Club Oenologique: 19 ოქროსმედალოსანი ქართული ღვინო IWSC 2024-ის კონკურსიდან
ბრიტანული ღვინისა და ალკოჰოლური სასმელების ჟურნალი Club Oenologique 19 საუკეთესო ქართული ღვინის შესახებ სტატიას აქვეყნებს.
თუ ოდესმე ქართულ სუფრაზე (დღესასწაულზე) ყოფილხართ, გეცოდინებათ, რა პატივისცემით ეპყრობა ქართულ ღვინოს ქვეყნის მოსახლეობა. საქართველოს, რომელსაც ხშირად “ღვინის აკვნად” მოიხსენიებენ, მეღვინეობის მდიდარი ისტორია აქვს. არქეოლოგების მიერ აღმოჩენილი სხვადასხვა ღვინის არტეფაქტები, როგორიცაა სასხლავი დანები და ქვის საწნახელი, 8000 წლის წინანდელ პერიოდს განეკუთვნება. ლეგენდაც კი მოგვითხრობს, რომ მეომრები აბჯარში ვაზის ნაჭერს ქსოვდნენ, რათა მკერდი დაეცვათ ბრძოლაში წასვლამდე – ასე რომ, თუ დაიღუპებოდნენ, მათი გულიდან ვაზი ამოიზრდებოდა.
მე-20 საუკუნეში საქართველო იყო საბჭოთა კავშირის დიდი ნაწილის ღვინის მთავარი მწარმოებელი, მაგრამ 1990-იან წლებში დამოუკიდებლობის მოპოვების შემდეგ საბჭოთა “ღვინის ქარხნები” გაქრა და მათ ადგილი დაიკავეს მცირემასშტაბიანმა მწარმოებლებმა, რომლებიც ხარისხის გაუმჯობესებას ისახავენ მიზნად.
საქართველო, შესაძლოა უნებურად, მეღვინეობის ავანგარდშია. ღვინის დადუღება დიდ თიხის ამფორებში (ცნობილი ქვევრის სახელით) ტექნიკაა, რომელსაც ახლა მსოფლიოს ზოგიერთი ყველაზე გავლენიანი მწარმოებელი იყენებს, თუმცა საქართველოში ის საუკუნეების განმავლობაში გამოიყენებოდა. გარდა იმისა, რომ ნატურალური/ქარვისფერი ღვინო შესაძლოა ახალი ათასწლეულის რჩეული სასმელი იყოს, საქართველოში მას ათასწლეულების განმავლობაში ამზადებენ.
ერთ-ერთმა ასეთმა ქარვისფერმა ღვინომ – კარდანახი 1888, წარაფი 2020 – მოიპოვა ოქროს მედალი წლევანდელ IWSC-ზე, შთამბეჭდავი 97/100 ქულით. დაგემოვნებისას ჟიურიმ ღვინოში აღნიშნა “ოქროსფერი ქიშმიში და ახლად გამომცხვარი ნამცხვარი არომატში, თბილი გარგრისა და ტკბილი სანელებლების ნოტებით”, ასევე “ხავერდოვანი გემო რთული, მაგრამ აბრეშუმისებრი სტრუქტურით”.
საქართველომ წელს IWSC-ზე ოქროს მედლების შთამბეჭდავი რაოდენობა მოიპოვა, მათ შორის ადგილობრივი ყურძნის ჯიშის – საფერავით დაყენებული წითელი ღვინით, რომელმაც 96 ქულა დაიმსახურა. “საფერავი” უბრალოდ “ფერს” ნიშნავს და ეს ჯიში მდიდარი, ტანინიანი ღვინოების დაყენების საშუალებას იძლევა, ძირტკბილას, ქლიავისა და სანელებლების ნოტებით. ზოგჯერ მას ნახევრად ტკბილი სტილითაც ამზადებენ.
მანამ სანამ სანამ ექსპერტთა ჯგუფი ბრმა ტესტირებას დაიწყებდა, IWSC 2024-ზე ყველა ქართული ღვინო ფერისა და სტილის მიხედვით დალაგდა. ღვინის მაგისტრი, სარა ებოტი პასუხისმგებელი იყო შეფასებაზე როგორც უშუალოდ საქართველოში, ისე პრესისთვისა და ღვინის ბაიერებისთვის ჩატარებულ ღონისძიებაზე ლონდონში.
როგორ აფასებს IWSC-ი ღვინოს;
ჩვენ ვატარებთ მკაცრად სტრუქტურირებულ, პროფესიონალურ ღვინის ტესტირების პროცესს. ეს გულისხმობს, რომ თითოეული ღვინის ნიმუში წინასწარ ისხმება დანომრილ ჭიქებში და ფასდება ჟიურის წევრების მიერ ბრმა დეგუსტაციით. IWSC-ის ღვინის მსაჯები არიან თავიანთი დარგის ექსპერტები, რომლებიც მოღვაწეობენ ღვინის ინდუსტრიის ყველა სექტორში.
დამატებითი ინფორმაციისთვის იხილეთ მსაჯების სრული სია.
როგორია ღვინის შეფასების სისტემა?
მხოლოდ საუკეთესო ღვინოები იღებენ ოქროს ან ვერცხლის ჯილდოს. მაგალითად, ოქროს მედლის მოსაპოვებლად ღვინოებმა უნდა დააგროვონ 95-დან 100 ქულამდე. ამავდროულად, ვერცხლის მედლის მფლობელი ღვინოები 90-დან 94 ქულამდე მერყეობს. ქულების სისტემის შესახებ დამატებითი ინფორმაციისთვის გადადით ბმულზე.
წარმოგიდგენთ IWSC Wine Judging in Georgia-ზე გამარჯვებულ საუკეთესო 19 ღვინოს და კონკურსზე ჟიურის წევრების მიერ მიცემულ შეფასებებს.
1 Kardanakhi 1888 LLC, Tsarapi 2020
2 Mildiani Family Winery, Mukuzani Reserve 2018
3 Mildiani Family Winery, Khikhvi Qvevri Bouquet 2018
4 LTD Kakheti Company, Bedoba Orange 2021
5 Lopota, Chateau Buera Mtsvane Qvevri Reserve 2020
6 Satsnakheli, Kakhuri Mtsvivani 2020
7 Lionidzis Zvari, Saperavi Reserve 2019
8 Badagoni, Saperavi Kosher 2018
10 Mildiani Family Winery, Brut Reserve 2015
11 LLC Alazani, Tsinandali 2022
12 Kartveli, Gvariani Tsinandali 2022
13 Uplistsikhe Estate LLC, Goruli Mtsvane 2022
14 Vazisubani Estate LLC, Kisi Qvevri 2021
15 Askaneli Brothers LLC, Muza 2019
16 Mildiani Family Winery, Saperavi Reserve 2013
17 Askaneli Brothers LLC, Kakhuri Mtsvane Qvevri 2021
18 Doctor’s Bio-cellar, Rkatsiteli 2021
19 Vardiashvili Family Wine, Saperavi 2021
Kardanakhi 1888 LLC, Tsarapi 2020
არომატში იგრძნობა ოქროსფერი ქიშმიში და ახლად გამომცხვარი ნამცხვარი თბილი გარგარითა და ტკბილი სანელებლებით. ხავერდოვანი გემო კომპლექსურია, მაგრამ ამავდროულად აბრეშუმისებრი. იგრძნობა მოხალული თხილის ტექსტურა, დაშაქრული ფორთოხლის ნოტები და დაბალანსებული მჟავიანობა. ნამდვილი შედევრია. წაიკითხეთ მეტი
Mildiani Family Winery, Mukuzani Reserve 2018
უხვი ხილითა და სასიამოვნო სიმწარით გაჯერებული, ღრმა წიწაკოვანი ხილისა და მწიფე, ველური კენკრის არომატები თავიდანვე გვხიბლავს. გემოში იკვეთება მშვენიერი მცენარეული ნოტები, რომლებიც ჰარმონიულად ერწყმის პიკანტური მუქი ხილის გულს. ეს კომპლექსური არომატული პალიტრა ელეგანტურად არის შემოსილი საუკეთესო მუხის კასრის ტონებითა და განსაცვიფრებლად გლუვი ტანინებით. წაიკითხეთ მეტი
Mildiani Family Winery, Khikhvi Qvevri Bouquet 2018
საოცრად ექსპრესიული და არომატული ბუკეტი, სადაც კომშის, თაფლის, გამხმარი მანგოსა და ფორთოხლის ქერქის რთული ფენები იკვეთება. გემოში იგრძნობა შთამბეჭდავი კონცენტრაცია, მშვენიერი სანელებლებისა და მანდარინის ნოტებით. კარგად დაბალანსებული მჟავიანობა ხელს უწყობს მარმელადის არომატის გახანგრძლივებას, რომელიც საბოლოოდ მსუბუქი მწვანილის ნოტით სრულდება. წაიკითხეთ მეტი.
LTD Kakheti Company, Bedoba Orange 2021
კომპლექსური და მრავალფენიანი, შესანიშნავი სიზუსტით შექმნილი ღვინო. ხურმის, ტკბილი სანელებლებისა და კოჭას მწიფე არომატები ჰარმონიულად ერწყმის კრემისებრ, მაგრამ კარგად სტრუქტურირებულ გემოს. მიუხედავად დელიკატური ხასიათისა, თითოეული არომატული ნოტა მკაფიოდ არის გამოკვეთილი და განსხვავებული. ღვინო სრულდება გრძელი, კიდევ უფრო დახვეწილი ფინალით. წაიკითხეთ მეტი.
Lopota, Chateau Buera Mtsvane Qvevri Reserve 2020
ამაღლებული ყვავილოვანი არომატები იგრძნობა სურნელში: თაფლიანი კომში, ფორთოხლის ქერქი, კამპარი, მიწიერი ნოტები და ბერგამოტის ზეთი, შერწყმული კვამლისა და ტორფის ნაზი არომატებით. გემოში იკვეთება ქონდრის ნიუანსები და ხილის მაღალი კონცენტრაცია, რაც ავლენს ღვინის კომპლექსურობასა და დაბალანსებულობას. სრულდება ელეგანტური ფინალით. წაიკითხეთ მეტი.
Satsnakheli, Kakhuri Mtsvivani 2020
შესანიშნავად გამოხატული არომატული პროფილი, რომელიც მდიდარია მოხალული კაკლის, მიხაკის სანელებლებისა და ინტენსიური კარამელის მკაფიო ნოტებით. გემო დამამშვიდებელი, კრემისებრი და ჰარმონიულია. იგრძნობა ფუტკრის ცვილისა და ხურმის მიმზიდველი არომატები, რომლებსაც ერწყმის მოხალული პურისა და თხილის უფრო ღრმა ნოტები. ნამდვილად ბრწყინვალე ღვინოა! წაიკითხეთ მეტი.
Lionidzis Zvari, Saperavi Reserve 2019
მუქი მოცვი და ცხვირის არომატი მშვენიერ ინტენსივობას ქმნის, რომელიც გემოზე ვითარდება ვანილისა და მიხაკის სანელებლებით. გლუვი, ინტეგრირებული მუხა და დაბალანსებული ტანინები ტექსტურას ანიჭებს შავი მოცხარის რთული ფენით დასრულებაზე. წაიკითხეთ მეტი.
Badagoni, Saperavi Kosher 2018
მწვანილისა და ხმელი ხილის დელიკატური არომატი პირველად ელეგანტურობას ანიჭებს მიმზიდველი და მომრგვალებული გემოთი, რომელიც რამდენიმე მეორეხარისხოვან ხილსა და გლუვ ტანინებს ავლენს. წაიკითხეთ მეტი.
LTD Brica, Kisi Qvevri 2022
მიმზიდველი, დელიკატური არომატი ატმის ყვავილის, ვაშლის კანის, გარგარის ჩირის, გვირილისა და ცხრატყავას თავისებურებებს ავლენს. გემოზე ვხვდებით ქონდრის ნოტებს, მკვეთრ მინერალებსა და მარილიან შეხებას. წაიკითხეთ მეტი.
Mildiani Family Winery, Brut Reserve 2015
ოსტატურად შემუშავებული მაგალითი: გვთავაზობს მწიფე ლიმონის ქერქისა და ახლად მომზადებული ტოსტების უხვ სურნელს ცოცხალი გემოს წინ, სავსე ყვითელი მსხლის არომატითა და ქონდრის ყველის ქერქის რთული ნოტებით. წაიკითხეთ მეტი.
LLC Alazani, Tsinandali 2022
ფორთოხლის ყვავილისა და ციტრუსის მშვენიერი არომატი ქვის ხილისა და თბილი მწვანილის ქვედა ნოტებით. მინერალებით სავსე გემო მწვანე შეხებითა და ლამაზად გრძელი დასრულებით, სავსე ატმის ცოცხალი არომატით. წაიკითხეთ მეტი.
Kartveli, Gvariani Tsinandali 2022
მწვანე ვაშლი და ცაცხვი წინა პლანზეა სურნელოვანი თეთრი ყვავილების არომატითა და ცოცხალი მჟავიანობით გემოზე, რაც მშვენიერ სიახლეს ქმნის. ციტრუსის ნაყოფის ფენები ტექსტურასა და გრძელ, ტკბილ სიგრძეს იძლევა. წაიკითხეთ მეტი.
Uplistsikhe Estate LLC, Goruli Mtsvane 2022
მდიდარი და ინტენსიური ყვითელი გარგრისა და ბაღის ხილის ახალი თაიგულით, გემოზე მინერალური ზოლით შეფერილი ცხრატყავას ელფერით და ელეგანტური მსხლის კრისტალური ტექსტურითა და მომრგვალებული მჟავიანობით. ხანგრძლივი და მდგრადი დასრულება. წაიკითხეთ მეტი.
Vazisubani Estate LLC, Kisi Qvevri 2021
ატმისა და ნექტარინის მშვენიერი, მდიდრული ცხვირი ნიგვზის ტკბილი გემოთი, ფორთოხლისფერ შოკოლადში მოტრიალებული მაკადამიის ნუში, კვამლის ელეგანტური შეხება და ძალიან გრძელი, სრული სხეული. წაიკითეთ მეტი.
Askaneli Brothers LLC, Muza 2019
ექსპრესიულად არომატული კომშის, მანდარინისა და თაფლიანი გარგარის სიუხვით. მწვანე ჩაის მკვეთრი და ინტენსიური მინიშნებები. მომხიბვლელი და ინტეგრირებული, ახალი მჟავიანობითა და ელეგანტური სიმშვიდით. წაიკითხეთ მეტი.
Mildiani Family Winery, Saperavi Reserve 2013
წითელი ალუბლისა და მოცვის ხილის ნოტები შერწყმულია ვანილის, ტყავისა და ტკბილი სანელებლების ნოტებით ცხვირზე. რბილი ტანინები, გამაგრილებელი მჟავიანობა და საშუალო სიგრძის დასრულება. წაიკითხეთ მეტი.
Askaneli Brothers LLC, Kakhuri Mtsvane Qvevri 2021
ოქროს ვაშლი, მწიფე მსხალი, თაფლის ნესვი, ხმელი ქიშმიში და გამხმარი გარგარის ნოტები ცხვირზე შერწყმულია კარაქის არომატით, რათა სუფთა, ხმელი ხილის დასრულებამდე სუფთა მჟავიანობა მიენიჭოს. წაიკითხეთ მეტი.
Doctor’s Bio-cellar, Rkatsiteli 2021
თაფლის, ატმის, ჩირის, გვირილისა და ლიმონის ცედრას არომატულ მახასიათებლები, გემოვნებით ვაშლის, მსხლისა და გამომცხვარი კომშის არომატის მახასიათებლები. კარგად ინტეგრირებული მჟავიანობა უზრუნველყოფს მშვენიერ სიახლეს, ცხიმიან ტექსტურასთან ერთად, ტოვებს კარგ შეგრძნებას პირის ღრუში და გრძელ, ხანგრძლივ დასრულებას. წაიკითხეთ მეტი.
Vardiashvili Family Wine, Saperavi 2021
ევკალიპტის, ალუბლისა და ნუშის ნაზი, სურნელოვანი ნოტები. გემოს აქვს მშვენიერი სირთულე და სიმშვიდე კარგად დაბალანსებული ხილის გემოთი და პროფესიონალურად ინტეგრირებული მუხით. წაიკითხეთ მეტი.