საქართველო უძველესი ქვეყანაა, ამიტომ ვფიქრობ, ამ საქმეში დიდი დაკვირვება მომეთხოვება. ბევრი საქმე კეთდება ამ ღვინოების მოდერნიზაციისთვის. ნამდვილად გასათვალისწინებელია ისიც, თუ რას აკეთებს კარგად ახალი “სამყარო”, რადგან ბევრი რეგიონი საკმაოდ პროგრესულია. საბოლოო ჯამში, საქმე ეხება ძველსა და ახალს შორის ბალანსის პოვნას, ორივე ისტორიის მოყოლას.

 

IWSC (International Wines and Spirits Competition) საქართველოში რიგით მესამე კონკურს ჩაატარებს. კონკურსი 2024 წლის 27 ნოემბრიდან 1 დეკემბრამდე თბილისში, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით გაიმართება. ტრადიციისამებრ, IWSC საქართველოში საერთაშორისო მსაჯთა ვარსკვლავურ გუნდს ჩამოიყვანს, რომელთა გამოცდილებითა და ცოდნით, კონკურსი უმაღლესი სტანდარტების დაცვით ჩატარდება. საქართველოს უნიკალური ღვინოების გარდა, წელს პირველად IWSC-ს საერთაშორისო კონკურსს სპირტიანი სასმელების კატეგორია დაემატება.

ყველაფერი კი ასე დაიწყო:

2022 წელს, “გურჯაანის ღვინის ფესტივალმა” მსოფლიოში ყველაზე ავტორიტეტული ღვინის საერთაშორისო კონკურსის International Wine & Spirit Competition (IWSC) საქართველოში ჩატარების ლიცენზია მოიპოვა და ღვინის ეროვნული სააგენტოს მხარდაჭერით, პირველად საქართველოში IWSC Wine Judging in Georgia გაიმართა. მნიშვნელოვანია, რომ ეს კონკურსი პირველად ევროპაში და მეორედ მსოფლიოში (სამხრეთ აფრიკის შემდეგ) დიდი ბრიტანეთის ფარგლებს გარეთ საქართველოში ჩატარდა.

IWSC Wine Judging in Georgia 2022 წლის ოქტომბერში გაიმართა და კონკურსში უპრეცედენტოდ მაღალი რაოდენობის ღვინო დარეგისტრირდა – საკუთარი პროდუქცია 152-მა მწარმოებელმა, ჯამში 487 ღვინის ნიმუში, წარმოადგინა. საქართველოში ჩატარებულ კონკურსებს შორის ეს იყო რეკორდული მაჩვენებელი. აღსანიშნავია, რომ IWSC-მა საქართველოდან ბოლო წლების განმავლობაში სულ 56 საკონკურსო ღვინო მიიღო, თუმცა მას შემდეგ რაც, კონკურსი ქვეყნის ფარგლებს შიგნით დაანონსდა, ეს რიცხვი 750%-ით გაიზარდა.

IWSC Wine Judging in Georgia, 2023-ის კონკურსზე ჟიურიმ გამოავლინა 16 ოქრო, 63 ვერცხლი და 209 ბრინჯაო.

“კონკურსის შედეგები გაშუქდა ავტორიტეტულ ღვინის გამოცემებში და სოციალურ მედიაში. მათ შორის, მსაჯების სტატიების სახით. IWSC-იმ კონკურსის ფარგლებში ჩვენს მიერ მომზადებული ფილმი საკუთარ ვებგვერდზე გამოაქვეყნა. ხოლო ჟიურის თავმჯდომარემ, აღიარებულმა და ავტორიტეტულმა ღვინის მაგისტრმა, სარა ებოტმა, თავის ვრცელ სტატიაში, დეტალურად მიმოიხილა კონკურსის შედეგები,” – წინ წლების მიღწევებზე საუბრობენ კონკურსის საორგანიზაციო ჯგუფში.

2023 წელს, წინა წლის პოზიტიურ გამოცდილებაზე დაყრდნობით, International Wine & Spirit Competition (IWSC) განაახლა თანამშრომლობის პირობები და ერთწლიანი ლიცენზიის ნაცვლად ააიპ “გურჯაანის ღვინის ფესტივალთან” 3-წლიანი კონტრაქტი გააფორმა. შედეგად, უკვე 2023 წელს, IWSC Wine Judging in Georgia 2024-ს კონკურსზე ქართული კომპანიების გარდა, მონაწილეობა მიიღეს სომხურმა და აზერბაიჯანულმა კომპანიებმა – ჯამში წარდგენილი იყო 170-ზე მეტი კომპანიის 520 ღვინო. მათგან მედალოსანი გახდა 310 ღვინო და გაიცა 18 ოქრო, 72 ვერცხლი და 220 ბრინჯაო.

ჟიურის ხელმძღვანელობდა ღვინის ერთ-ერთი საუკეთესო შემფასებელი მსოფლიოში და აღიარებული ღვინის მაგისტრი – ალისტერ კუპერი. ჟიურის შემადგენლობაში ასევე იყვნენ: ევროპის საუკეთესო სომელიე, სალვატორე კასტანო, ევროპის საუკეთესო ახალგაზრდა სომელიე, მელანია ბატისტონი, აგრეთვე ღვინის ექსპერტები, ბაიერები ვილ ჰილი, დევიდ კერმოდი, ქეთ ლომაქსი, გიორგიოს იორდანიდისი, IWSC-ის აღმასრულებელი დირექტორი კრისტელ ჟიბერი, IWSC-ის აღმასრულებელი ტესტირების მიმართულებით ედიტა იანუშიკი. აგრეთვე პროფესიონალი ქართველი მსაჯები, რომლებიც სტანდარტების მიხედვით IWSC-მა შეარჩია.

მნიშვნელოვანია, რომ ზემოთ ჩამოთვლილი საქმიანობის გარდა, კონკურსმა IWSC Wine Judging in Georgia-ამ ქართული ღვინის პოპულარიზაციას ჟიურის წევრების, მონაწილეებისა და ჟურნალისტების მიერ მედიასა და სოციალურ მედიაში პოსტებისა და სტატიების გამოქვეყნებით შეუწყო ხელი.

შარშან, IWSC Wine Judging in Georgia კონკურსზე გაცემული ოქროს მედლებიდან ერთ-ერთი ექიმის ბიო-მარანის” 2021 წლიან რქაწითელს ერგო.

“ოქროს მედლის მიღებამ IWSC ღვინის და სპირტიანი სასმელების საერთაშორისო კონკურსზე უდიდესი სიხარული და სტიმული მოიტანა. ეს იყო რეალური მაგალითი, თუ როგორ ობიექტურად და მაღალპროფესიონალურად ფასდება თითოეული ღვინო. ეს გამარჯვება არა მხოლოდ “ექიმის ბიო-მარანის” წარმატებაა, არამედ მთელი ქართული მეღვინეობის აღიარებაა საერთაშორისო ასპარეზზე. ამ ჯილდომ ჩვენი მარანი უფრო ცნობადი გახადა, რამაც გამოიწვია: მზარდი ინტერესი ექსპორტიორების მხრიდან, ახალი პარტნიორობები ადგილობრივ ღვინის მაღაზიებთან და ბარებთან, გაფართოებული საექსპორტო შესაძლებლობები
ეს ისტორია გვიჩვენებს, რომ თავდაუზოგავი შრომა და ხარისხზე ორიენტირება ყოველთვის ფასდება,” – აღნიშნავს “ექიმის ბიო-მარანის” დამფუძნებელი და ხელმძღვანელი, მარინა კაკიაშვილი.

“ქართველის” აღმასრულებელი დირექტორი, ელისო ღირდალაძე, ხაზს უსვამს საერთაშორისო აღიარების მნიშვნელობას. “IWSC Wine Judging in Georgia კონკურსზე
ჩვენი კომპანიის 2022 წლიან გვიან წინანდალს ოქროს მედალი ერგო. მსგავსი ტიპის ჯილდოები საშუალებას გვაძლევს საერთაშორისო ექსპერტებსა და საზოგადოებას გავაცნოთ ჩვენი წარმოება. ასევე, გვეხმარება ახალი ბაზრების ათვისებასა და გაფართოებაში. მთავარი წარმატების მომტანი ფაქტორია ” ძველი ქართული ღვინის წარმოების ტრადიციებისა და ახალი ტექნოლოგიების შერწყმა, რომლის ერთობლიობითაც იქმნება განუმეორებელი ღვინოს არომატი”.

წელსაც, ტრადიციისამებრ, IWSC-ი საქართველოში საერთაშორისო მსაჯთა ვარსკვლავურ გუნდით წარდგება, რომელთა გამოცდილებითა და ცოდნით, კონკურსი უმაღლესი სტანდარტების დაცვით ჩატარდება. ჟიურის შემადგენლობას უხელმძღვანელებს ქართული ღვინის ცნობილი ექსპერტი და ქომაგი, ქართული ღვინის პოპულარიზატორი დიდ ბრიტანეთსა და ევროპაში, ღვინის მაგისტრი სარა ებოტი. წლევანდელ კონკურსზე კიდევ ერთხელ შეიკრიბა გამორჩეულ პროფესიონალთა გუნდი და კიდევ ერთხელ შეაფასებენ ქვეყნის მდიდარი ღვინის მემკვიდრეობა და გაეცნოებიან მისი დაყენების ავთენტური კულტურას.

“კიდევ უფრო განსხვავებულია 2024 წელს დაგეგმილი, რიგით მესამე IWSC Wine and Spirits Judging in Georgia, რომელიც ნოემბერ-დეკემბერში გაიმართება. ამასთან, წინა წლებისგან განსხვავებით, ღვინის კატეგორიის გარდა, კონკურსი ჩატარდება სპირტიანი სასმელების კატეგორიაშიც. IWSC-ის კონკურსმა მნიშვნელოვანი გარდატეხა მოახდინა ქართული მეღვინეობის განვითარებაში. საერთაშორისო სტანდარტების შემოტანით, კონკურსმა ახალი სიმაღლე დაუწესა ქართველ მწარმოებლებს. მცირე და საშუალო მარნებმა საკუთარი შესაძლებლობების გადაფასება დაიწყეს, რამაც ხარისხის მკვეთრ გაუმჯობესებამდე მიგვიყვანა. მსხვილმა მწარმოებლებმა კი ყურადღება გაამახვილეს უნიკალური, განსაკუთრებული ღვინოების შექმნაზე,” – აღნიშნავენ კონკურსის ორგანიზატორები.

კონკურის ჩატარებიდან ორი წლის შემდეგ, ქართველმა მეღვინეებმა უკეთ გაიაზრეს საერთაშორისო ბაზრის მოთხოვნები. ადრე თუ წარმოების მოცულობაზე კეთდებოდა აქცენტი, დღეს უპირატესობა ენიჭება გააზრებულ მიდგომას – სწორად შერჩეულ რაოდენობას მაღალი ხარისხის უზრუნველყოფით. ამან გამოიწვია მეღვინეობის დარგში ინოვაციური მიდგომების დანერგვა და ტრადიციული მეთოდების გადააზრება თანამედროვე სტანდარტების გათვალისწინებით. განსაკუთრებით აღსანიშნავია კონკურსის გავლენა საოჯახო მარნებზე. მათ მიიღეს უნიკალური შესაძლებლობა, საკუთარი პროდუქცია შეეფასებინათ საერთაშორისო ექსპერტებს, რომლებიც ახლა უკვე თავდაჯერებულად გეგმავენ საექსპორტო ბაზრებზე გასვლას.

IWSC 2025 Wine & Spirits Judging in Georgia-ს გენერალური სპონსორია საქართველოს ბანკი ბიზნესი, ოფიციალური სპონსორი მეღვინეობა თელიანი ველი. კონკურსის მხარდამჭერები: ღვინის ეროვნული სააგენტო, ტურიზმის ეროვნული ადმინისტრაცია, გურჯაანის მუნიციპალიტეტის მერია და ჯეპრა

კონკურსის მედია პარტნიორები: ბიზნესპარტნიორი: ბიზნესი რუსთავი 2, ბიზნესპოსტი, Ipress.ge, newsday.ge, cbw.ge, entrepreneur.com, კომერსანტი, რადიო უცნობი, Businesinsider.ge

კონკურსებით დატვირთული წლის ბოლოს IWSC Wine and Spirits Juding-მა 2024 წლის საუკეთესო ღვინის მწარმოებლები და ღვინოები დაასახელა. გამარჯვებულთა სიაში წარმოდგენილი ღვინოები ერგებიან თანამედროვე ტენდენციებს და წარმოადგენენ სამაგალითო ღვინოებს ღვინის მოყვარულთათვის.

წარმოგიდგენთ მსოფლიოს სხვადასხვა ქვეყნის ღვინოებს, რომლებსაც მსაჯებმა ყველაზე მაღალი ქულებით შეაფასეს, დაწყებული ესპანეთიდან აფრიკამდე თუ ავსტრალიიდან საქართველომდე. აღსანიშნავია, რომ ამ ღვინოების რაოდენობამ 40-ს მიაღწია.

წლის ტოპ 10 ღვინოდან სამი საფრანგეთიდან მოდის, რაც ამ ქვეყანას IWSC 2024-ის ერთ-ერთ ყველაზე წარმატებულ მონაწილე ქვეყნად აქცევს. ყველაზე მეტად შამპანის რეგიონი გამოირჩეოდა – ყველაზე მაღალი შეფასება (98 ქულა) სწორედ ამ რეგიონის როზემ მიიღო. მნიშვნელოვანია გამოვყოთ სამხრეთ აფრიკაც, რომელთა წითელმა და თეთრმა ღვინოებმა მსაჯების გული მოიგეს. მსოფლიო ბაზარზე პოპულარული და წარმატებული ქვეყნების, კერძოდ საფრანგეთის, ესპანეთისა და ავსტრალიის რეგიონების გარდა, საბერძნეთის, უნგრეთის, საქართველოსა და ჩინეთის ნაკლებად ცნობილმა რეგიონებმაც დაიმსახურეს მედლები.

ქვემოთ შეგიძლიათ იხილოთ IWSC-ის მიერ შედგენილი საუკეთესო ოქროს მედლის მფლობელი ღვინოების სია:

 

1. Champagne Palmer, Solera Rosé Brut NV

 

ელეგანტური, ხილის არომატული პროფილი შესაფერისია ვარდისფერი იერისთვის. გემო ჭარბობს რბილი მწიფე წითელი საზაფხულო ხილი. ხილის ინტენსივობა გრძელდება ლიჩის ნოტებით…მეტი

2. Lanson, Clos Lanson Blanc de Blancs Extra Brut 2010

3. Champagne de Saint Gall, Orpale Grand Cru Blanc de Blancs Brut 2012

 

ღვინო კარგად დაბალანსებული კომპლექსური ნოტებით: ციტრუსის ხილი, მკვეთრი მწვანე ვაშლი, მსხვილი გარგარი, ტკბილი თაფლის ფიჭა, არომატული ტრიუფელი და დასამახსოვრებელი კედრის სანელებელი… მეტი

4. Kardanakhi 1888 LLC, Tsarapi 2020

 

 

 

 

 

არომატში იგრძნობა ოქროსფერი ქიშმიში და ახლად გამომცხვარი ნამცხვარი თბილი გარგარითა და ტკბილი სანელებლებით. ხავერდოვანი გემო კომპლექსურია, მაგრამ ამავდროულად აბრეშუმისებრი. იგრძნობა მოხალული თხილის ტექსტურა, დაშაქრული ფორთოხლის ნოტები და დაბალანსებული მჟავიანობა. ნამდვილი შედევრია… მეტი

5. Sogevinus Fine Wines, Kopke Colheita 1965

 

თავისი ტიპის შესაბამისად, ეს არის საოცარი ღვინო დიდებული ბალანსით, სიღრმითა და კომპლექსურობით. გემო სუფთა და ძლიერია, მკვეთრი მჟავიანობითა და თამბაქოს გამოკვეთილი ნოტებით…მეტი

6. Kershaw Wines, Clonal Selection Chardonnay 2020

 

სასიამოვნოდ არომატული გამომცხვარი ვაშლის, ციტრუსის სიმკვეთრით და მრგვალი მუხის არომატით. გემოში იგრძნობა ვიბრაციული ციტრუსისა და ფისტის ნაჭუჭის გონივრული ბალანსი. დასასრული შთამბეჭდავია…მეტი

7. De Morgenzon (Pty) Ltd, Reserve Syrah 2021

 

გამოირჩევა სასიამოვნო ყვავილოვანი არომატით. გემოში მოკა და მუქი ქლიავი ერწყმის მწიფე ტანინებს და სანელებლების მსუბუქ ნოტებს, რაც ელეგანტურ, კარგად სტრუქტურირებულ ხასიათს ავლენს. დასასრული აღმატებულია…მეტი

8. Capensis Wines, Silene Chardonnay 2022

 

მომხიბვლელი არომატები ოქროსფერი ვაშლის, ახალი მსხლისა და ტროპიკული მანგოს ნოტებით გადადის გემოში, რომელიც სავსეა ცოცხალი ლიმონითა და კომშით. ვანილის მუხის შტრიხი ავსებს… მეტი

9. Villiera Wines, Villiera Monro Brut 2017

 

მდიდარი და კომპლექსური ცქრიალა ღვინო, სავსე წვნიანი ხილის არომატებით. ოქროსფერი ვაშლის, ფორთოხლისა და ლიმონის ქერქის ნოტები უნაკეროდ არის შერწყმული მოხალული ბრიოშისა და მარციპანის შტრიხებთან. გემო…მეტი

10. Finca Sobreño, Ildefonso 2018

შთამბეჭდავად სუფთა და კარგად განსაზღვრული, გვიზიდავს მაყვლისა და შავი მოცხარის შესანიშნავი არომატებით. კომპლექსური და მდიდრული გემო ავლენს საშობაო პუდინგის, ქიშმიშისა და ტკბილი სანელებლების მდიდარ ნოტებს…მეტი

11. Weinkultur Preiss, Grüner Veltliner Ried Berg Reserve Traisental DAC 2022

მომხიბვლელი არომატი ავლენს მოხარშული მსხლის, ნესვის და ლიმონის ქერქის ნაზ არომატებს მწვანე ჩაისა და ჯავზის ნოტებით. ფუფუნებით ტექსტურირებული, წარმოაჩენს მდიდრულ მწვანილოვან სიცოცხლეს კომპლექსურობით…მეტი

12. Gusbourne, Boot Hill Vineyard Blanc De Blancs Brut 2018

 

ციტრუსის, ქერქიანი პურის და მწიფე ხილის გამამხნევებელი არომატები, მიმზიდველი ინტენსიური ციტრუსით, თაფლით, ბრიოშითა და ღვეზელის ქერქით მშვენიერ გემოში, რომელიც ასახავს ასაკს. გემრიელი ღვინო… მეტი 

13. Wyfold Vineyard, Rosé Brut 2018

 

გემოები უხვადაა გაჟღენთილი ვაშლის არომატული ნოტებითა და მუქი კონცენტრაციით. ნამდვილი კლასის შტრიხი, წარმოაჩენს ცოცხალ წითელ და შაქრიან ხილს მიმზიდველი სიახლით… მეტი

14. Henriot, Brut 2014

 

შესანიშნავი შამპანური, რომელიც ჯერ კიდევ ვითარდება, აჩვენებს ახალ და ცოცხალ ნოტებს, თაფლის ფენებს, თეთრ ყვავილებსა და სანელებლების შტრიხს. ტექსტურა მსუბუქი და სუფთაა… მეტი

15. Perdeberg, Endura Single Vineyard Chenin Blanc 2022

 

გრაციოზული და ზეთოვანი სუფთა, ახალი არომატით, რომელიც გადადის თავშეკავებული ყვავილოვანი ნოტებისა და კრემისებრი გუავას ბუკეტში. გემოში წმინდამარცვლოვანი ტექსტურა და მწიფე ხილი ჰარმონიულად ერწყმის ციტრუსს…მეტი

16. Vilafonté, Series M 2019

 

ელეგანტური და დახვეწილი არომატით, შავი მოცხარის ფოთლების, ქლიავისა და კვამლიანი მუხის ნოტებით. გემო ახალი და ცოცხალია კარგად ინტეგრირებული ტანინებითა და დაბალანსებული მუხით, რაც ინტენსიურ, გაპრიალებულ დასასრულს იძლევა…მეტი

17. Gonzalez Byass, Tesco Finest Fino NV

ინტენსიური, ელეგანტური, ახალი და ცოცხალი ღვინო, ბრწყინვალე საფუარის ფლორის ხასიათით, მკვეთრი ვაშლისა და ნუშის ნოტებით არომატში: არომატების ნამდვილი ნაზავი. გემოში იგრძნობა თხილის…მეტი

18. House of Cards, Ace High 2023

ინტენსიური და დახვეწილი არომატები, რომლებიც აჩვენებს ლიმონის ცედრას, მწიფე ყვითელ ვაშლს, ციტრუსს, ანანასს და გრეიპფრუტის ქერქის მახასიათებლებს. ეს ყველაფერი ერწყმის ხილის სიწმინდეს გემოში, პლუს კარგად ინტეგრირებულ…მეტი

19. Reif Estate Winery, Icewine Vidal 2021

 

სენსაციურად რთული ღვინო შუშხუნა გარგრის, წვნიანი ატმის, ახლად გამომცხვარი ხილის, მდიდარი ფორთოხლის მურაბისა და გემრიელი ტკბილი სანელებლების ოსტატურად ინტეგრირებული ნოტებით. ღვთაებრივად…მეტი

20. Estate Argyros, Late Release Vinsanto 2003

სენსაციურად ინტენსიური ღრმა გემო ბადაგის, რბილი კარამელის, მდიდრული ქიშმიშის, წვნიანი გამხმარი ფინიკის, კარამელის ტოფისა და არომატული სანელებლების ნოტებით. საოცრად გრძელი და სასიამოვნოდ ცოცხალი გემო…მეტი

21. Royal Tokaji, Aszú 2018

 

ინტენსიური არომატული პაპაიასა და კურკოვანი ხილის გამორჩეული სიწმინდით, რომელიც ავლენს ფორთოხლის ცედრას, თაფლისა და ტკბილი ყვავილობის ნოტებს…მეტი

22. G.D.Vajra, Coste Di Rose 2020

შტოშის და ფორთოხლის ცედრის ვიბრაციული ინტენსივობა, შემოსილი მდიდარი, ელეგანტურად სტრუქტურირებული გემოთი, რომელიც აჩვენებს მწიფე, კარგად დაბალანსებულ ტანინებს სასიამოვნო მჟავიანობის ფონზე. მეტი

23. Dandelion Vineyards, Firehawk Shiraz 2022

დახვეწილი არომატები, რომელიც აჩვენებს ჟოლოს, მუქ ქლიავს, შოკოლადს, სანელებლებსა და მცენარეულ ნოტებს. სანელებლების, ტოსტისა და ვანილის არომატები ერწყმის მათ გემოში. კარგად ინტეგრირებული ტანინები, კონცენტრირებული, მწიფე ხილით… მეტი

24. Deep Woods Estate, Reserve Chardonnay 2020

 

ვიბრაციულ და არომატულ სტილში, სავსე ტროპიკული და კურკოვანი ხილის ნოტებით, შერეული ყვავილოვან ტონებთან და ახალი მწვანილის სასიამოვნო სურნელით. გემო საოცრად ცოცხალია…მეტი

25. Coward & Black Vineyards, The Black Prince Cabernet Sauvignon 2020

 

მწვანილოვანი წითელი ალუბლის არომატი. ფოთლოვანი, ბალახოვანი ნოტები ერწყმის მიწიერ მაყვალს. საინტერესო კომპლექსურობა იგრძნობა… მეტი

26. Weingut Gerhard Deim, Grüner Veltliner Ried Kalvarienberg Kamptal DAC 2022

მომხიბვლელი და არომატული, ეს გრიუნერ ველტლინერი გვთავაზობს კლემენტინის, ნესვის და ცერეცოს თესლის ელეგანტურ არომატებს. გემო ხილიანი და წვნიანია, წარმოაჩენს მშვენიერ მუხის ინტეგრაციას და რბილ, კრემისებრ გემოს. მეტი

27. Co-op, Les Pionniers Brut 2013

შესანიშნავი არომატი ბრიოშის, მოხალული პურისა და მწიფე ვაშლის მიმზიდველი ნოტებით. შემდეგ ვპოულობთ ლიმონის ტარტის, ლაიმის და თეთრი ყვავილების დამატებით ფენებს, თაფლის წვეთით…მეტი

28. Lopota, Chateau Buera Mtsvane Qvevri Reserve 2020

აწეული ყვავილოვანი არომატები, თაფლიანი კომში, ფორთოხლის კანი, კამპარი, მიწა, ბერგამოტის ზეთი კვამლთან და ტორფთან შერწყმით. სავორული შთაბეჭდილებები გემოში მაღალი დონის…მეტი

29. Premium Liquor, Mutu Reserve Merlot-Cabernet 2020

მშვენივრად ფენოვანი კომპლექსურობა ლიქიორის ალუბლით, შავი მოცხარით, ძირტკბილათი და კედრით. გემოში იგრძნობა კედარი, კვამლიანი თამბაქო. კარგად სტრუქტურირებული ღვინო დაბალანსებული ახალი მჟავიანობით, მწიფე…მეტი

30. Marisco Vineyards, The Craft Series Pride And Glory Sauvignon Blanc 2022

 

თავშეკავებული, ელეგანტური არომატი: ხილიანი, მწვანილოვანი და ოდნავ მუხის. გემო მდიდარია, შესანიშნავი მჟავიანობით, რომელიც ციტრუსის ხილის ფენებს ატარებს. მუხა კარგად ინტეგრირებული და დაბალანსებულია…მეტი

31. D’Oliveiras, 15 YO Dry

თამბაქოს, სანელებლების, ლეღვის და მწიფე ხეხილის ინტენსიური არომატი. ცოცხალი გემო აჩვენებს თხილის, ლეღვისა და ჩირის არომატებს მარილიანი შეხებით, გრძელი, ვიბრაციული, კარამელ-ცენტრირებული დასასრულით… მეტი

32. D’Oliveiras, Boal 2006

მშვენიერი კვამლიანი არომატი მუქი კენკრითა და ლეღვით.. გემოში იგრძნობა თხილი და ინტენსიური ქიშმიშის არომატებია, დამწვარი შაქრისა და ბალზამიკო ძმრის შტრიხებით. კარგი…მეტი

33. Sogevinus, Kopke 50 Year Old Tawny

ინტენსიური და მწიფე, შესამჩნევად ახალგაზრდული თავისი ასაკისთვის, ვიბრაციული გემოთი, რომელიც აჩვენებს უხვად თხილის, კაკლის და მოხალული ნუშის არომატებს მწარე შოკოლადისა და ესპრესოს ნიუანსებით…მეტი

34. Vilafonté, Series C 2019

 

ელეგანტური და დახვეწილი არომატები მწიფე შავი ხილისა და მშვენივრად ინტეგრირებული მუხის. გემოში სტრუქტურირებული ტანინები და ინტენსიური წითელი ხილის არომატები ავლენს კრემისებრ ტექსტურას კომპლექსური სანელებლებით…მეტი

35. Emilio Lustau, 30 YO Amontillado NV

ჰარმონიული და კომპლექსური… არომატი გვთავაზობს ინტენსიურ სანელებლებსა და თხილს, ხოლო გემო დაბალანსებულია ძლიერი ხილით, ნუშით და მწარე შოკოლადით. დამწვარი შაქარი და კარამელი… მეტი

36. Valdespino, El Candado Pedro Ximénez

მდიდარი და კრემისებრი ინტენსიური ხილის გემოთი. იფიქრეთ ლეღვზე, ქიშმიშზე, მიხაკზე და თხილზე ტყავის მსგავსი გამხმარი ხილის კომპლექსურობით. მშვენიერი გრძელი დასასრული…  მეტი

37. Bodegas Fundador, Harveys VORS Palo Cortado Medium Blend

კარგი კომპლექსურობა არომატში, მდიდარი, მრგვალი, კრემისებრი და რბილი. ინტენსიური, მდიდარი და უხვი გემო მოხალული ნუშის, მუქი შოკოლადის არომატებით და თამბაქოსა და ლეღვის ფოთლის ქვეტონებით. შესანიშნავი…მეტი

38. Likya Wines, Likya Winery Collection Pinot Meunier 2023

 

ბუკეტი გვთავაზობს უნიკალურ არომატულ და ყვავილოვან სურნელს. გემოში იგრძნობა მრგვალი სხეული მდიდარი ტანინებით და წითელი ხილის, სანელებლების, შავი პილპილის ნიუანსების ნაზავით…მეტი

39. Daldin, Brut 2023

 

ინტენსიური და ელეგანტური არომატები ტკბილი ნუშისა და მწვანე ვაშლის. კომპლექსურ გემოს აქვს მშვენიერი, ხაზოვანი მიმართულება და ლამაზი ტექსტურა, რომელიც მხარს უჭერს დაშაქრული ხილის დამატებას…მეტი

 

თუ ბოლო ორი წლის განმავლობაში საქართველოში ღვინის კონკურსი – IWSC Wine Judging in Georgia – ტარდებოდა, წელს IWSC Wine and Spirits Judging in Georgia ჩატარდება, რადგან პირველად ღვინის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

ერთ-ერთი მსაჯი კი, ქართველი მეღვინეებისთვის კარგად ნაცნობი სალვატორე კასტანო იქნება, რომელიც მის სიყვარულს ქართული ჭაჭის მიმართ არასდროს მალავს.

როგორ ფიქრობთ, როგორ გავლენას მოახდენს თქვენი გამოცდილება ღვინის სფეროში ქართული სპირტიანი სასმელების შეფასებაზე? რა უნიკალურ მახასიათებლებს ეძებთ ყველაზე მეტად, განსაკუთრებით ჭაჭაში?

ვფიქრობ, რომ, როდესაც ღვინოსა და სპირტიან სასმელებს აგემოვნებ, მიდგომა ძალიან განსხვავებულია ამ ორს შორის. მაგრამ საბოლოოდ, ყოველთვის ეძებ ერთი და იმავე მახასიათებლებს, რაც ნიშნავს ბალანსს, სიახლეს და პროდუქტის არომატულობას. ასევე უნდა დავრწმუნდე, რომ პროდუქტს არ აქვს ნაკლოვანებები. მე დიდი ფანი ვარ გრაპას, ასე რომ…

როგორც იტალიელს, ჩემს მშობლებს აქვთ გრაპას უდიდესი კოლექცია სამხრეთ იტალიაში – 160-ზე მეტი ბოთლი ყურძნის დისტილატებისა. ჯიშის მიხედვით, განსხვავდება არომატები და სტილი, ზოგიერთი უფრო ყვავილოვანი სტილისაა, ზოგი კი უფრო ხილიანი. 

თქვენი სიცილიური წარმომავლობისა და ლონდონში ამჟამინდელი როლის გათვალისწინებით, როგორ მიუდგებით ისეთი ქვეყნის სპირტიანი სასმელების შეფასებას, რომელსაც უძველესი ტრადიცია აქვს, როგორიცაა საქართველო?

სიცილიასა და საქართველოს ორივეს მდიდარი ისტორია აქვთ. ქართული მეღვინეობა ალბათ უფრო ძველია, ვიდრე სიცილიური. ჩვენ ყოველთვის პატივს ვცემთ კლასიკურ პროდუქტებს და მათ უკან მდგარ ისტორიას. მჯერა, რომ საქართველოს ერთ–ერთი ყველაზე საინტერესო კულტურა აქვს, განსაკუთრებით გასტრონომიის თვალსაზრისით. ჩვენ ყოველთვის ვითვალისწინებთ მის ისტორიას და ვცდილობთ, რაც შეიძლება სამართლიანები ვიყოთ ყველა პროდუქტის მიმართ. ჩემთვის სპირტიანი სასმელების შეფასება არ განსხვავდება ღვინის შეფასებისგან; ჩვენ ვეძებთ საუკეთესო პროდუქტებს. თუ რაიმე ნაკლოვანებას ვამჩნევთ, მწარმოებელს ვაძლევთ უკუკავშირს და ვურჩევთ, გააუმჯობესონ. ჩვენ თვითონ არ ვართ მეღვინეები ან სპირტიანი სასმელების მწარმოებლები, მაგრამ ვცდილობთ დავეხმაროთ მათ, რაც შეიძლება მეტად, განსაკუთრებით მაშინ, როცა ვიცით, რა სურს ინგლისურ ბაზარს. 

ქართული სასმელების, მათ შორის მათი სპირტიანი სასმელების რა ასპექტებს მიიჩნევთ ყველაზე საინტერესოდ ან უნიკალურად?

რაც მიყვარს საქართველოში – ჩემი ქართველი მეგობრების გარდა – არის ჭაჭა.

მაგრამ რაც მართლა მიყვარს, არის მათი ქარვისფერი ღვინო. ჩემთვის ქარვისფერი ღვინოები, რომლებსაც ისინი აწარმოებენ, მსოფლიოში საუკეთესოთა შორისაა. ზოგიერთი საუკეთესო ნიმუში, რომელიც გამისინჯავს, საქართველოდანაა. ხარისხი და სიზუსტე ზოგიერთ მათგანში შთამბეჭდავია. თუ მსგავსი ღვინო უნდა შევარჩიო, ყოველთვის ქართულს დავეძებ.

როგორ ხედავთ ტრადიციული სპირტიანი სასმელების, როგორიცაა ჭაჭას, როლს ქართული ალკოჰოლური სასმელების მემკვიდრეობის წარმოჩენაში გლობალურ ბაზარზე და რა არის მისი პოტენციალი?

ვფიქრობ, ეს რთული ბაზარია. სპირტიანი სასმელები ყოველთვის გამოწვევაა, იქნება ეს ჭაჭა, ჯინი თუ არაყი. ამჟამად ბაზარზე ბევრი პროდუქტია, და მათი რიცხვი სულ უფრო და უფრო მატულობს. პლუს, ბევრმა არ იცის, რა არის ჭაჭა. ასე რომ, ვფიქრობ, აქ მარკეტინგის როლი გადამწყვეტია. თუ აუდიტორიას აუხსნით, რომ ჭაჭა გრაპას ჰგავს, რადგან ორივე სასმელი გადის ერთი და იმავე პროცესს, ადამიანებისთვის უფრო ადვილი გასაგებია. იტალიელები ცოტა უფრო ჭკვიანები იყვნენ, რადგან ამ პროდუქტის პოპულარიზაცია უფრო ადრე დაიწყეს. ქართული სპირტიანი სასმელებისთვის იმავეს მიღწევა უფრო რთულია, მაგრამ მჯერა, რომ სწორი მარკეტინგით ეს შესაძლებელია.

წელს მეღვინეებს IWSC Wine & Spirits Judging in Georgia-ზე დიდი სიახლე ელოდებათ: ღვინის პროდუქციის გარდა, მწარმოებლებს შეეძლოთ, ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

წარმოგიდგენთ IWSC Wine & Spirits Judging in Georgia-ს სპირტიანი სასმელების კატეგორიის ჟიურის წევრებს!

ერიკ ცვიბელი – The Samling Hotel-ის ღვინის დირექტორი და უფროსი სომელიე. მრავალგზის გამარჯვებული სომელიეების საერთაშორისო კონკურსებში. სალვატორე კასტანო – ევროპის საუკეთესო სომელიე და Friarwood-ის ღვინის ბაიერი. გიორგი სამანიშვილი – ღვინისა და ალკოჰოლური სასმელების ექსპერტი.

შეგახსენებთ, რომ IWSC (International Wines and Spirits Competition) საქართველოში რიგით მესამე კონკურს ჩაატარებს. IWSC 2025 Wine & Spirits Judging in Georgia, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით, 2024 წლის 27 ნოემბრიდან 1 დეკემბრამდე თბილისში გაიმართება.

საქართველო ღვინის საერთაშორისო კონკურსს IWSC წელს მესამედ მასპინძლობს. წლევანდელი ღონისძიების მთავარი თემა ქართული ხელოვნების გამორჩეული წარმომადგენელი, ნიკო ფიროსმანია. აღსანიშნავია, რომ შარშანდელმა კონკურსმა, რომლის კონცეფცია ტრადიციული ქართული სუფრის პოპულარიზაციას ეძღვნებოდა, საერთაშორისო ჟიურისა და მონაწილეების დიდი მოწონება დაიმსახურა.

წლევანდელი ღონისძიება აგრძელებს ქართული კულტურული მემკვიდრეობის უნიკალური ასპექტების წარმოჩენას. ნიკო ფიროსმანი, როგორც ქართული კულტურის ფასდაუდებელი საგანძური, მნიშვნელოვანი შთაგონების წყაროა, როგორც მეღვინეებისთვის, ისე დეგუსტატორებისთვის. მისი შემოქმედება კი, სრულად ასახავს საქართველოს მრავალსაუკუნოვან მეღვინეობის ტრადიციებს.

ღვინის საერთაშორისო კონკურსი IWSC  არა მხოლოდ ქართული მეღვინეობის მაღალ სტანდარტებს წარმოაჩენს, არამედ მსოფლიო საზოგადოებას საქართველოს მდიდარ კულტურულ მემკვიდრეობასთან აახლოებს. მნიშვნელოვანია, რომ წელს, ლონდონში გამართულ ქართული ღვინოების გამოფენაზე, სადაც IWSC-ის ოქროსა და ვერცხლის მედალოსანი ღვინოები იყო წარმოდგენილი, ორგანიზატორებმა პავილიონი ტრადიციული ქართული ლურჯი სუფრის ელემენტებითა და ორნამენტებით მორთეს.

შეგახსენებთ, რომ IWSC (International Wines and Spirits Competition) საქართველოში რიგით მესამე კონკურს ჩაატარებს. IWSC 2025 Wine & Spirits Judging in Georgia, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით, 2024 წლის 27 ნოემბრიდან 1 დეკემბრამდე თბილისში გაიმართება. ტრადიციისამებრ, IWSC-ი საქართველოში საერთაშორისო მსაჯთა ვარსკვლავურ გუნდით წარდგება, რომელთა გამოცდილებითა და ცოდნით, კონკურსი უმაღლესი სტანდარტების დაცვით ჩატარდება.

მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა.

საქართველო ღვინის საერთაშორისო კონკურსს, IWSC (International Wines and Spirits Competition) წელს მესამედ უმასპინძლებს. კონკურსის ჟიურის ადგილობრივი მსაჯების ვინაობაც ცნობილია, რომლებიც  წარმოდგენილ ღვინის ნიმუშებს საერთაშორისო მსაჯთა ვარსკვლავურ გუნდითან ერთად შეაფასებენ. სწორედ  მათი გამოცდილებითა და ცოდნით, კონკურსი უმაღლესი სტანდარტების დაცვით ჩატარდება.

ქართველ მსაჯებს შორის არიან ექსპერტები და ღვინის სფეროში მოღვაწე ადამიანები: ღვინის ეროვნული სააგენტოს თავმჯდომარე ლევან მეხუზლა. ენოლოგი მარიამ ხომასურიძე და უფროსი სომელიე ჯაბა ძიმისტარიშვილი.

მნიშვნელოვანია,  რომ უცხოელ ჟიურთა რიცხვი წელს კიდევ უფრო გაიზარდა და ღვინის საერთაშორიოს კონკურსის მსაჯების გუნდს, რომელიც საქართველოს ესტუმრება,  ჟიურის წევრი, ქართული ღვინის ცნობილი ექსპერტი და პოპულარიზატორი დიდ ბრიტანეთსა და ევროპაში, ღვინის მაგისტრი სარა ებოტი უხელმძღვანელებს. სარა ებოტის შეუერთდებიან საერთაშორისო ჟიური, მათ შორის ღვინის ბაიერები, უფროსი სომელიეები და ღვინის კონსულტანტები., როგორებიც არიან წლევანდელ კონკურსზე კიდევ ერთხელ შეიკრიბა გამორჩეულ პროფესიონალთა გუნდი. როგორებიც არიან, დეივიდ კერმოდი – ღვინის მწერალი და მედია პროფესიონალი. BBC-ის ყოფილი რედაქტორი, ამჟამად უძღვება პოპულარულ პოდკასტს ღვინისა და სპირტიანი სასმელების შესახებ. გეორგიოს იორდანიდისი – Annabel’s London-ის ღვინის განყოფილების ხელმძღვანელი. სპეციალიზდება ღვინის პროგრამების შექმნასა და განვითარებაში. ვილ ჰილი – Novel Wines-ის ღვინის შესყიდვების დირექტორი. ექსპერტი ნაკლებად ცნობილი ღვინის რეგიონების აღმოჩენაში, განსაკუთრებით აღმოსავლეთ ევროპაში. რეიჩელ პოგმორი – Enotria-ს ღვინის ბაიერი. სპეციალიზდება და იკვლევს ახალი ღვინის რეგიონებს მსოფლიოს მასშტაბით. სანი ჰოჯი – ღვინის კონსულტანტი და ავტორი. ცნობილია ინოვაციური მიდგომით ღვინის ბიზნესის მართვაში. ჰერი ქრაუთერი – Good Pair Days-ის ბაიერი და კონსულტანტი. ექსპერტი ღვინის წარმოებიდან გაყიდვების სტრატეგიებამდე. ერიკ ცვიბელი – The Samling Hotel-ის ღვინის დირექტორი და უფროსი სომელიე. მრავალგზის გამარჯვებული სომელიეების საერთაშორისო კონკურსებში და სალვატორე კასტანო – ევროპის საუკეთესო სომელიე და Friarwood-ის ღვინის ბაიერი.

„IWSC მსოფლიოს ერთ-ერთი უძველესი და ყველაზე პრესტიჟული ღვინისა და ალკოჰოლური სასმელების კონკურსია, რომელიც ცნობილია თავისი უმაღლესი შეფასების სტანდარტებითა და  ჟიურის პროფესიონალიზმით. IWSC-ის საერთაშორისო კონკურსის საქართველოში ჩატარებამ, ადგილობრივ მეწარმეებს მისცა შესაძლებლობა მიეღოთ საერთაშორისო აღიარება როგორც დიდ  ბრიტანეთში, ისე მსოფლიოს სხვადასხვა ქვეყანაში. ის ფაქტი, რომ IWSC  უკვე მესამედ ტარდება საქართველოში, მიუთითებს, რომ დიდია ინტერესი  ჩვენი ქვეყნის მიმართ IWSC-ის მხრიდან, ასევე ქართული ღვინის ინდუსტრიის მხრიდან კონკურსის მიმართ. კონკურსის მონაწილეებისა და წარდგენილი ღვინოების უპრეცდენტო ზრდა ყოველწლიურად, მიანიშნებს, რომ ქართველმა მეწარმეებმა რეალურად დაინახეს მსგავს კონკურსებში მონაწილეობის მნიშვნელობა და ორიენტირებულები არიან აწარმოონ უმაღლესი ხარისხის ღვინოპროდუქცია, რაზეც მიუთითებს ქართული ღვინის ექსპორტის ზრდის ტენდეციები ევროპის ბაზრის მიმართულებით,“ –  აღნიშნავს ღვინის ეროვნული სააგენტოს თავმჯდომარე ლევან მეხუზლა.

ცნობისათვის, IWSC 2025 Wine & Spirits Judging in Georgia, გურჯაანის ღვინის ფესტივალთან და საქართველოს ღვინის ეროვნულ სააგენტოსთან თანამშრომლობით, 2024 წლის 27 ნოემბრიდან 1 დეკემბრამდე თბილისში გაიმართება. მეღვინეებს წელს მნიშვნელოვანი სიახლე ელით: ღვინის პროდუქციის გარდა, შესაძლებელი იქნება ჭაჭის, ბრენდისა და სხვა მაღალალკოჰოლური სასმელების კონკურსზე წარდგენა. კონკურსი მეღვინეებს უნიკალურ შესაძლებლობას აძლევს, წარმოაჩინონ თავიანთი პროდუქცია ჟიურის წევრების, ინდუსტრიის საერთაშორისოდ აღიარებული, ავტორიტეტული  ექსპერტების წინაშე.

IWSC 2025 Wine & Spirits Judging in Georgia-ს  გენერალური სპონსორია საქართველოს ბანკი ბიზნესი, ოფიციალური სპონსორი  მეღვინეობა თელიანი ველი კონკურსის მხარდამჭერები: ღვინის ეროვნული სააგენტო, ტურიზმის ეროვნული ადმინისტრაცია, გურჯაანის მუნიციპალიტეტის მერია და ჯეპრა

კონკურსის მედია პარტნიორები: ბიზნესპარტნიორი: ბიზნესი რუსთავი 2, ბიზნესპოსტი, Ipress.ge, newsday.ge, cbw.ge, entrepreneur.com, კომერსანტი, რადიო უცნობი, Businesinsider.ge